مذكرات عاطفية ( 2 الحلقة الخامسة والعشرون ) - سلسلة ياسمينة الروح
مذكرات عاطفية ( 2 الحلقة السابعة والعشرون ) - سلسلة ياسمينة الروح
الحلقة السادسة والعشرون
علاء : انا من راي احمد، المشاهد القادمة كلها بتعتمد على الشباب
امجد : خصوصا لما وصلتوا احمد وحكالنا انه رحت اساعد علاء خربت سيارته
اسيل ( اجت فجاة ) : متى ناويين تناموا انتوا اه ؟ مشان الله مو قادرة اركز من صوتكم
هيثم ( بنبرة حادة ) : طيب نزلي اكمامك وضبي شعرك منيح
اسيل ( متلبكة وبتعمل متل ما حكالها خالو ) : يييي كتير شوب بيت خالو ماهر وبعدين نزلت نص الدرج وانا بلا حجاب أصلا من كتر العجلة
غنى : طب اقعدي بغرفتي واضوي المكيف
اسيل : بستحي اقعد بغرفة مو الي
انس ( ماشي بسرعة وبحكي بالموبايل ) : يلا يلا هيني اجيت ( انتبه على اسيل ) فوتي جوا وسكري الباب
اسيل : مو واقفة على الباب كمل طريقك بدون أوامر
انس ( معصب ) : قصري لسانك لاقصلك إياه حكيت فوتي وسكري الزفت
طبعا اختي مستحيل تمرق لانس هيك تصرف بحقها وقدام الكل، لازم تستعمل كيدها بس اكيد بالوقت المناسب ..
////
ما بعرف ليه هيك تصرفت معها، بس كان منظرها ملفت كثير وصاحبي جاي ورح يدخل من باب البناية اللي مواجه لباب بيت س يدي ..
معاذ : تفضل سيد انس هي جبتلك الورق واحكي عني عاطل
انس: … شكرا
معاذ : خير ؟ مين مزعلك
انس ( بلعت ريقي ) : ما حدا .. انا زعلت اسيل وعصبت عليها
معاذ : له له شو عاملة لحتى طلعت عصبية البارد انس هههه ؟؟!
انس : اختصرني لادفنك بارضك، يلا خلصني ارجع على بيتك كمل دراسة
معاذ ( اعطاني حبة شوكولا ) : اسمع بدي منك معروف مع اني فاقد الامل بس قلت بحاول
انس : شو هاي ؟
معاذ ( متلبك ) : جبتلك مثلها بس بدي تعطي هاي لهديك البنت اللي اسمها فرح اعتذار عن أي تصرف خطا بدر مني
انس ( بحلقت فيه ) : اعتذار !! طيب ماشي هات واعطيني الي ولاسيل كمان
رجعت على بيت سيدي ولقيت الكل بضحك وبمزح وبستعدوا للتمثيل، رميت حبة الشوكولاتة بحضن فرح ..
فرح ( فتحتها بسرعة ) : ياااي يسلمو النوع اللي بحبه
انس : هاي هدية الك خص نص
امجد : من مين ؟
انس : سر، وين اسيل ( لمحتها جنب خالو هيثم ) وهاي الك
اسيل ( بغرور ) : ما بحب هاي الأنواع غلبت حالك على الفاضي
انس ( بمسخرة ) : للأسف مو انا اللي جبتها تفلسفتي على الفاضي
الجميع : هههههههههههه
أبو امير : الحمدلله اللي ريان نايم احسن ما يفجر راسنا هسة
انس : ريان بروح اجيبله خصوصي ولو، المهم يلا قومي ادرسي هالكلمتين اللي نزلتي عشانهم عشان بدي اكمل دراستي
اسيل : ما بدي شكرا سديت نفسي
أبو امير : يعني انتي نزلتي من فوق لتحت عشان انس يدرسك ولا من صوتنا ؟
اسيل : عشان التنين، بس غيرت رايي وانس لا بدي احكي معه ولا يحكي معي
عمر : مقاطعة بني هاشم
انس ( نص ضحكة ) : انتي الخسرانة، يلا انا فايت اكمل دراسة
امجد : خليك خليك هسة احلى مشهد لما احمد يروح على المستشفى تعال خلينا نشوف شو صار
اسيل ( ماشية جنبي بدها تطلع ) : افت شو هالريحة ؟ يعني كزبت صاحباتي لما قالولي ابن خالتك بدخن بس ما تخيلت يكونوا شايفينك
انس ( مصدوم ) : بدخن !! هاد تيشيرت امجد على فكرة الريحة منه
اسيل : لا هاي ريحة حديثة مو معششة وقديمة
فرح : ييييي يا خسارة يا انس ما تخيلتك اتدخن بحياتك
انس : اسكتي انتي خليني اعرف اشم، حواسي التخموا
الجميع : ههههههه
أبو احمد : بدك تمشي طريق اخوانك يابا ؟ هاي اخرتك
اسيل : والله يا عمو انا قلت لخالتو انس مستحيل يكون حدا عاطل بس قالتلي للاحتياط راقبيه
الشباب : يعني احمد وامجد عاطلين !!!
امجد ( عيونه عليي ) : وقديه دفعتلك امي مقابل هالمراقبة ؟
اسيل ( بتسبل عيونها لامي ) : عزمتني على دوالي واشياء تانية حسب شو جاي على بالي
منى : هههههههه تكرمي
احمد : يعني الدوالي اللي انعمل هداك اليوم كان الك ؟
اسيل : ازا ما عندك مانع صهري
انس ( وقفت بالنص حجبت الرؤيا بينها وبين احمد ) : بدخن او ما بدخن ما الك علاقة التزمي حدودك واختصريني مدام ما بتتحملي كلام من حدا
اسيل ( بتسبل عيونك ) : طيب تفضل تعال درسني هالكم صفحة بعيني الله عليك، ضميري لا يسمحلي اقاطعك بروح فيها معدلي بعدين
أبو احمد : اللي منه احسن منه يا عمي استفيدي قد ما بتقدري والله هالولد سبع ماشاءالله
انس ( عقدت حواجبي ) : احسن مني !!
ام ماهر : تعال يا ستي لحضني الله يحميك لشبابك
////
ما صدق حاله الأخ وركض لحضن ستي وما خلت دلال ولا بوسات الا اعطته، والكل يعلق عليه وما همه ..
هيثم : يا حبيبي شكله عندك تصحر عاطفي
منى : يلا كم سنة وبنخطبله هههههه ازا صبر
أبو احمد : اخلصي منه على بكير مو جاييكي منه غير تلاحقي فيه اكل وشرب ونام وصحي هلكتينا
امجد : كملها واحكي الله يرضى عليك يابا يا احمد ما في منك
احمد / ياسمين / آيات : هههههههههه
علاء : وسمّعنا كيد عزالك حبيبي
أبو عدي : بس ما عرفنا عنجد انس بدخن ولا اشاعات ؟
سحب سيجارة من بكيت قصي اللي كان قاعد جنبه، وولعها وسحب نفس ..
انس : كلام اسيل صح هاي ريحتي
الجميع ( مصدومين ) : انس !!
احمد ( سحب السيجارة بقوة ) : بدي اكسر اسنانك اذا بشوفك بهالمنظر مرة ثانية
منى : الله يهديك شو هالعملة هاي ؟ معقول انت تعمل هيك حركات
علاء ( بغمز الشباب ) : بس توليعته مثل المحترفين يا خوفي تكون مو مزحة هالعمايل
انس : عايش مع محترفين فاكيد بدها تكون بدايتي احترافية
أبو احمد : هي اول مرة ومتاكد انها رح تكون آخر مرة
انس : طيب اتركوني بحالي وما حدا يتدخل فيي ويرخي ذانه لاشاعات ما انزل الله بها من سلطان ( عيونه عليي )
اسيل ( بغرور ) : معناها تاني مرة اضبط اعصابك وما تلقي أوامر على حدا خصوصا … عليي
امجد : برحب فيكم بمسلسل انتقام وردة
الجميع : هههههههههه
عمر : يعني نحسبه من المشاهد اللي داخلة على السحب بمسابقتنا ؟؟
انس : اه طبعا، تنازلت وحطيت سيجارة بثمي واخر اشي يروح تمثيلي على الفاضي
فرح : ياااي هيك بكون صار الي مشهدين بس مو بطولة
هيثم : يلا كملولنا مقطع المستشفى
////
اول ما بداوا المشهد كان لازم تكون ياسمين بحالة صعبة وتنادي حمزة بسرعة، بس احمد مابده يصير هيك مرة ثانية فاختصروه ..
علاء : لازم ترن عليك هسة وتحكيلك الحقني انا بالمستشفى
الشباب : انقذني من الضياع والهلاااك يا حبيبي
احمد ( زورهم ) : لا ما حكت هيك، بس كانت بدها تخبرني
حمزة : اه ولا تنسى تحكيلها
( احمد ( بلهفة ) : مجنونة
ياسمين : فيك
احمد : بحبك بحبك بجنووون انا ، رح اجي فورا
ياسمين : بحبك ، باي )
رانيا : ماشاءالله متذكر ؟؟!
حمزة : ههههه رجعت سمعت تسجيل المكالمة بعد ما تعرفت عليهم
أبو امير : …
هيثم : طيب وبعدين ؟
انس / اسيل : خلصونا بدنا نروح ندرس
أبو ماهر : انا نعست فايت انام الحقيني يا ام ماهر
ام ماهر : بعدني ما نعست فوت نام لحالك
الشباب : اليوم الخميس يا ستي الحقيه احسن ما يتجوز ههههههههه
أبو عدي : سد حلقك انت واياه بلا قلة حيا
هيثم : اذا انا قاعد وضيعت عليي يوم عطلتي واستحيت احكي لمرتي قومي نروح أبوي ماله قام ؟ ههههههه
مها : على فكرة الزوج الصالح ما بتغمضله عين ومرته مو جنبه بس شو بفهمك انت
هيثم : انا نفر اسمي هيثم مو صالح صعب افهم هههههاي
أبو احمد : يلا يا رجال الحج اعطانا إشارة يعني استحوا على دمكم وروحوا
أبو عدي : جيرة الله ما بتروحوا، هي البيوت فاضية بنتقسم وبنتصبح بوجوه بعضنا بكرا واحلى فطور لعيونكم
هيثم : انا أصلا مو مروح كنت بس كيف بدنا نتقسم ؟
أبو عدي : انا وام عدي وخواتي وبناتهم ومرتك ببيتنا والرجال هون مع امي وابوي
البنات : يااااااي شكرا خالو
أبو امير : برضو ضحكت علينا، قال هوة ومرته واحنا تحت ونسوانا فوق شو هالليلة هاي ؟
عدي : اذا ابوي منيمني بجهة ومرتي بجهة لو انام عند دار حماي احسن هههههه
الجميع : هههههه
الشباب : خلص موافقين
منى : يلا خلصوا هالمسابقة مشان نشوف مين خسران ويعزل البيت
امجد : انا مرتي عند أهلها الحمدلله هيك هيك عزابي
نهى : انت متلك ما غنّى المغني، هاد هيك وعرسان
سهى : هية الخسرانة حبيبتي وحدة صحلها زلمة شب متل امجد وبتتركه لحظة
ام ماهر : مهي ظلت مكربطة فيه لحد ما كهرت بيان وتجوزته وبعدين راحت عند أهلها
امجد : اول اشي شكرا سوسو حبيت تعليئك كتييير، تانيا والاهم انا وديتها عندهم على اساس الحقها بس فراقكم كان صعب عليي والنبي، تالتا والاهم بيان هية قاهرة حالها بحالها ورجاءا ما حدا يجيب سيرتها قدامي
عدي : ما شاءالله شو هاللسان الملووق ؟ كل شوي لهجة الظاهر لوقتلك إياه حرمك المصون
امجد : بس عشان مرتك سلفة اختي رح اسكت، يلا بليز كملوا
البنات : ههههههههههههههه مو طبيعي
مها ( معصبة ) : طول عمرك بتغار مني انت ومحمود
هيثم ( بضحك ) : اه والله كثيييير بنغار بس ما فهمت من شو نغار ؟؟
محمود ( اجا فجاة ) : ولك بعدني عايش وبتالفي عليي اشاعات ؟
هيثم ( بفرح ) : يا عيني عليك اجيت بالوقت المناسب
محمود ( بمسخرة ) : يلا تفضلي ست مها اتحفينا بشو غيران منك انا ؟
الجميع : اهلا اهلا نورت
أبو عدي : يا زلمة وينك ؟ خلصت السهرة
محمود : كنت نايم، المهم اني اجيت بالوقت المناسب
مها : مناسب مين ؟ بتنكر عمايلك فيي زمان ولا ازكرك .. احكي يا سهى
سهى : ههههه ما بسترجي ينكر بس كان جاهل
محمود ( مكتف ايديه ) : ما شاءالله !! شو كمان انتي واياها ؟
مها : لما مرة طلعت الم الغسيل بالليل ونسيت البس حجاب وطلعت سحبتني من شعري
أبو امير : شوووو ؟
الشباب : ههههه له له يا مهموهة
هيثم : انا كنت عايش ايامها ؟
مها : انا كان عمري يمكن ١٦انت كم ؟
أبو امير ( باستياء ) : لا حول ولا قوة الا بالله، قولة هالواحد بتنكشوا الماضي
امجد : شايف بالله هههههه
محمود : مهي مو ملاقية اشي تتهمني فيه على اساس اني بغار منها، راحت نكشت قصة الحق عليها فيها
نهى : خلص انت واياها ليصحى ابوي ويسمع هالحكي الفاضي
هيثم : خلص روح كمل نومتك
محمود : لا هسة صحيت بدي اكمل السهرة
مها : احنا مشغولين عنا تصوير
هيثم : فقرة اكتشاف مواهب
مها ( بجكر ) : الحق عليي جوزتك اخت صاحبتي
محمود : يكثر خيرك شكرناكي الف مرة شو بدك هسة ؟
أبو امير : يا زلمة فكك منها من النعس بتصير تحكي شروي غروي اسالني انا
مها ( مقهورة ) : ماشي يا زياد
وائل : مين الفائز ين قبل ما اروح خليني اشوف حالي مع مين ؟
حنين ( مستغربة ) : ما بدك تنام ؟
وائل : الي وسع ؟
أبو عدي : له يا زلمة بيت الديق بوسع الف محب
هيثم : اللي نعسان يروح ينام خلص احنا بنكمل كل اشي
عمر : شكله عندك لعبة ثانية تتسلى فينا بما انه ما الك مشهد فحابب تثبت وجود
هيثم ( برقص حواجبه ) : انا وجودي ما بده اثبات مجرد ما تهف نسمة عطري الدنيا كلها بتوقف تحييني، ولا لا يا جماعة ؟
رانيا : حياتي دخيل قلبه الواثق من حاله
احمد / علاء / عدي / حمزة : هههههههههه بطلعلك
وائل : صراحة بطلعله ما شاءالله
عمر : سامحنا عمي، يا ريتنا نملة بمملكتك
الجميع : ههههههه
مها : طيب قوم من محلك خليني ارتب قبل ما اطلع
هيثم : مالك مستعجلة اقعدي خلينا نلعب لعبة بتكيفي عليها ههههه
أبو امير : لا خلص بكفيها سهر بكرا بصحوا أولادها بجننوها
مها : اولادي لحالي ؟ وحياتك هي قعدة يلا يا هيثم ابدا
هيثم : ههههه ابشري، يلا يا صبايا التموا حواليي هاتوا قنينة فاضية نلعب صراحة
////
كان ضايل علينا هاللعبة حتى ما يضل سر مخبى بهالعيلة، الله يستر ازا رح نضل أصحاب او تصير مشاكل تانية ..
هيثم : يلا فرح نبدا فيكي، احكيلنا جريمة ارتكبتيها وانتي صغيرة مثلا دفنتي صوص او ضربتي بسة هههه
فرح : صراحة ارتكبت جريمة بس مو مع الحيوانات .. قصدي انه غلطت غلطة وما بعرف ازا رح تسامحني صاحبتها
مها ( مصدومة ) : شو عاملة ولي ؟
فرح ( بخجل ) : انا اللي حكيت لاحمد انه ياسمين رح تتدرب سواقة وتاني يوم صارت المشكلة وانفصلوا
ياسمين ( مذعورة وقامت من مكانها ) : شوووو ؟؟ طلعتي خاربة بيتي يا فصعونة واحمد طلقني بسببك !! والله لاموتك
هيثم ( مسك فرح ) : طولي بالك خلينا نفهم من احمد اذا صحيح هالحكي ؟؟
احمد ( مبتسم ) : انا ناسي بالضبط شو المناسبة كانت بس بتذكر حكتلي ياسمين رح تصير تسوق ووقتها ناديت على ياسمين وسالتها اذا بتدرب سواقة من وراي واكدتلي انه لا وثاني يوم عمي رن عليي والباقي بتعرفوه
أبو امير : له له يا فرح ما تخيلت تكوني بتطلعي اسرارنا بهالبساطة
فرح ( بتبكي ) : بابا ما كان قصدي أصلا كنت صغيرة وجاهلة، وقتها احمد سالني ازا انبسطت بالسيارة مع امجد او لا ومين احلى نركب معه او مع امجد يعني كله كلام أطفال وانا بعتزر من ياسمين امانة سامحيني
ياسمين : سامحتك طبعا
البنات : هههههه عشان رجعت لاحمودتها سامحتك
امجد : حسبي الله ونعم الوكيل هههههه كل اشي بحشروني فيه
فرح : وكمان كزبت وحكيت انه قصي بده يضربني بس هوة ما عمل هيك حرام
قصي ( قام ينط ) : الله اكبررررر ظهر الحق يا جماعة شفتوا ؟
فرح : يا ويلكم ازا بسمعكم تعلقوا عليي من يوم ورايح
انس : معاكي حق زودوها وطعنوا ببرائتك
مها : كله ولا برائتها
علاء : خلص بكفي لهون يلا السؤال الثاني
هيثم : ههههه دوري اسال ريم يا سلام
ريم : الله يستر هههه تفضل خالو حبيبي
الجميع : ههههه
هيثم : احكيلي اكثر موقف محرج مرقتي فيه بحيااااتك
ريم ( بتفكر ) : اممممم .. تزكرت واحنا خاطبين كنا في مطعم وعم نحكي وفجاة علاء وقف وصار يحكي بصوت عالي ( حكتلنا كل الموقف )
الجميع : اووووه يا سلام عالرومنسية
هيثم : علاء بدنا منك مشهد مماثل هسة تثبتلنا انه رومنسيتك لسا شغالة
علاء : الله يسامحك يا ريم .. احم اكيد بقدر اثبتلكم ( اخد نفس ووقف واشر على ريم وعلي صوته ) شايفين يا عالم هاي البنت
الجميع : شايفينها ههههه
علاء : هاي البنت بتكون مرتي وعندي منها بنت وولد وهسة حامل احكولها مبروووك
ريم ( تخبت ) : علاء لاااا
الجميع : واااااو مبرووووك
هيثم : بتحكي جد ؟
علاء : في مزح بهاي الشغلات ؟
أبو علاء / أبو قصي ( بفرح ) : الحمدلله مبارك يا أولاد
علاء : هههه الله يبارك فيكم
مها : يا ريت سهى ونهى صاحيات ينبسطوا بهالخبر يا حبايبي الف الف مبارك
أبو امير : الله يتمملك عخير عمي ريم وتقومي بالسلامة
ريم : الله يبارك فيكم جميعا
كانت مفاجاة جميلة وغيرتلنا الجو من ناحية إيجابية، بس لسا لفة الصراحة عند خالو ما توقفت ..
////
هيثم : ويا عيني لما يجي الدور على مها حبيبتي، اربطي الاحزمة
مها : خايفة منك على اساس، خلصني اسال
الجميع : هههههه
هيثم ( متجاكر منها ) : هسة بدي تحكيلي بصراحة اكثر اشي بزعجك في زياد، وكل زوجة تحكيلنا اكثر اشي بزعجها في زوجها ؟؟!
مها : اممم حبيبي زياد كله على بعضه حلو وما في اشي بزعجني فيه غير لما يعصب على مباريات ببطل يتحاكى
الجميع : هههههههه
أبو امير : سامحيني حبيبتي
هيثم : سامحتك حبيبها اختصروا انت واياها هههه يلا اللي جنب مها مين ؟ ديمة اعترفي
ديمة ( عينها على عدي ) : دخيل قلبه ما احلاه دايما بكون حنون ونادرا ما يزعجني بس لما يكون معجوق الصبح وانا بكون ناسية اجهزله لبسته او مو كاويتها تقريبا بتبرى مني ههههه
عدي : ههههه معلش سامحيني حتى امي هيك كنت اعمل معها
ام عدي : لسا بدي احكي ههههه الله يهديك ماما متى بدك تتغير
هيثم : يلا اللي جنبك مين ؟
ياسمين : انا ما عندي اقوال سيدي بقدر ارجع على بيتي ؟
احمد : ههههه ليه احكي عمالي بستنى دورك على فكرة
ياسمين : امممم احمودتي كلكم بتعرفوه مميز وما عنده اشي مزعج بس انا بتدايق من نقطة وحدة عنده
هيثم : شو هية ؟
ياسمين : شايف حاااااله واعصابه باردة
الشباب : ههههههه صح
احمد : توقعت تحكي هيك بس والله ما بكون قصدي
هيثم : بس كلامها صحيح ابصر لمين طالع هيك
الشباب ( بزوروا هيثم ) : الله اعلم
هيثم ( مطنش ) : حنين اجا دورك اعترفي
حنين ( كاتمة ضحكتها ) : ما بحب احكي اسراري الخاصة
وائل : عادي احكي فرصة الواحد يعرف اخطاؤه
حنين : اوك .. صراحة شغلتين اول اشي لما أكون احكي معك وانت تقرا ما بتترك الكتاب او الايباد حتى لو ثواني
وائل ( مبتسم ) : ايوا ؟
حنين : والاشي التاني بكون نفسي بمشوار وانت مو جاي على بالك لا بتخليني اروح لحالي ولا بترضى تروح معي
وائل : بتعرفيني ما بحب كثير اطلع وبخاف عليكي تطلعي لحالك لحد هسة ما قدرت اتجاوز هاي المخاوف خصوصا مع ليث
أبو امير : انا مو شايف اشي بزعج بالموضوع
هيثم : لو سمحت بدون أي حزازيات، خلص حنين انتي ووائل بتقعدوا جلسة تفاهم وبتلاقوا حل وسط يرضي جميع الأطراف
رانيا : انا مطول دوري حبيبي ؟
هيثم : انتي ما الك دور، اللي جنب حنين مين ؟
حمزة : خلص ما ضل حدا هههههه
سيرين : هههع
علاء : ضل اهم حدا انطقي يا سيرين
حمزة : لا ممنوع تحكي الا اذا رانيا حكت
مها : ههههههه يا سلام عليك
امجد : خلي آيات تحكي اول
عمر : بس تيجي ساندرا اول
امجد : ما رح تيجي هاهاها
هيثم : احكي يا آيات غردي
آيات ( عيونها على عمر وبتضحك ) : عمورتي كله عبعضه مزعج وكل ازعاجاته بتسحرني يعني مثلا بصحى على منبه كل الكرة الأرضية بتصحى وهوة بضل نايم، ولما يصحى بفتح كل خزاين الغرفة وبرش كل علب العطر ومزيلات العرق وبس يلبس جراباته بقعد عالتخت بكل قوته وبهز الفرشة وبصحيني وبصحي الين
هيثم : انتي بعدك نايمة يعني ؟
الجميع : ههههههههههههههههه
آيات : تعودت عليه بعدين من النعس اكيد برجع اغفى شوي
أبو عدي : صاير عاقل الصراحة، بلاش امه هسة تسردلك شو كان يعمل أيام العزوبية
عمر ( باستياء ) : لا خليها تحكي على اساس جوزها ما بزعجها ابدا
هيثم : جاييكي الدور يا ام عدي تحكيلنا
ام عدي : ههههه جاهزة
غنى : المهم ببوسك قبل ما يطلع ؟
آيات ( بتسبل عيونها ) : حتى لو نسي برجع وببوسني
هيثم : بتكوني غفيانة ولا بتسكري الخزاين وراه ؟
رانيا : ابصر لمين طالع هههههه
هيثم : خليها بنفسك ما رح يجي دورك، خلص ختامها مسك مع توتو هسة السؤال للشباب نبدا بقصي
قصي : انا عزابي واصحابي متجوزين يعني حياتي فراااغ وما عندي اشي احكيه
ريم : يا عمري يلا هانت قربنا نخطبلك
قصي : لا فهمتيني غلطـ ...
هيثم ( قاطعه ) : السؤال بحكي شو المشكلة بحياتك اللي ما الها حل ؟
أبو قصي : يا لطيف !!
قصي : مشكلتي امي بدها تجوزني ومو قادرة تقتنع اني ما بدي اتجوز، عندك حل ؟
هيثم : أي اشي اله حل ما اسمه مشكلة، ممكن نعرف شو السبب وراء رفضك ؟
قصي ( تنهد بقوة ) : حاسس حالي مو مستعد نفسيا يعني مو قادر اتخيل اني فجاة مرتبط بشخص آخر يشاركني كل حياتي اكل وشرب ونوم ومشاوير وبعدين يصير عنا أطفال وندخل بتفاصيل عميقة باختصار انا مو متقبل هاد الاشي الا اذا حبيت بنت وصار عندي رغبة اني اكمل حياتي معها واعيش هاي التفاصيل انا واياها
أبو قصي : …
ديمة : انت كتير مكبر الموضوع صدقني، بعدين في فترة خطبة بتقدر تكتشف ازا هالبنت حبيتها او لا
هيثم : شو رايكم ياشباب بتنصحوه يتزوج ؟
الشباب : لا هههههه
علاء : انا بنصحك تتزوج بدون حب قبل الزواج ، بدون ما تسالني ليه اسمع هالنصيحة وفكر فيها واذا طبقتها رح تتشكرني انا متاكد
وائل : انا بضم صوتي لعلاء لاني مجرب والحمدلله الحب بيجي مع الوقت مثل ما تفضلت ام ماهر
هيثم : تمام، يلا الشب الثاني هوة انس، اكثر اشي ندمت عليه بحياتك ؟
انس ( بلع ريقه ) : ندمت على شغلات كثيرة بس أهمها اني أعطيت رقمي لشب ما بوثق فيه وللأسف كان احساسي بمحله
امجد : هاد اللي وزع رقمك على البنات
انس ( بهز راسه ) : اه بنات من برا تخصصنا وبس شغل تسلاية
اسيل ( انحمقت ) : …
هيثم : طيب شو عملت بعدين ؟
انس : تعاملت مع الموضوع بطريقتي بس انه اخذ من وقتي وخضت تجربة كنت بغنى عنها ووجعت راس امجد معي
احمد : طيب كان انبسطت شوي ههههه
انس : ما عندي وقت
هيثم ( بغمز احمد ) : او مو موده الصبايا اللي كانوا يرنوا
انس : اكيد بعاد كثير عن مواصفات فتاة احلامي
أبو امير : ماشاءالله هههههه
هيثم : طيب احمد احكيلي اشي مميز فيي بتحبني عشانه
احمد : هههههه بتفهمني بدون ما احكي
هيثم : يا عيني عليك ههههه، وانت يا علاء ؟
علاء : مين قال اني بحبك ؟
حمزة : قوية هاي
هيثم : انت يا حمزة ؟
حمزة : انا بحبك لشغلتين .. لانه حبك لرانيا حقيقي ومواقفك رجولية دايما
هيثم : حبيب قلبي، نرجع لعلاء ليه بتحبني ؟
علاء( بحك شعره ) : عندك بعد نظر وبوثق بنصائحك بس الحب ما اله سبب يا فهيم يعني الحب من الله بيجي
مها : خلص هلا دورنا نسال بعض، لفوا هالقنينة منيح
عمر : يا سلام بين علاء وياسمين
ياسمين : الله يستر، اتحفنا أبو مصطفى
علاء ( اخذ نفس ) : ياسمين سؤال جوابه بدون فلسفة يعني عادي ما حدا يزعل من الجواب، لو القدر اعطاكي فرصة يكون الك اخوة من الشباب الموجودين واكيد انا منهم، اختاري اثنين مع ذكر السبب ورجاءا ما حدا يتحسس يا شباب
أبو امير : سؤال حساس بابا فكري منيح يرضى عليكي
ياسمين ( مبتسمة ) : بدون ما افكر انا من زمان محدديتهم .. اول واحد
احمد / هيثم ( بتطلعوا ببعض) : …
ياسمين ( خبت وجهها بايدها ) : امجد
الجميع : هههههه اكيد ؟
ياسمين : والتاني حمزة
رانيا : توقعت ههههه
علاء : احكيلنا ليه ؟
ياسمين : علاء وعدي موقفكم معي لما طلعتوني من حزني ورجعتوني من المزرعة بعد ما سافر احمد اكيد اشي كتير مهم بس انا بعتبركم حدا كبير وبحسبله حساب، بس انا بحلم يكون عندي اخ قريب من عمري أعيش معه كل المواقف يعني ضحك ومشاكل ونهفات بالإضافة لموقف اخَوي يشعرني انه الي سند واللي عمله معي امجد يوم ما وصلتني الصور بحياتي كلهاااااا ما بنساه
رانيا : انا ليلتها ما نمت انصدمت بامجد ل ابعد الحدود ما تخيلت هالشخصية اللي كلها مزح يكون وراها حدا متل هيك
امجد : خجلتوني صراحة، بس ياسمين عارفة غلاوتك عندي خصوصا انك مرت احمد
ياسمين : اكيد بعرف، بنفس الوقت في فرق اكيد بين best friend يعني الصديق المقرب وبين الأخ مشان هيك لما أكون مخنوقة ما بلاقي قدامي الا رقم عمر او قصي لحتى احكي اللي بقلبي متل ما صار السنة الماضية بعد حفلة اسيل ووقتها عمر حكالي انه اكيد احمد بعيد عن هالكلام الفاضي واتصاله بسيرين كان لهدف مو متل ما انا فهمت وبعدين لما اجا احمد وحكالي شو اللي صار بالتفصيل فهمت منه
آيات : بقول ليه خطه كان مشغول وانا برن عليه
عمر : … شكرا ياسمين من حسن اصلك هالكلام واكيد الصديق وقت الضيق
امجد : هديك للضائقة المالية بحكوها ههههه
قصي : صداقتك لا تقدر بثمن ياسمين ان شاءالله نكون قدها
احمد : اكيد قدها وانتوا ما شاءالله عليكم بتستاهلوا كل خير
هيثم : يسلملي الديموقراطي
علاء : ههههه مغلوب على امره
عدي : ما بعملوا اشي غلط، بس اشرحيلنا عن حمزة بالله عشان تكمل الصورة
ياسمين : صراحة حمزة ما اله شرح من لما عرفته وحكالي يختي يا ياسمين انا اعتبرته اخ حقيقي وبكفي انه سيرين توامي واختي العزيزة ورانيا اخته فهمة بالنسبة الي عيلتي المقربة
رانيا : حبيبتي يسعد قلبك من يوم ما عرفناكي وانتي الك مكانة خاصة عنا وعمرنا ما جبنا سيرتك الا بالخير
ياسمين : تسلمي
هيثم : طيب حنين ورنين واسيل وفرح مين بتعتبروهم اخوانكم ؟
اسيل : انا رح احكي عن كل خواتي، اول واحد احمد والتاني وائل بس حنين بتعتبر احمد وبس أتوقع
حنين : لا والله كلهم بعتبرهم اخوة
وائل : احلى اخوة فعلا الله يسعدهم
فرح : انا البيست فريند عندي انس
انس ( بضحك ) : مسموحلك مكالمة باليوم اكثر من هيك بعمل بلوك
الجميع : ههههههه
فرح ( قلبت شفايفها ) : لما اخد رقمك يا مفتري، الله يسامحك بس
رنين : انا بيست فريند عندي امجد قبل ما يتجوز هههههه
أبو امير : بناتي الخمسة اجتماع بكرا بعد الصلاة اشوف شو قصة البيست فريند
هيثم : شد عليهم بالتحقيق بلكي تعرف اذا فيه عند مها بيست فريند واحنا مو عارفين
أبو امير : لا عارفه الفريند تاعها احمد عشان تحكي عليك وانت عشان تحكي عن احمد
الشباب : هههههههاي
احمد ( بضحك ) : ماشي يا خالتي بتحكي عليي ؟
مها ( بترقص حواجبها ) : الغيرة عامية عالبصيرة الله يهديكم بس
امجد : بين هيثم وعمي أبو قصي
هيثم : أبو قصي الغالي الك وللغوالي كلكم احكولي رسالة موجهة لمجهول، يعني حدا انت بتعرفه وبتحب توجهله رسالة
أبو قصي ( عدل جلسته ) : عندي رسالتين الأولى لشخص بقله ان شاءالله بتذوق من نفس الكاس اللي شربتنا إياه وربنا كبير وقادر يأخذ حقنا منك
الجميع : امين يا رب
أبو قصي : والثانية الله يعطيكي الصحة ويعوضك على صبرك ويجزيكي الخير وتفرحي بابنك مثل ما بتتمنى وبتحلمي كل ليلة وانت يابا يا قصي كل الكلام اللي حكيته مو صحيح ولا مبرر لرايك ضد امك صدقني لو كل واحد بفكر بهالطريقة ما في زلمة تجوز
هيثم : لسا بدي احكيله بس ما حبيت اتناقش قدام الجميع، بس سيرة وانفتحت انه كلامك عبارة عن عوائق ومطبات انت راسمها عشان تبعد حالك عن دائرة التفكير بالزواج
قصي : … بصير خير
هيثم : أبو علاء رسالة من قلبك لمجهول او مجهولة هههه
أبو علاء ( لمعوا عيونه ) : انتي الحب الطاهر والمشاعر الصادقة بشكرك على جهودك وتضحياتك وان شاءالله اقدر اردلك معروفك بتربية ابنائي وصبرك عليي، واذا ما قدرت بالدنيا ربنا بعوضك بالاخرة
الجميع : امين
مها : مالهم نايمات خواتي راحت عليهم الرسائل
هيثم : استني خلينا نسمع رسالة ام عدي ههههه
ام عدي : انا رسالتي لابوي وامي الله يرحمهم بقلهم اني بحبهم كتيييير واشتقتلكم اكتر وان شاءالله يكون لقائنا بالجنة
الجميع : الله يرحمهم
ام عدي : امين ويطول عمر عمي ومرت عمي لانهم اهلي اللي ما جابوني
هيثم : الله محيي اصلك، أبو احمد رسالتك المجهولة اطربنا بها
أبو احمد : هههههه رسالتي لكل شاب وشابة في مبتدا حياتهم تحروا تقوى الله في كل خطوة وباذن الله رح تلاقوا النتيجة اللي بتتمنوها، من يتق الله يجعل له مخرجا ويرزقه من حيث لا يحتسب
هيثم : ابدعت، محمود بيك اتحفنا بكلامك الحلو
محمود : والله محتار لمين احكي، بس في بقلبي كلمة او رسالة بوجهها لنفسي دايما ( لا تندم على ما فاتك ) اكيد ربنا اختار الأفضل
هيثم : صحيح الخيرة فيما اختاره الله
محمود ( مخنوق ) : بس انا ندمان كثيييير، بس للأسف فات الأوان
هيثم : ماهر يا كبيرنا احكيلنا اشي عملته وقلت الحمدلله انه ما صار بلكي برتاح اخوك
أبو عدي : والله اني زمان خطر ببالي اغصب واحد من اولادي على شغلة بس بحمد ربنا انه ما صار مثل ما كنت بدي لانه بعدين اكتشفت ابعاد الموضوع لو تم
عمر ( مرتبك ) : أصلا ما كان رح يصير باي حال من الأحوال وخلص سكر على السيرة
هيثم : لا ما بصير لازم نعرف عشان نكتشف الحكمة اللي بحكي عنها
أبو عدي : الحكمة انه مو كل اشي يتبع العادات والتقاليد ممكن يكون صالح للتطبيق، وقتها كنت مفكر انه لازم بيان ما تروح لحدا غريب والأولى فيها ابن عمها واقترحت على عمر هالاشي ورفضه رفض قااااطع مدعي انها مثل اخته
عمر ( انفعل ) : ما ادعيت هية فعلا هيك عندي
محمود : …
أبو عدي ( متابع ) : واكدلي انه رح يحل الموضوع بطريقته وبعد كم يوم بنكتشف انه امجد طالب ايدها من ابوها ووقتها عرفت انه لا سمح الله لو غصبت عمر كان خسر صحبته مع امجد للابد وبنفس الوقت رح يتجوز زواج فاشل لانه بدون أي مشاعر من الطرفين
امجد ( تنهد) : لو اخذها عمر ما بخسر صحبتي معه على الاقل بامن عليها مع حدا بوثق فيه
محمود : قصدك احسن من اللي هسة ماخذها ؟
امجد : انت شو رايك ؟؟
هيثم ( قاطعه ) : مو موضوعنا هالكلام، يسلم ثمك أبو عدي .. حموز حبيبي اعطيني صفة بتستفزك بسيرين ؟
حمزة : ههههه قلبت عليي على طول
سيرين ( متدايقة ) : مستقصدني خالو بهالسؤال
حمزة : لا عادي حبيبتي ما حدا فينا كامل .. يا سيدي اكثر اشي بستفزني فيها لامبالاتها الزيادة عن اللزوم لدرجة الاستهتار ببعض الأمور
البنات : هههههه
هيثم : اعطينا مثال عشان نفهم
حمزة ( عيونه على سيرين ) : يعني مثلا بتكون تحكي مع ابوها وبتسكر الخط بقلها لو حكيتيله يتفضل علينا قال يييييي نسيت خلص المرة الجاي بقله
أبو علاء : هههههه عادي بتفضل بدون عزومة
سيرين : شايف بالله
حمزة : او مثلا بيجي عنا ضيوف قومي يا سيرين اعملي شاي مثلا بتصفنلك هديك الصفنة وبتحكي : ريم جاي على بالكم شاي ولا خلص اكتفيتوا ههههه
علاء / ريم : اكتفيتا ههههه
حمزة : بينما لما نروح عندهم اقسم بالله ما بتقعد ام مصطفى قد ما بتحط ضيافة يعني بتقهرني مرتي بهالموضوع
سيرين : سلامتك من القهر حبيبي مكبر الموضوع بس انا عادي هيك الكل متعود عليي
هيثم : بس كلامه صحيح مزوديتها شوي، رنوش حبيبتي اتحفينا باحلى صفة عندي ههههه عشان اتحفك بأكثر اشي بستفزني فيكي
رانيا ( بمسخرة ) : احلى اشي فيك انك ما بتعيش بدوني
مها : اعطيها ههههههه
هيثم : اه والله ما بتنفس الا هواكي يا احلى حب بالعالم، اما بالنسبة الي بستفزني جمودك بس أكون بجو مزح بحس حالي بدي اكلك .. بتحبوا ننهي ولا نكمل
مها : اكيد نكمل في ناس ما اجا دورهم
هيثم : طيب يلا عدي واحمد ووائل مثل سؤال حمزة وسؤالي
عدي : اكثر اشي بستفز ؟؟ امممم للامانة من زمان كثير ما استفزتني دمدوم بس كانت تقهرني لما أكون بحكي معها بموضوع خاص بينا ويكون عقلها بمكان ثاني او بتفكر بناس ثانيين
هيثم : انت بوادي وهية بوادي
عدي : بالضبط، بس بطلت
هيثم : ههه احمد بيك انطق
احمد ( مبتسم ) : انا ما بطلت ولا رح تبطلها هالعادة .. مفلسفة وبتتصرف أحيانا بدون تفكير يعني لساتها شوي هوائية
هيثم ( عيونه على ياسمين ) : احلى اشي فيها هوائيتها لو فيها شوي ركازة ما انبلت فيك خلينا ساكتين بس
الجميع : ههههههههه
هيثم : وائل الساكت خلينا نشوف شو مخبي ورا سكوتك
وائل : هههههه كل خير .. بس حنين بتستفزني بشغلة وحدة وهالشغلة عاملة كل مشاكلنا
حنين : اجتك الفرصة لعندك
وائل : حبيبتي اكيد عم نحكي بأسلوب إيجابي حتى نستفيد ونصلح حالنا شوي، كل القصة انها دايما بتعرف كل اشي وبتفهم بكل اشي ومستحيل تتنازل وتسمع الطرف الثاني شو رايه هية وبس الصح والناس خطا
امجد : هههههه الله اكبر
هيثم : اذا هالحكي صحيح مشكلة كبيرة حنو ولا شو رايك ؟
حنين : لاني دايما صح وحتى لو حدا عنده راي تاني بس بالاخر وجهة نظري هية الصح
وائل : لو تتنازلي شوي الطرف الثاني لحاله رح يعترف انك صح وعندك بعد نظر بس ما بتتركي لحدا مجال للأسف
مها ( مستغربة ) : صاير مشكلة مع حدا بسبب هالموضوع ؟
وائل / حنين : …
أبو امير : كل اشي واله حل لا تاخذوا ببالكم ولا تحملوا بقلوبكم وافهم مرتك وتفاهم معها احسن من كل الناس
وائل : انا فاهمها بس ما بدي حدا يسيء فهمها
هيثم : بصير خير بنلاقيلكم حل .. المهم عمورة صاحب الحنجرة الذهبية اعطيني سر ما حدا بعرفه الا امجد وقصي يعني سر مشترك بينكم الثلاث
امجد / قصي : اسمه سر على فكرة
عمر : سؤال ذكي من رجل اذكى، سبحان الله بالرغم من صداقتنا الثلاثية الا انه بعض الاسرار مخفية عن احد اطرافنا لكن في سر كنت ناوي اخبيه للابد بس غيرت رايي وبكرا رح اكشفلكم إياه لازم يكون الجميع صاحي خصوصا عماتي
مها : الله يستر من اسراركم
امجد : لا تقولها يا زلمة مو ناقصنا فضايح
قصي : لا ما فيها اشي عادي بالعكس حلو كثير
علاء : بتحكوا شو هوة ولا أقوم افقعكم بوكس ثلاثي
عمر : يا زلمة بقلك لبكرا
هيثم : طيب السؤال الأخير لديمة صاحبة الضحكة الجميلة .. شو اكتر اشي عملتيه او حكيتيه بس تتزكريه بتضحكي ؟
ديمة : ههههههههع مو طبيعي خالو
رانيا : سهران علينا سهرة غير شكل
هيثم : مشتاقلكم
ديمة : حبيبي انت .. اخر اشي ضحكني كان بعرس امجد لما غنينا اغنية يا ستي
ريم / سيرين / غنى / اسيل : هههههههههاي مو طبيعية
ديمة : هههههه حكتلهم مبتسمون رغم الإعاقة
الجميع : هههههههههه
عدي : يقطع شرك، إعاقة شو ولي ؟
ديمة : انه هيك هموم وبكى وعرس امجد وبيان قاعدة وما بعرف شو
امجد : اه والله معك حق اكبر إعاقة صارت بالتاريخ هوة عرسي
محمود : قصدك انفصالك عن بيان
أبو عدي : لا اله الا الله يا جماعة فكونا من هالسيرة يلا قوموا ناموا
أبو احمد : هم ببكي وهم بضحك الله يجيرنا من الأعظم
الجميع : امين .. تصبحوا على خير
مها : وبالاخر ما حدا اشتغل ولا نظف غير تشلنا منى الصبح
عمر : اتركيها عليي حماتي اللي جابتلي حياتي
احمد : دير بالك على حياتك واحمل عنها هالبنت اللي هلكتها طول السهرة
ياسمين : ابنك بعيط بالمناسبة فرجي زوج اختك التعاون
احمد : اركضيله طيب ونامي جنبه وانتي بتنيميه واذا ما نام ابعثيلي إياه
مها : لا ان شاءالله بكمل نومته، يلا تصبحوا على خير
أبو عدي : خلونا نصلي الفجر اول
محمود : هسة بصحى ابوي وبلاقيكم صاحيين ههههه
هيثم : المشكلة بالصحوة نلحق نفطر قبل الصلاة
علاء : حاسس ما رح يجينا نوم
////
احنا طبعا كان ورانا كومة دراسة وبنستنى فيهم يناموا عشان نعرف ندرس بهدوء، بس اكيد كل واحد فينا ببيت قاعد ..
انس : اذا احتجتي اشي ابعثيلي انا سهران
اسيل : ان شاءالله .. يلا باي
كنت حاقد عليها عاللي عملته فيي، بس بنفس الوقت مبسوط منها ومو مصدق انه قاعدين مع بعض ..
////
وائل : حاسس عمي أبو امير زعل من كلامي
احمد : لا ما في اشي بزعل ما تشغل بالك
علاء : بس شو الموضوع كنت كثير مقهور
وائل : دايما بتختلف مع قرايينا وما بعرف شو .. كلام نسوان يعني بس امي بتشكيلي كثييير
الشباب : ههههههه عادي
احمد : خلص يلا ناموا احسن ما كل واحد فينا مرته تجيبله ابنه ولا بنته
علاء : قولتك خليني اشبع نوم قبل الولادة
وائل : حمزة بسابع نومة صار راجع من الدوام وسهر مسكين
صباحاً >>
نهى ( بخوف ) : بسم الله عليكي خير خير خالتو شو مالك ؟
ريم ( تعبانة ومو قادرة تحكي ) : …
نهى ( قعدت جنبها ومسحت على راسها ) : سلامتك حبيبتي شكلك متكشفة بالليل واخدة شوية برد هلا بعملك اشي تشربيه
ريم ( بتهز راسها ) : .. لا تغلبي حالك هلا بصير منيحة
نهى ( تنهدت ) : ان شاءالله، خليني اشوف امك ازا صحيت
كنت مفتحة عيوني وانا بالفرشة بس ما كانوا منتبهين، شفت الخوف بعيون ماما عليها بقد ما فيه خجل بوجه ريم ..
الها سنة بتستنى هالخبر من بعد ما اجهظت البيبي بالحادث، واحنا خايفين عليها كتير وبنفس الوقت حابين نفرح بكمان حفيد منها ..
سيرين ( بهدوء ) : صباح الخير
ريم ( مستغربة ) : صباح النور صاحية ؟
سيرين : ليليان ما نيمتني منيح .. انسي أصلا مو جايين حتى ننام اليوم عقلي بالسر اللي بده يفرجينا إياه عمر
ريم : ههههههه رهيبة انتي، احكي لخالتو اني حامل مو عارفة كيف احكيلها انا
ياسمين ( بتضحك ) : متل ما صار معي لما سافر احمد وحكيت لخالتو اني حامل بيوسف
سيرين : خدلك هاي الصاحية من تحت لتحت
ياسمين : ما نمت متواصل ابدا بس قولتك مو جايين ننام
سهى ( بقلق ) : ريم .. يا عمري شو مالك ماما ؟
البنات : ههههههه
سهى : ما ابردكم ليه بتضحكوا
سيرين : عليكي انتي وامي مين قلكم تناموا مبارح ؟
منى : صباح الخير مال اصواتكم طالعة ؟ أي ساعة نمتوا ؟
ديمة : استلمنا اخوكي بلعبة وسهرنا للصبح
سهى : خلينا بريم هلا اشوف مالها خالتك خضتني عليها
سيرين : ما فيها اشي وحام الصبح بتعرفي كيف حملها دايما
منى / نهى / سهى ( بفرح ) : حملها ؟؟
ديمة : الها شهرين ومخبية علينا هالسلالة
ياسمين / سيرين / آيات : ان شاءالله تقوم بالسلامة
نهى : الله يسلمكم حبايبي
سهى : مالك انتي التانية عيونك منفخة ؟
آيات : ما نمت ساعتين على بعضهم ما بعرف مالها مبطلة تنام بالليل
منى : لا يا حبيبتي راحت نومتها بسهرتك
ياسمين : لا بالسهرة ضلت صاحية ما عرفت تركب جملة مفيدة من وراها
البنات : ههههه
////
كانت اجواء اليوم اشي من الخيال من جمالها، وكمية المحبة لا توصف بعيون سيدي وستي بلمتنا حواليهم ..
عمر ( بنادي ) : قهوة يا جماعة بدنا قهوة ضروري
امجد : انا عزابي يمة احسبي حسابي مع ابوي ههههه
منى : هية مرة وحدة اللي رح نعمل فيها اصحوا كلكم عشان نعمل
انس : ما حدا نايم كلهم صحيوا انا هسة بدي انام لا تحسبي حسابي
نهى : وين علاء ؟
عمر : ماله ؟
نهى : خليه يقوم يشوف مرته مالها شكلها تعبانة
الشباب : ههههههه
منى : ما اقواكم ..وانتي التانية نازلة تستهبلي عليهم وهمة عارفين كل اشي
احمد ( اجا فجاة ) : صباح الخير
الجميع : صباح النور
احمد : صحيتوا كلكم ؟
امجد : صحيوا وصحونا معهم
كانت سفرة الفطور بتشهي وكبيرة كتير، قعدنا وقصصنا وحكياتنا ماخدة كل الأجواء ..
اما الملفت للانتباه كان ماما اللي قعدت جنب اسيل وبتطعمي فيها؛ لانها كانت نعسانة ويا دوب قادرة تفتح عيونها ونفس الوضع عند انس بس كان عم ياكل لحاله ..
أبو امير : والله ما بعرف شو اللي بتعمليه بحالك يابا كان نمتي وصحيتي معنا
أبو احمد : بعدك بأول الطريق لسا ياما رح تحكي وتنصح وما حدا رح يرد عليك شوف السبع اللي قبالك كيف بترنح ههههه
الشباب : ههههههه خمران على كاسة الشاي
هيثم : بس انا شفت انس نايم ولا بحلم كنت ؟
وائل : لا صح انا شفته نام كمان
انس ( مسطل ) : نمت شوي ورجعت صحيت
سيرين : حمزة نمت منيح انت ؟
حمزة ( مفتح عيونه بالعافية ) : مستحيل ارتاح وانتي بعيدة عني
الجميع : ههههههه صباح الرومنسية
سيرين : نيالي، المهم عمر متى بدك تحكي عن السر ترا ما حدا فينا نام من التفكير
آيات : الا انا ما نمت من بنته
عمر : يلا بعد الصلاة بتشوفوها، المهم جهزولنا دلة قهوة سادة على كيف كيفكم
////
رنين : بشهي البان كيك
غنى : هلا في حدا رح يبهدلني من وراه هههه
حنين : بيان ههههه
غنى : شافت السناب شات ورح تنزل تركض
رنين : خلونا نطلع عندها احنا احسن بنتسلى وبنختصر سيناريو
حنين : خلينا نشوف الباقيين ازا خلصوا فطور او لاء
////
أبو امير : مالها حنين ما نزلت ؟
وائل : كانت تجهز اشي مع غنى ورنين حكتلها خدي راحتك
عمر : شكلها غنى عاملة فطور ثاني
ام عدي : قال نفسهم بالبان كيك حكتلها اعملي
سيرين : ما اقواهم ولا حكولنا، عمرو بحبه خليها تخبيله حبة
ديمة : ماهر ومراد صراحة همة اللي طلبوه منها وتشجعت عشان رنين وحنين معها
////
بيان : والله لاموتك
حنين / غنى : رنين : ههههههه
بيان : يييي انتوا هون ؟ متى اجيتوا ! حنين وين جوزك
حنين : نمنا هون وجوزي معي كمان
رنين : اجا ابوكي كمان بالليل
بيان : ما بعرف اشي كنت فايتة بغيبوبة من التعب والنعس .. بس ما فهمت مين اللي نايم وليه ؟
غنى : الكل كانوا سهرانين وضلوا وحكالهم بابا خلص لا تروحوا
بيان ( بفضول ) : مين الكل يعني ؟
رنين : اللي بدك إياه وبدون مرته كمان ههههه
بيان ( بحزن ) : اشتقتله كتير بس ما بدي اشوفه .. ما الي عين أصلا
حنين : استغفر الله العظيم على هالسيرة اللي ما الها نهاية
_________________________
____________________
بعد الصلاة >>
يا ويلي على الانتظار ما اصعبه، فكيف لو كان انتظار لسر رح ينكشف ..
ما صدقنا وتخلص الصلاة ويرجعوا الرجال مشان نتجمع، حتى خالو محمود اجا بس اكيد مرته لاء ..
وقف عمر جنب التلفزيون وحط فلاشة فيه، ومسك الريموت ..
عمر : جاهزين ؟؟
الجميع : خلصنااااا
عمر ( قعد جنب الشباب وتوسط امجد وقصي وحط ايديه على اكتافهم ) : السر هوة تسجيلات لكميرا خاصة فيي كنت احطها بمكان وتصور كل اشي وانتوا ما بتعرفوا عنها وهاي الفلاشة فيها كم فيديو خراااافي نقيتهم واحتفظت فيها عشان بقدر الكل يشوفهم مع الاخذ بعين الاعتبار موضوع الحجاب او الأمور الخاصة الغير قابلة للعرض
الجميع : الله !!!! مفاجاة جميلة وسر عميق
عمر : يلا بسم الله نبدا بأول فيديو ذكريات ٢٠١٢
سيرين : ازا احنا فيه يا ويلك عمر
امجد / قصي : هيهيهيهي ممنوع الزعل او بنلغي الفيلم كله من هسة احكوا
احمد : لا عادي خلوه مدام ما في اشي محظور
عمر : هاد الفيديو كل ما احضره بعيط من قلبي بحياتي ما تعذبت قد ما تعذبت يومها
______________________________________________________________________
كان ايامها هيثم مسافر اله سنتين ولسا ما حدا قادر يتعود على غيابه خصوصا الشباب، وكل ما يجتمعوا لازم يعملوا مكالمة على برنامج السكايب ايامها ما كان لسا حتى واتس اب ..
وبهاد اليوم كنا مروحين من الجامعة والشباب واصلين قبلنا على بيت سيدي، خصوصا احمد وعلاء وعدي لانهم كانوا متخرجين وبشتغلوا ..
احمد : يلا هاتولي هالبطاطا خلونا نجهز اكل نتعشى قبل ما حدا يوصل
عدي : والله من زمان نفسي بالمفركة اللي بتعملها
علاء : طيب يلا بسرعة يا دوب نلحق
احمد : افتحوا نحكي مع هيثم نتسلى ونشممه الريحة حرام بكون مشتاقلها
هيثم : اهلين بالشباب شو اخباركم ؟
احمد : بنعمل مفركة اشتقنالك والله وقلنا بنطعميك اون لاين
هيثم ( بتمسخر ) : حبايب قلبي .. علاء حبيبي شو بتعمل انت قشرت البطاطا ولا رح تقليها ؟
علاء : انا بنقله الوصفة .. يلا وين صرنا
امجد : نضع البطاطا في وعاء مليء بالماء والقليل من الملح عشان ستي ما تفضحنا وتسكر باب المطبخ
علاء : ثم نصفي البطاطا من الماء ونضعها بزيت حار وتقلى جيدا
هيثم : ههههههه الله يعين اهاليكم عليكم بس، وين الصبايا يجيوا يتعلموا ؟
احمد : ما بنعرف لسا ما حدا اجا
علاء : يلا يلا اسرعوا، احضروا عشرة او خمس عشرة بيضة وافقسوهم فوق البطاطا المقلية المصفاة من زيت القلي والمضاف اليها زيت الزيتون ولا تنسى وضع الملح
هيثم : خمس عشرة بيضة بعين الحسود يا حبيبي كل هاد على حساب ابوي ؟؟؟
الشباب : هههههههههه
هيثم ( بصرخ ) : امشي انقلع برا انت واياه احسن ما افقسهم فوق روسكم
علاء : ما بال ذلك الابله يكاد ينفجر
احمد : دعه وشانه انه يتوحم ههههه
بعد ما جهزت المفركة ..
////
البنات : شكله ما في حدا ؟
سمعناهم بدون ما يشوفونا ..
احمد : بسرعة بسرعة ضبوا كل اشي
كل واحد فينا قعد على كرسي او وقف بمكان وكانه ما كنا نعمل اشي، وخبينا اللي عملناه ..
ياسمين : ما شاءالله شو هالهدوء ؟
احمد : اهلا وسهلا
ريم : ما حدا اجا لسا ؟
امجد : لا وين قصي ؟
ديمة : شو وين قصي بتتخوتوا ؟ حكالنا انا عند دار سيدي سبقتكم
عمر : ما شفنا حدا، تفضلوا مالكم واقفات
علاء : اجيتوا كلكم مع بعض من الجامعة ؟
سيرين : لا نصنا ههههه شو شايف حضرتك ؟
احمد : شايف خيالك شكلك نسيتي حالك بالجامعة هاهاها
وفجاة بنلاقي البنات صاروا يفتشوا بالمطبخ، وصار اللي ما حسبنا حسابه ..
ياسمين ( بفرح ) : يااااي مفركة ستي، اقسم بالله اليوم الصبح هفت على بالي
البنات : يمممممي
////
الجميع : ههههههههههههههه يا حرااام
////
احمد : شكلك جوعانة ؟
ياسمين : كتير ميتة جوع يا ربي والله انك بتحبني، هاتي خبز سيسو
سيرين : خبز شو ولك بالمعلقة بدي اكلها انتي متخيلة معي ؟
آيات : لا صعب تتخيل وأخيرا ياسمين جاعت هههههه
ياسمين ( بدات تاكل ) : يا ربي ما ازكااها يسلم ايديكي يا ستي يا حبيبتي، اكلتوا شباب ؟
الشباب ( حطوا أيديهم على صدورهم ) : مفللين احنا صحتين وهنا
////
هيثم : ههههههه الله جازاكم
ريم : عنجد من الأول نيتهم عاطلة وبسرعة بسرعة ( بتزور علاء )
حمزة : الست سيرين بالمعلقة بدها تاكل اما قومي اعملي مفركة قال صعبة
سيرين : مفركة ستي هاي حبيبي شو مالك لسا نعسان ؟
////
ياسمين : احمد امانة خد هاللقمة بعرفك بتحب المفركة
احمد : يسلموا ايديكي جد الاكل طالع من حلقي قد ما انا شبعان
علاء : اكلنا بالمطعم قبل ما نيجي، انتوا كلوا صحة وهنا يا رب
عدي : حمواتكم بتحبكم سبحان الله، احنا النا زمان هون ما شفناها
ديمة ( منهمكة بالاكل ) : يسعد قلبها حماتي بس لو انها تندل على عنوان البيت لاطعمي ابنها ازكى اكلة
////
ام عدي : والله فاول عليكم عدي ماشاءالله هههههه
سهى : شفتي يا حرام انهلكوا فرم وقلي واخر اشي على البارد المستريح
نهى : لا تنسي الطريقة اللي على التكة ههههه
////
بعد ما خلصوا اكل وطبعا اعتبروا حالهم لسا جوعانين، طلعناهم من المطبخ وسكرنا الباب منيح ..
احمد ( بهز راسه وبتطلع عليهم ) : ضبيتوا منيح اه ؟
امجد / عمر ( خايفين ) : والله حطيتها جوا الفرن شو بعرفنا انها رح تنبش المطبخ فوقاني تحتاني ئي !!
عدي : ولك بحطها بمكان مخفي مثل خزاين ما فيها اشي مهم او بمنعهم يفتحوا الفرن
علاء : يلا احمد شو واقف بتستنى اعطيهم فلقة خليهم يتعلموا الشغل مرة ثانية يكون على اصوله
امجد : لا لا لا شو فلقة ما فلقة حبيبتك اللي اكلتها لازم تكون مبسوط مو انت نفسك تشوفها تاكل هي الحمدلله تغذت وان شاءالله صحتين والف عافية عقلبها
احمد ( ماسك الحزام وبضرب فيه على الارض ) : ولك انا اقشر وافرم واعمل وكل تعبي يروح هيك بالهوا ؟؟ والله لافرجيكوا
عمر : طيب كان قمت منعتها او ضبيتها بمكان ما بتتوقعه ؟
وما خليناهم يكملوا كلام ونزل احمد فيهم فلقات لحتى تورمت رجليهم، بهديك اللحظة بنفتح باب المطبخ وبتكون ستي ..
ام ماهر : شو مالكم يا ستي مين بعيط ؟
علاء : ما في حدا احنا قاعدين بنضحك
ام ماهر : الله يسعد هالضحكة يا حبيبي، اذا بدكوا اشي احكولي هيني كاعدة مع خواتكن بالصالة
عدي : بدنا سلامتك، ارتاحي واحنا بنعمل كل اشي
احمد ( تعبان من كثر الضرب ) : …
ام ماهر ( بتتامل فيه ) : كنه احمد مريض يا حبيبي ؟
علاء ( بحس بجبينه ) : شكله بده يفلوز هسة بحطه تحت المي هههههه
////
منى ( بذعر ) : يا مجرمين شو هالعمايل هاي ؟ يا ويلكم من الله
امجد ( بحضن امه ) : شفتي بعينك اهئ اهئ
ام عدي ( محموقة ) : ليه ما بتحكوا ؟ كان ابهاتكم عرفوا شغلهم معهم
البنات ( متاثرات ) : عنجد بحزنوا يا حرام
هيثم : منيح اللي ساندرا ما اجت ههههه
عمر : عادي يا جماعة بنستاهل، يلا كملوه قرب يخلص
////
قصي ( حزين ) : يا قلبي عليكم شو هاد ؟ يقطع المفركة وسنينها احكولهم بنعمل وحدة غيرها شو هالمسخرة هاي ؟
عمر : منيح اللي ما اجيت على كل حال
امجد : صحيح ليه تاخرت ؟
قصي : وصوني على شاورما جبتلهم معي لانهم جوعانات
امجد / عمر : حسبي الله ونعم الوكيل، وياسمين كمان اكلت ؟
قصي : اه اكلت، سيرين وجبة دبل كمان
عمر : والله لافرجيهم رح اخذ حقي منهم ولو بعد حين
مها : شو مالكم ساكتين؟
احمد : سلامتك .. كيفك انتي ؟
مها : مبسوطة بشوفتكم زمان عنكم والله
علاء : تسلمي يا حب، ميلي علينا
مها : ان شاءالله ببقى اقلك ليوم تمر تاخدني
نهى : تعالي من الصبح يوم سبت
احمد : واحنا بنيجي معك صح يمة ؟
منى : … مال امجد وعمر حاسستهم مخبيين اشي
عدي : لا لا مناح كانوا بحكوا مع بعض بالغرفة وضلوا قاعدين
ياسمين ( اجت فجاة ) : ماما متى اجيتي ؟
مها : قبل شوي، اكلتي ماما ؟
ياسمين : لا مو جاي على بالي
احمد / علاء / عدي ( مصدومين ) : …
مها : يا ربي هالبنت رح تجنني ما بتاكل بالمرة بعدين معاكي كيف رح تقدري تدرسي وتركزي ؟
سهى : ما بصير خالتو لازم تتغذي احكيلها يا نهى
نهى : اه والله هي سيرين ما بتخلي اشي مفيد وفيتامينات الا بتاخدهم، بتقلي تخصصي لازمه مخ
الشباب : اكيييد
احمد ( اهتمام مصطنع ) : تعالي اخدك على مطعم اعشيكي غصبن عنك بدك تاكلي بكفي تعذبي اهلك حرام يا بنت الحلال والله حرام اللي بتعمليه فيهم وفي حالك
ياسمين : لا يييي ما تغلب حالك انا ما بحب آكل ومو صحبة مع الاكل ابدا
مها : يا حبيبي يا احمد الله يرضى عليك، روحي بسرعة قبل ما يجي ابوكي احسن ما اتضلي هيك بلا اكل
عدي : طيب هي المطبخ قدامها قومي كلي اللي بدك إياه
علاء : فتشي هون ولا هون وجيبي الصبايا يفتشوا معك الا ما تلاقولكم اشي تاكلوه
احمد : لا حلفت الا اخدك على مطعم ناكل مشاوي قومي يلا
////
أبو امير : ما شاءالله شو هالاهتمام أبو يحيى ؟ والله ما بتقصر
احمد ( بضحك ) : عشان تعرف بس
مها : يا حبايبي الله يخليكم لبعض
ياسمين : هههههه امين
عمر : يلا نشوف شو صار باللقاء اللي بعده
امجد : ثاني أسبوع على طول ؟
عمر : لا أتوقع فترة أسبوعين او ثلاثة
////
كان يوم خميس برضو وستي وبناتها وكناينها طالعين على مشوار عند قرايبهم، وابهاتنا ولا واحد موجود ناس بشغلها وناس بتحضر بهالمباراة ..
وصلنا من الجامعة ولقينا الشباب قاعدين بحضروا في المباراة والتركيز اعلى درجاته، وما حدا معبرنا ..
البنات : وين ماما ؟
الشباب ( بعدم اهتمام ) : طالعين
احمد ( معصب ) : هششششش ما بدي اسمع صوت، كل وحدة تقعد بمكان يا ويلها اللي بشوفها فاتحة ثمها
طبعا انا مستحيل اترك احمد بحاله، من يوم يومي هوايتي اجاكره ..
ياسمين : يا رب تخسروا
احمد : هششششش
سيرين : بين مين ومين ؟
امجد : برشلونة ومدريد
ياسمين : يا رب يفوز مدريد
احمد ( بغضب ) : حكيت ولا صوت
البنات : …
ياسمين : خالو هيثم مين بشجع ؟
عمر : معانا برشا
ياسمين : افت، وانت علاء ؟
علاء : يوفينتس
ياسمين : طيب ليه قاعد بتحضرها ؟
احمد ( انجن ) : ولك اسكتي مشاااان ربك
ياسمين ( وقفت ) : احسن اشي استغل انه اهلي مو موجودين واطلع مشوار واخد راحتي، يلا باي صبايا
البنات : الله معك
احمد ( انتبه وقام من مكانه وقرب عندي ) : وين رايحة قلتي ؟
ياسمين : شو دخلك ؟ اروح وين ما بدي مين حطك وصي عليي
احمد ( بزورني ) : ياسمين لا تجننيني اقعدي مكانك الدنيا صارت مغرب هسة بترجع امك
ياسمين : بعد عن طريقي انت لا تدخل و ـ…
ما لحقت اكمل كلامي، شدني من ذراعي وقعدني على كرسي وجاب بشكير وسكر فيه تمي وربط ايدي ورا الكرسي بحبل ابصر من وين جابوله إياه ..
ياسمين ( بحكي تحت البشكير ) : امممم اممممم
البنات ( مصدومات ) : احمد شو عملت ؟
احمد ؛ هشششش أي وحدة بتعمل عمايلها رح يكون مصيرها هيك، روحتي عليي نص المباراة من ورا بياختك
اشرت لسيرين تصورني وفهمت عليي، اما ديمة من لما قعدنا كانت بعالم اخر ..
آيات : امانة احمد فكها والله بتزعل خالتو
احمد : انتي لا تدخلي احسن ما اربطك جنبها
////
أبو امير ( بضحك ) : هدول تجوزوا صح ؟
مها : وعندهم ولدين ههههه
أبو احمد : طول بالك لنشوف النهاية، الله يجبر علينا على هالخلفة مفكر ابني عاقل يا ويلي على هالبنت شو شافت منه
هيثم : مو قلتلكم لو فيها شوية ركازة ما بتتزوجه ههههه
احمد / ياسمين : هههههه
////
ما مرق شوية وقت الا بنسمع صوت امي وخالاتي جايين، وباسرع من السرعة فكني وقعدت جنب البنات وانا لسا صافنة باللي صار واللي عم يصير ..
امي وخالاتي وستي ونسوان اخوالي : السلام عليكم
الشباب : وعليكم السلام والاكرام
البنات ( باستياء ) : طولتووووا
مها : ياسمين وين خواتك ماما ؟
ياسمين : لسا ما اجوا
منى : شو اخباركم ؟ خلصت المباراة خلي ابوك يجي
امجد : كمان شوي بتخلص
سهى : مالكم يا بنات صاير اشي ؟
البنات ( هزينا راسنا بالنفي ) : …
التزم الجميع الصمت، لحد ما خلصت هالمباراة ..
مها : رنوا على هيثم خلينا نشوفه الي زمان ما حكيت معه
عدي : حاضر عمتي هسة برنلك عليه
علاء : بجوز مداوم
نهى : خلينا نجرب
عدي : هي رد .. الو السلام عليكم
هيثم : وعليكم السلام يا اهلا شو هاللمة الحلوة اشتقتلكم
التموا خالاتي وستي قدام اللابتوب وكل وحدة تحطه بحضنها شوي، ولسا احنا مو على بعضنا وما حكينا اشي ..
هيثم : شو اخباركم يا صبايا وين مختفيات ؟
البنات : كيفك خالو اشتقنالك
هيثم : تعالوا اشوفكم انا كمان مشتاقلكم
سيرين : يسعدلي هالضحكة يا ناس مشان الله ارجع خالو الدنيا خربت من بعدك ( عيونها على الشباب )
هيثم : والله عارف ان شاءالله برجع قريبا
ياسمين : ضروري ترجع
احمد : اسمع كلامهم وارجع رح يضيعوا بلاك يا حبيب الشعب
الشباب : يا حرااام بحزنوا أتطلع عليهم كيف وجوههم صفراء وشاحبة
آيات : من ورا الشوفات اللي بنشوفها نشف دمنا خالو
هيثم : بعدين معكم يا شباب شو مسويين ؟ منى ونهى خلصونا عاد خطبوهم خلينا نفرح شوي وعدي كمان يلا والله نفسنا نحضر عرس
علاء : العين ما بتعلى على الحاجب خال ولو
احمد : فرحنا بعرسك اول
نهى : ان شاءالله انتوا الأربعة بسنة وحدة بنجوزكم
////
هيثم : سبحان الله با نهى تحققت هالدعوة بس بظروف مختلفة
ام ماهر : الحمدلله يمة اتطمن قلبنا عليكم
الجميع : الله يهنيهم
////
هيثم : دمدوم يسعدلي هالطلة يا ناس قمر وماشي على الارض بسم الله ماشاءالله عليكي خالو
ديمة ( بخجل ) : تسلم خالو
سهى ( مبسوطة ) : يلا شوفلنا عريس دكتور على زوقك
كان الكل عادي وضعه لحد ما حكت خالتو هالجملة، صفن عدي بالشباب وهمة اتطلعوا فيه بطريقة حزينة ..
كانت ملامحه استنجادية انه مصيبة لو صار هالكلام، بس وقتها ديمة ما كانت منتبهة عليه وطلع منها كلام عفوي ردله الروح من جديد ..
ديمة : لا لا خالو ما ترد عليها، بعدين لساتني سنة تانية
هيثم : انتي دكتور قليل عليكي يا قمر، وان شاءالله كلكم احسن العرسان بتاخذوا
البنات : شكرا خالو
مها : امين .. الله يهدي بالنا عليكم جميعا
هيثم : حاولي تختصري زياد اليوم واذا بتباتي عند اهلي احسن واحسن بعد هالخسارة الفادحة هيهيهي
مها ( باستياء ) : اااخ الله يهديكم مباراة بتقرر مصير حياتنا صارت
منى : انت بتشجعها يعني ؟ ناقصه ابوي
ام ماهر : ما صدكنا والله يكبّر عكلها وتنضب شوي
مها ( مصدومة ) : ول كل هالقد متدايقين مني ؟
سهى : عم نمزح انتي التانية، بس مكيفين عليكي عندك نهفات وقصص
بعد فترة سحبنا حالنا انا وسيرين ورحنا قعدنا بغرفة خالو، بس ما كنا عارفين انه الكاميرا انتقلت لهناك بهالاثناء ولا بنعرف عنها أصلا ..
ياسمين ( معصبة ) : شو الحل مع هيك شخصية ؟
سيرين : ما في للأسف .. بس شو رح تعملي بدك تحكي لأهلك ؟
ياسمين ( بياس ) : اكيد لا، رح يحطوا الحق عليي كالعادة ما حدا بوقف بصفي
سيرين ( تنهدت ) : طولي بالك ..
ياسمين ( برومنسية ) : اااخ يا سيرين لما قرب مني وربطني بالكرسي تمنيت نضل هيك قراب واشم ريحته اللي بتاخد العقل، بس للأسف هوة مو حاسس فيي ولا حتى شايلني من ارضي
سيرين : لانك عاهة وراكضة ورا هيك واحد
////
احمد ( بضحك ) : ماشي يا سيرين
أبو احمد : يا ويلي عليها دايخة فيه وهوة بربط فيها
الشباب : ههههههههه
////
ديمة ( فتحت الباب بتردد ) : وين رحتوا ؟
ياسمين : هينا هون، خلصوا حكي مع خالو هيثم ؟
ديمة : … ما بعرف
سيرين ( عيونها عليي ) : انتي شو قصتك
ديمة : ولا اشي
ياسمين : متزاعلة انتي وريم ؟ كانه ما بتحكوا مع بعض
ديمة ( بحزن ) : مخبصة بمادة … وعلى الاغلب رح اسقطها حتى ما تخسف معدلي وريم بهدلتني وما بعرف كيف رح اخبر اهلي
ياسمين / سيرين ( مصدومين ) : ييييييي
ياسمين : طيب ليه تسقطيها لسا قدامك امتحان الفاينال
ديمة : لا ما في امل
////
أبو قصي : له له شو هالحزن هاد كله عشان علامات يابا والله فلوس الدنيا ما بتسوى ضحكتك
ديمة ( بخجل ) : الله يخليلي اياك
قصي : طيب اصبر لاخر الفيديو بجوز تغير رايك
الجميع : هههههه شكله في مقلب
////
ريم ( فتحت الباب بسرعة وسكرته ) : يلا ديمة استعدي بدنا نروح
ياسمين / سيرين ( متدايقات ) : منيح اللي اجيتي ليه هيك مزعلة ديمة ؟
ريم ( مصدومة ) : انا ؟ متى ؟ ولي ديمة شو حاكية عليي
ياسمين : عشان المادة اللي مخبصة فيها لا تخليها تسقطها معاها فرصة للفاينال ان شاءالله
ريم : أي مادة ؟
ديمة ( بتضحك ) : الهم ساعة بحكولي مالك زعلانة وبحلفلهم مو زعلانة اخر اشي خطر ببالي احكيلهم هيك عشان اسكتهم
ياسمين / سيرين ( فتحنا عيونا ) : يخرب بيت شيطانك ما اقواكي وكمان شوي بدنا نعيط عليكي
ريم : هههههه استغفر الله العظيم بتفاولي على حالك كمان؟
سهى ( فتحت الباب بتدور على بناتها ) : يلا يا بنات وين رحتوا ؟ ( اجت عينها عليي ) يا حبيبتي زعلانة ؟
ياسمين : … لا عادي
سهى : ان شاءالله بتجوزوا وبترتاحوا منهم احمد وعلاء وعدي وهيثم مرة وحدة ونخلص
البنات ( بنطلع ببعض ) : امين
سيرين ( استدركت الموقف ) : يلا يا بنات تاخرتوا قوموا مع امكم، مين رح يوصلكم خالتو ؟
سهى : عدي الله يرضى عليه عشان قصي جايبه عمر
ديمة : بده يتحمل خطط اخوه مثلا ؟ ما بدنا هالتوصيلة هي التكاسي على قفى مين يشيل
ياسمين : لا حبيبتي اللي ببلاش كتري منه انتي مع امك شو بدك فيه وباخوه واخوكي
سهى : يلا تصبحوا على خير كلامكم ما بخلص انتي واياها بتحللوا على كيفكم يا لطيف شو هالجيل
////
سهى / هيثم : ههههههههههههههه
عدي : بدها تخلص منا عرس جماعي ناوية
أبو عدي : بتتجبروا بهالبنات خليهم يرتاحوا هنة واهاليهن
سهى : والله طلع ما حدا قليل خلينا ساكتين
الجميع : مخبيين بقشورهم هههههههههه
////
سيرين : وأخيرا طلعت
ياسمين ( بياس ) : تخيلي احمد يتجوز ؟ وانا احضر عرسه ؟ ( انكمشت على حالي ) ويمكن ازوره واباركله واحمل أولاده
سيرين : الله معه ما بدنا هالاشكال ناقصنا نفسيات والله ازا بتجيبي سيرته لادبحك
احمد ( دق الباب ودخل ) : ياسمين .. ممكن نحكي شوي ؟
سيرين ( بترفعلي حواجبها من ورا احمد ) : …
ياسمين : بشو بدنا نحكي ؟
احمد ( لف وجهه على سيرين وفقشلها أصابعه ) : اتركينا شوي ووقفي بعيد عن الباب متر واي حدا بتشوفيه جاي بس دقي الباب باصبعك
سيرين : أي اصبع فيهم ؟
////
الجميع : هههههههههههاي فظيعة
////
احمد ( كاتم ضحكته ) : أي واحد ما بتفرق
سيرين ( بحزم ) : دقيقتين بس، ما بتركك معها اكتر من هيك
احمد : زعلانة مني ؟
ياسمين ( بمسخرة ) : لا الله يسامحك ليه ازعل ؟ يمكن لو علقتني من رجليي راسا على عقب بجوز اتدايق نتفة
احمد ( بضحك ) : المرة الجاي
ياسمين ( عصبت ) : روح من وجهي احمد اكيد حضرتك مو جاي تعتزر ولا أصلا حاسس باي ذنب لانه كالعادة انت ما بتغلط
احمد : لا بالعكس انا جاي اعبرلك عن اسفي واعقد صلحة معك، واكيد بوعدك هالاشي ما يتكرر
ياسمين : ….
احمد : الخميس الجاي بس تخلصي دوامك بكون بستناكي بدون ما تحكي لحدا وبنروح نتغدى بهداك المطعم اللي حكتلك عنه
سيرين ( دخلت فجاة ) : خلص الوقت
احمد ( متدايق ) : ما تعلمتي اتدقي الباب ؟
سيرين : امبلا بس حبيت افاجاك لانه صراحة مو مامنة عليها معك
ياسمين : خلص سيسو عيب عليكي، بعدين احمد اجا يوعدني ما يكرر اللي صار وانا سامحته
سيرين : بالله عليكي ؟؟
احمد : تخيلي !!
سيرين : ولي هبلة انتي ؟ كيف بتسامحيه بهالسهولة لازم يتعاقب بنفس الأسلوب اللي بعامل فيه الناس
ياسمين : لا احمد ما بستاهل الا كل خير، وهيو عزمني الأسبوع الجاي على مطعم …. وانا وافقت
سيرين ( مو عاجبها ) : خدلك ما اقواه ! على اساس انتي بتاكلي ليعزمك على مطعم ؟ بعدين لا مستحيل أوافق ما بأمن عليكي معه لسا ثقتي مهزوزة تجاهه
احمد ( بخبث ) : خلص بتروحي معنا بس اوعي تجيبي سيرة لآيات وديمة
سيرين : لا ابدا لا من شاف ولا من دري على الساكت انا وياسمين بنلتقي فيك وبتاخدنا، اما ابعتها لحالها مستحيل معلش لا تزعل مني بس بعد عملتك اليوم …
احمد ( قاطعها ) : اكيد فاهم مشاعرك وخوفك عليها وانا مشان هيك حكيتلك تعالي
////
حمزة : هههههههه والله عليكي عمايل
رانيا : بتفهم صراحة وسريعة بديهة
سيرين : ههههههه ااااخ لا تغرك المظاهر
الشباب : مفكرتيه اهبل ياخذها معه عزول بينه وبين حبيبته هههههع
أبو امير : والله حبيبته والحب بينهم منذ الازل، قال تخيلي احمد يتجوز واحضر عرسه ههههه هوة سافر وتركها وعاشت بالويل لو تجوز شو بتسوي فينا يابا ؟
ياسمين : ما احلاه وهوة متجوز، بروحه على اللوج وبحكيله اني بحبه وبخليه يترك اللي بده يتجوزها
علاء : هههههههه اخ الاثنين مجانين، مرة احمد بحكيلي بخطفها وبكتب كتابي عليها بالمحكمة وما بخليها تروح لواحد غيري
الجميع : يا سلااام
عمر : لا تستعجل كله مسجل يا كبييير
احمد : جاسوس وله
عمر : الله يشهد اني ما كنت اتجسس، بس اكون مخبي الكاميرا بمكان وحدا يجي لهالمكان واكيد الكاميرا رح تسجل
هيثم : طيب يلا خلصونا خلينا نكمل
////
قبل ما يطلع احمد من عنا، كان علاء وامجد وعمر بدوروا عليه ووصلوا للغرفة اللي كنا قاعدين فيها ..
علاء : وين اختفيت ؟
احمد ( عيونه عليي ) : هيني .. اجيت احكي مع ياسمين شوي
سيرين : اجا يعقد صفقة
امجد / عمر : انتي خليكي برا
علاء : هششش ( التفت عليي ) ياسمين انتي الكريمة واحمد اكيد بستاهل تسامحيه وانا ما ببرله خطأه بالعكس لمته كثير على تصرفه بس شو بدنا نحكي هيك البرشلونية كلهم
احمد ( فاهم عليه ) : اه والله فقدت السيطرة بس ياسمين فعلا قلبها كبير وبتسامح الناس اللي بتعزهم
ياسمين : قصدك هبلة وبنضحك عليي بكلمتين
سيرين : ومفجوعة ههههه
احمد ( زورها ) : يلا اطلعوا شوي عشان بدنا نقعد هون انتوا خذوا راحتكم برا
علاء ( بلهفة ) : شو الموضوع شكلها رضيت
احمد ( بفكر ) : بس يجي عدي بحكيلكم كل اشي
بعد نص ساعة >>
امجد : وأخيرا يلا انحرقت اعصابنا
عدي : على شو ؟
علاء : راح عند ياسمين يراضيها وطلع بنتيجة بس بستناك عشان يحكي مرة وحدة
احمد : كيف كان مشوارك ؟
عدي ( باستياء ) : ممل .. ديمة مو بهالدنيا كانت، ومعظم الطريق كنا ساكتين اجمالا
عمر : له له غريبة ما الها بالعادة
آيات / سيرين / ياسمين ( فتحوا الباب فجاة ) : اجا عدي ؟
عدي ( مستغرب ) : خير ؟
سيرين ( بحزن مصطنع ) : طمني كيف كانت ديمة ؟
الشباب : مالها ديمة ؟
آيات : بس سمعت بالخبر انسم بدني والله هالبنت ما بتستاهل
علاء : فهمونا عشان نحزن احنا كمان
ياسمين : تخيل قال تجميعها بأحد المواد سيء وقررت تسقط المادة عشان ما ينزل معدلها ومو قابلة تترك لحالها فرصة للفاينال
عدي ( مصدوم ) : معقول !! والله حسيتها مو منيحة كانت
سيرين : تخيل الأولى على الدفعة وكل هالتعب والدراسة اكيد رح تتخذ هيك قرار
آيات : يا حبيبتي يا ريت بنقدر نعمل اشي مشانها
احمد : يعني حتى لو خبصت بمادة مو لهالدرجة معدلها رح ينخسف، دخيل الدراما اللي بتعشقوها
ياسمين : بتفرق من شخص لشخص النظرة للمعدل عفوا منك ازا انت مو من الأشخاص اللي بتهمهم العلامة في ناس عكسك
كنت صافن فيها وفاتحلها مجال تسمعني حكي قد ما بدها، بس تكفيراً عن اللي عملته معها اليوم ..
علاء : طيب بسيطة بتتفاهم مع أهلها واكيد رح تلاقي حل
البنات : لااا مستحيل أهلها تحكيلهم، ديروا بالكم تجيبوا سيرة
عدي ( عصب ) : طيب خلص ليه موجعين راسي فيها كل واحد حر بحاله وعلاماته مدام ما بدها حدا يتدخل فيها
سيرين ( بخبث ) : وليه انفعلت هالقد ؟ احنا بنحكي بشكل عام مو انت المقصود
عدي ( استدرك حاله ) : قصدي عن الكل انا، يلا اطلعوا اقعدوا مع اهاليكم
البنات : ههههههههاي مشيت عليكم متل ما مشيت علينا، هاد مقلب عملته فينا قبل ما تروح قلنا بنشوف شو ردة فعلكم
الشباب : هيهيهيهيهي
////
عدي : طار عقلي بهيك خبرية تخيلت نفسيتك تتدمر
سهى : كله ولا نفسيتها مين بده يضحكنا بعدين ؟
مها : بس عشان تعرفي عدوشة وغلاوة دمدومة عنده
عدي : اه والله غالية وما في قبلها ولا بعدها
الجميع : الله يديم المودة والالفة بينكم
////
احمد : المهم .. عرضت على ياسمين تروح معي الأسبوع الجاي على مطعم … وسيرين للأسف عرفت ودحشت حالها بالنص
علاء : هالمفجوعة، خليني اعطيك بطاقة البنك عشان تسد الفاتورة رح تكسرك
احمد ( مستغرب ) : على اساس رح اخذها مثلا !! ليه قاعد بحكيلكم انا
الشباب : شو ناوي تعمل ؟
احمد : ناوي اطفشها طبعا بس كيييييف ( بحك لحيتي وبفكر )
امجد : هية طريقة وحدة وبتشوف اذا ما نجحت ما بكون امجد
علاء ( عيونه على امجد ) : بدك تتحمل سيرين لاخر عمرك لانه رح نفسد عليك، هات الخطة لنشوف
امجد : الخطة على صاحب الشأن انا رح اعطيك الفكرة بس
احمد : شو ؟
امجد : تفرق بينهم بمشكلة وهيك بخلالك الجو مع ياسمينتك
الشباب ( مندهشين ) : وكيف رح يفرق بينهم ؟
احمد : معي كم يوم بفكر المهم قبل الخميس عشان ما يكون حدا متجمع وتنكشف الخطة
عمر : اهم اشي التكتم واحنا بنساعدك برضو
////
حمزة ( بضحك ومحني ظهره ووجهه باتحاه احمد ) : متحمس للخطة أبو شريك اشوف افكارك الجهنمية
احمد : هههههههه الله يسامحك
أبو احمد : بقتل القتيل وبمشي بجنازته، فوق ما هوة غلطان مع البنت كمان بده يراضيها بشروطه
هيثم : احمد ربك اللي علقته مع ياسمين
سيرين : كل هاد واختك سيد احمد
آيات : يختي داحشة حالك على رايه ههههه
سيرين( انفعلت ) : بدي ادحش حالي طبعا معقول اامن عليه بعد كل اللي صار ؟
ديمة : اسكتي طيب كنتي رايحة عشان المطعم وحلقتيلنا على الناشف انا وآيات عاملة حالك بودي جارد لياسمين
حمزة : يا حنونة هههههههههه
ريم : امانة بلاه هالمقطع عمر رح نعلق من جديد
الشباب : هههههه
////
مرقت الأيام واحنا بنستنى خطة احمد، وتحمسنا لتنفيذها عشان نشوف نتائجها ..
اللي صار انه احمد حكى مع سيرين وطلب منها تيجي عند دار سيدي لشغلة مهمة، وبنفس الوقت احنا كنا متفقين معه انه نعمل لمة بشكل عفوي لباقي البنات بنفس المكان بس لازم سيرين توصل قبلهم، واخترنا فيه يوم دوام سيرين بنتهي بكير ..
احمد ( قاعد مع سيرين بالمطبخ مع علاء ) : اسمعي سيرين انا صراحة بدي اعمل فيلم بياسمين وما بدي اخذها على المطعم لانه أهلها رح يكتشفوا الموضوع، واصلا مو مناسب كل يوم والتاني تطلع على مكان معي بتعرفي قبل فترة كمان عزمتها، المهم بدي تساعديني بهالفيلم
سيرين ( مصدومة ) : ليه ؟ قصدي يمكن تبطل تسامحك لو لغيت المشوار
علاء : لا اكيد ياسمين رح تتفهم وما بهمها الاكل بشكل عام بجيبلها هدية اوجب كنوع من الاعتذار
سيرين : طيب شو الفيلم ؟
احمد : بتمسكي هاد الموبايل، هاد كان الي وانكسر وبتمثلي انك انتي اللي كسرتيه بالغلط ومو عارفة كيف تحكيلي، بعدين بطريقة ذكية منك وانت اكيد رح ترتبيها منيح بتتهميها بكسره قدامي وهيك بتصير مشكلة بيني وبينها من جديد
سيرين : كيف بدي اكسرلك إياه وهوة قديم يعني شو وصله لايدي ؟؟!
احمد : انا مبارح اجيت عندكم وكنت جايبه لعلاء يبعثلي إياه لصاحبه عشان يصلحه وانتي مسكتيه وانكسرت شاشته الغالية طبعا وما رح تقدري تعترفي بهيك اشي
سيرين : ماشاءالله عليك، كم دقيقة اخدت منك هالفكرة لتخترعها ؟
علاء ( ماسك اعصابه ) : هسة انتي نفذي اللي حكالك إياه والك مشوار معي على نفس المطعم اللي كان بده ياخد ياسمين عليه
وفعلا اجت ياسمين والبنات وفاتوا يدوروا على ستي بكل مكان وخصوصا بالمطبخ، بس احنا كنا مدبرين ستي ومطلعينها لمكان ثاني ..
البنات ( متفاجئين ) : سيرين !! شو صاير معك ؟ ليه هيك بتعيطي ومنهارة
سيرين ( بتبكي ) : الحقوني انا واقعة بورطة وما بعرف ازا رح انفد منها
ياسمين ( قربت منها بحنية ) : وقعتي قلبي احكي شو صاير ؟
ديمة : خدي امسحي دموعك
آيات : اشربي مي حبيبتي خلينا نستوعب ونقدر نساعدك
سيرين ( بتهز براسها ومكملة تمثيلها ) : مبارح احمد اجا عند علاء بعد ما طلع فتت على الغرفة عشان ارتبها ولقيت موبايل على التخت مسكته وفجاة علاء بفتح الباب نقزت ووقع من ايدي وإذ هوة موبايل لاحمد جايبه لصاحب علاء عشان يصلحه
البنات ( بدهشة وحاطين أيدينا على وجوهنا ) : وشو صار بالموبايل ؟
سيرين ( بحزن ) : انكسرت شاشته ( بتبكي ) وعلاء حكالي دبري حالك مع احمد انا ما دخلني فيكي
ياسمين ( بغضب ) : كيف يعني ما دخله فيكي عنجد ما ….
احمد ( اجا فجاة ) : ها هي البنات هون شو اخباركم ؟ متى اجيتوا ؟
البنات : …
احمد ( مستغرب ) : شو الموضوع ؟ ما حدا رح يرد عليي .. دقيقة سيرين شو مالك ؟ كاينة تبكي
سيرين ( عيونها معلقة عليي ) : لا عادي ما فيي اشي
لمح احمد موبايله اللي تركته سيرين بالعامد على الطاولة، ومسكه بصدمة كبيرة ..
احمد ( عصب ) : ولك هاد الي شو جابه لايدك انتي واياها ؟ وكاسرينه كمان ؟
البنات ( بخوف ) : …
احمد ( بنبرة حادة ) : وحدة فيكم تعترف احسن ما اخسركم حقه كلكم
سيرين ( غمضت عينيها وغطت وجهها بايديها ) : ياسمين كسرته
ياسمين ( مصدومة ومو عارفة شو تحكي ) : …
////
الجميع : ههههههههههه رهيب هالمشهد
سيرين : مواهب مدفونة بس ما حدا عارف قيمتي
ياسمين : بتطلعوا مواهبكم عليي انا المسكينة
أبو امير : مهو كله عشانك يابا فدا هالمشوار مع أبو العيال على انفراد
الشباب : ههههههههع
////
احمد ( نص ضحكة وبحكي بمسخرة ) : شو ست ياسمين بتنتقمي مني بهالاسلوب ؟ ما حبيتها منك … ياسمين اللي بعرفها بتاخذ حقها بايدها قصدي بلسانها
ياسمين ( مخنوقة ) : …
احمد ( بنبرة حادة ) : جاوبي انتي كسرتيه ؟
ياسمين ( بنفس متسارع وعيونها على سيرين ) : …
احمد ( عصب وشبك ايديه بشعره وبقلب نظره بين ياسمين وسيرين ) : وبعدين ؟ احكي عادي ما رح ازعل
آيات / ديمة ( مقهورات ومو عارفات شو نحكي ) : …
احمد : آيات احكيلي اذا بتعرفي ياسمين هية اللي كسرته او لا ؟
آيات ( بلعت ريقها ) : لا
احمد : مين اصدق هسة انا ؟
سيرين : اكيد بدك تصدقني لانه الموبايل كان عنا مبارح وهلا مسكته ياسمين ووقع منها وكسرته
احمد : منا بسالها ما بتحكي، عاد والله مو زعلان ولا رح اعمللها اشي
ياسمين ( عصبت ) : لا بدي اشوفك رح تكسر راسي وراه ولا شو رح تعمل هالمرة يا ترى ؟ بعد اللي شفته منك بطلت استبعد اشي بهالدنيا
احمد : له له هيك اخرتها بيناتنا ؟ عكل حال فداكي التلفون وصاحبه اعتبريه الك بس التصليح عليي اول ولا يهمك وهيك بنكون تصافينا
ياسمين ( بغرور ) : كرامتي حقها موبايل عندك ؟
احمد ( باستنكار ) : اطلاقاً .. كرامتك لا تقدر بثمن عندي وانا عم أحاول ارجع المي لمجاريها بيني وبينك بس انتي شكلك حاقدة عليي وصعب تنسي المزحة الثقيلة اللي عملتها معك
ياسمين ( زميت شفايفي ) : مزحة تقيلة ؟ شو سيرين انتي كمان عم تمزحي معي كنتي ؟
سيرين ( عصبت وطلعت من المطبخ ) : …
آيات : الله يثبت علينا العقل والدين
ديمة ( معصبة ) : ولك أي عقل هاد ؟ مو قدامك سيرين حكت انها كسرت الموبايل وكنا بنحاول نساعدها فجاة بتتهم ياسمين فيه ؟
////
هيثم ( متحمس ) : يا سلااام حميت بينهم
حمزة : قلبي دقاته الف اشوف كلام ياسمين الي اثباته بهالفيديو ولا لا ؟
ياسمين : هلا بتشوف
احمد : اكبر غلطة ارتكبتها بحياتي اني عملت هالفيلم والله
ياسمين : بس كنت بتجنن وانت بتحافظ على علاقتنا من التدهور هههههه
علاء : المهم بعد الزواج في هيك محاولات منه ؟
ياسمين : اه طبعا من يوم يومه حبيبي ما يحرمني من محاولاته هههههه
احمد ( عينه على علاء ) : ارتاح بالك ؟
علاء : ههههه بدي اشوف اذا حليمة نفس عادتها القديمة ولا كبرت وبطلت تفرق عندها
ياسمين : لا احمد ما بتغير ابدا تجاهي ان شاءالله بضل هيك دايما
////
احمد : لحظة لحظة .. مالها سيرين ؟ ليكون هية اللي كسرته وحطتها فيكي ؟
ياسمين ( بثقة ) : لا انا اللي كسرته بس كان قصدي عن شغلة تانية بيني وبينها
ديمة ( مصدومة وعيونها على آيات ) : تعالي نشوف سيرين واتركي هدول يكملوا انتقاماتهم الخاصة
احمد : الله لا يجيب انتقامات ومشاكل بتفاولي علينا ؟ بس على كل حال الحقوها بتكون بحاجتكم اكيد
كان عمر عامل مونتاج للفيديو هات، ودامج صورنا بهديك اللحظة ونظراتنا مع صور جديدة بعد ما خطبنا وعامل قصة حب وموسيقى رومنسية ..
////
الجميع : يا عيني يا عيني شو هالحب والرومنسية ؟
انا واحمد كنا قاعدين جنب بعض وحاضني من الجنب بايديه، وخجلانين من اهالينا والكل بعلق ومبسوط ..
مها : بس للامانة ما كان مبين عليكم اشي، يعني انا كنت احس شوية اهتمام من احمد اما انه ياسمين كمان واقعة بحبه ما كانت متوقعة ابدا
منى : لو شفتيها لما غارت عليه بس كنا رايحين على العقبة كان حسيتي ههههه
آيات : أو القميص اللي عليه روج هههههههه
احمد ( بقرص خدي ) : اباااااي كانت احلى لقطة
ياسمين : يوم ما رحنا على العقبة كنت رح انخنق
احمد : كله ولا تنخنقي حبيبتي انا علي شانك لبن العصفور كنت بدي اجيبه
الجميع : ههههههههههه
عمر : هسة التكملة على ياسمين وسيرين يحكولنا شو صار بعدين ؟! وكيف انتهت القصة وطلع احمد من المولد بلا حمص
سيرين : خليها بنفسك ههههاي
ياسمين : من كل عقلك بدي اصدق هيك فيلم ؟ او خليني احكي الحقيقة ايامها كان من المستحيل نعمل هيك اشي ببعضنا يعني لحالي فهمت انه في خطة تحوم في الأجواء
ديمة : انا مرقت عليي وفعلا كان لغز بده كونان ليحله
سيرين : لحد هلا والله ياسمين مستحيل نفكر نأذي بعض لهالدرجة وعشان مين بالله ؟
آيات : بس أنا اذتني وصورتني مع منار
ياسمين : صح، ولو سيرين الها علاقة فيها كنت عملت نفس الإشي هي بحكي قدامها
سيرين ( ببرود ) : ما بصاحب هيك أشكال ريحي حالك
احمد ( عصب ) بكفي .. خلص أنتي وإياها ما بدكم تدفنوا عمايلكم ومسخرتكم بالماضي ؟ حرام نقعد برواق الا تعكروا مزاجنا
الجميع : معه حق احمد
البنات : … بنعتزر
أم ماهر : والله انتن الثلاثة يا ستي بدكن واحد مثل احمد يحطلكن حد
احمد : …
محمود : ههههههه يا مسكين يا احمد وقعتك صعبة
امجد ( بغير الموضوع ) : يلا فيديو جديد
عمر : بعد سنة تقريبًا وتحديدا مناسبة سعيدة