الحلقة السابعة عشرة

التوقف عن الغوص في ماضٍ راحل ..

هو بداية جديدة لاختلاق ماضٍ ..

أفضل من حياتك اليوم ..

 

____________

__________

 

هيثم : ماشاءالله عليهم منورين، ان شاءالله برجعلكم بالسلامة

مها : الله يسلمك

سهى : شو هالحلاوة هاي، ياسمين القمر اشتقنالها

مها : تسلمي من حلاوة عيونك، وهي اشتاقت للكل والله

منى : الله يحفظلك اياهم وتفرحي بسلامتها

مها : امين ويحفظلك حبايبك

 

كل العيلة كانت مبسوطة بلقاء زياد ببنته، وخصوصاً انه اول حدا بزورها بعد ما تغربت ..

كانت الدنيا مو واسعتني بمجرد اني شايفة السعادة بعيونهم، وقلبي ارتاح على بنتي بعد هالشهور اللي غابتهم عنا ..

 

////

 

بعد كل اشي صعب صار معنا بالفترة الماضية، ما قدرنا ما نجدد فرحتنا بزيارة ابو امير لدار احمد، وسماعنا لاخبار حلوة منهم عن قرار ولادة ياسمين بالاردن ..

يعني رح نشوف احمد وياسمين ونفرح بثاني حفيد للاحفاد بعيلتنا الكبيرة ..

 

رانيا : الحمدلله رح تيجي، طمنتني عليها

هيثم : اه والله انبسطت، وهيك امها بتطمن عليها اكثر

رانيا : حتى احمد بضل مرتاح انها بين ايدي امينة هون وموصى عليها من كل النواحي

هيثم : الله يريح قلب الجميع، ويهدي بالنا وبالهم

 

////

 

ابو احمد : نيالك يا زياد

منى : ونيالهم فيه، احمد مبسوط يا حبيبي شاف الفرحة بعيون مرته

آيات : واحلى خبر انها رح تيجي تولد هون

انس : الحمدلله رح اصير عم لاحلى ابن اخ بالدنيا

ابو احمد : ان شاءالله بنفرح باولادكم جميعا يابا، الله يقدرنا على تأدية الامانة حتى نموت واحنا بالنا مرتاح عليكم

الجميع : بعد عمر طويل

امجد : يعني ارجع انق عليكم تجوزوني ولا اضل هيك عاقل ؟

الجميع : ههههههه

منى : يارب يجمعك ببنت حلال تستاهلك وتسعدك

انس : انتي قولي يقدرها على تحمله

آيات : ههههههه

امجد : هيهيهيهي لنشوف حضرتك مين اللي رح تنبلي فيك

آيات : كالعادة لازم تقلب الطاولة على راس حدا فينا، خلص متل ما بدك

منى : ههههه الله يهديكم بس

 

_______________________________

 

بعد ثلاثة اسابيع <<

 

ما قدرت انام، وكيف رح يجيني نوم وروحي مسافرة بعد كم ساعة ..

بتحاول قد ما تقدر انها تخفف عني، بس اي محاولة رح تنجح وهية بحاجة لمين يواسيها ..

البيت رح يفضى عليي من جديد، وحياتي بترجع مرة وما فيها اي حلاوة ..

 

ياسمين ( بتهرب بعيونها ) : احمد هي حطيتلك كل الاكلات جنب بعض بالفريزر عشان ما تلخبط فيهم، بتطول كل يوم شغلة وبتسخن

احمد ( بحاول اتماسك حالي ) : يسلمو يا روحي، لا تهكلي هم ان شاءالله بكون كل اشي مثل ما بدك

ياسمين ( دمعوا عيونها ) : ان شاءالله ( انخنق صوتها ) احمد، د د دير بالك على حالك امانة، ما بدي اقلق عليك

احمد ( قربت منها وحاوطت خصري بايديها وبستها على راسها ) : طول ما انتي بخير انا بكون بخير، الله يقوملي اياكي بالسلامة وما بدي اكثر

ياسمين ( حضنا بعض والدموع غرقتنا ) : ..

 

وصلتها عالمطار .. استودعنا بعض لله .. وآخر نظرات النا جددنا حبنا وعهدنا لبعض .. ايدينا بدات تتفارق .. تلاشت عن نظري شوي شوي ..

 

////

 

صباح حلو، ومخبي مفاجأة احلى ..

صحيت نشيط استعداداً الها، وبدات اتجهز لاستقبالها ..

 

مها : يعني رايح تجيبهم انت

زياد : يا حبيبتي مو قلتلك هالحكي من اسبوع ؟

مها : فكرت حدا رح يجيبهم، طيب وين رح يناموا ؟

زياد : عند النوم بحلها الف حلّال، بس هسة ابداي بتحضير العشا لانه يادوب اروح وارجع

مها : بدينا زمان، يلا بتخبرني قبل ما توصل البيت عشان البس

زياد : مو ضروري تتحجبي عادي، لانه ما بدي تبيني على صاحبي

مها : متل ما بدك

 

عيونها كانت رح تاكلني، انا متاكد عندها احساس اني بكذب عليها، بس شو اعمل حابب اعمللها مفاجاة وافرحها بشوفة ياسمينتها ..

 

////

 

كيف قدرت اترك ايديه ؟ مو متخيل انه من هالليلة رح انام بعيدة عنه واكون انا ببلد وهو ببلد تانية ..

شو كان صعب اني اسافر وابعد عن اهلي ووطني وعيلتي، بس اللي مهون عليي اني اكون مع احمد ..

اما اليوم ولمدة اكتر من شهر ويمكن شهرين، تفارقنا، بس الحمدلله رح يكون النا لقاء خلالهم لما اولد على خير ..

 

زياد ( حامل امير ) : شوف ياسمينة اجت؟

 

لما لمحت بابا وحامل امير، طرت من مكاني ورحت لعنده قدام كل العالم اللي كانت بالمطار عم تنتظر احبابها ..

 

ياسمين ( حملت امير وحضنته ) : يا عمري انت، اشتقتلك

امير : ياسمينة

زياد : الحمدلله عالسلامة بابا

ياسمين ( ببكي ) : الله يسلمك بابا حبيبي، شكرا لانك جبت امير

زياد : ههههه ولو، المهم طمنيني كيف حالك ؟ وكيف احمد

ياسمين ( بكيت بقوة ) : …

زياد ( بمسح على راسي وبهديني ) : الله يجمعكم على خير، الايام بسرعة بتمر خلينا نتهنى عليكي ونفرح بابنك

ياسمين : والله اشتقتلكم وما صدقت اشوفكم، ما تفهمني غلط

زياد : هههههههه طيب، خليني اشوف شطارتك هلا مع امك على هالمفاجاة اللي عملتلها اياها، يا خوفي تنيمني برا البيت اليوم

ياسمين : ههههه يا حرام

 

////

 

زياد اليوم مو طبيعي، يعني حاليا مستعدة ادفع نص عمري واعرف مين هاد صاحبه هوة ومرته اللي رح يجوا من السفر وعازمهم عنا عالعشا ..

 

حنين : يعني شو هلا ؟ رني عليه شوفي وينه

مها : ما دخلني، انا وصيته يخبرني وما رح اضل ازن عليه

رنين : طيب عشان نسخن الاكل ونجهز السفرة

مها : … طيب ملحقين بس يوصولوا بنعمل كل اشي

 

وما في دقايق الا الجرس عم يدق، وتخبيت انا على اساس ما ابين قدام صاحبه، ووقفت استنى مرته بمكان بعيد ..

 

زياد : يا الله، تفضلوا تفضلوا

ياسمين : ههههههههه

 

اتطلعت انا وبناتي بوجوه بعض لما سمعنا الضحكة، هزينا روسنا وفتحنا عيونا ..

مديت راسي اتاكد اني مو سامعة غلط، لقيناها صارت واصلتنا ..

 

مها / البنات ( بصوت واحد ) : ياسمييين !

ياسمين ( نزلوا دموعها ) : …

 

ما صدقت عيوني لما شفتها، بنتي اللي غابت عني شهور ورجعت وحاملة بحفيدي ..

ضمينا بعض كلنا والسعادة غامرتنا، ودموع الفرح نستنا كل لحظة عشناها بعاد عن بعض ..

 

حنين : يا قلبي انتي، الحمدلله على سلامتك

ياسمين : الله يسلمك، يا الله شو اشتقتلكم، وين ريّان بدي اشوفه

مها ( عيوني على زياد ) : هي ابوكي جابلك اياه

زياد : يلا يا اختي الحنونة اجيتك

 

حملته بحنية وحضنته كانه ابنها، كانت بتتامله ومو مصدقة عيونها ..

اللي بتفكر فيه انا عارفته، وفاهمة عليها بدون ما تحكي اي اشي ..

 

مها : عقبال ما تحملي ابنك يا امي

الجميع : امين، ويقر عينها فيه يا رب

 

////

 

ديمة ( بفرح ) : مو مصدقة مو مصدقة عدي، هلا هلا وديني اشوفها

عدي ( بستهبل ) : مين هية ؟

ديمة : شو مين هية ! ما شفت عالفيس انه ياسمين اجت على عمان

عدي : لااا ؟ لحالها يعني

ديمة ( بجكر ) : لا طبعا مو لحالها، معها ركاب الطيارة

عدي : والله! الحمدلله عسلامتهم، ما الهم حق يخبوا علينا، بس خلص اللي ما خبرنا ما بنروح نسلم عليه

 

واستمرت المناوشات بيني وبينها، لحد ما حسيتها رح تولد من القهر ..

اتفقت معها تمشيها باتصال وناجل الزيارة، لحد ما نشوف اذا العيلة الكريمة بدهم يخططوا لزيارة جماعية ..

 

////

 

نهى : شو هالمفاجاة الحلوة

سيرين : يا الله شو فرحت، مو مصدقة

نهى ( بتردد ) : بدك تروحي عندها ؟

سيرين ( بياس ) : نفسي اروح، بس ما بعرف ازا بابا وعلاء رح يسمحولي

نهى ( تنهدت ) : اكيد رح تعذرك ورح تشوفك بكل الاحوال بعد ما تعرف شو صار معك

سيرين ( نزلت دمعة مني ) : … اكيد

 

////

 

ياسمين : وينها الدبة سيرين ما نزلت تشوفني لحد هلا ؟

مها ( عيوني على البنات ) : ماما ياسمين .. احم .. في شغلة صارت وما حبينا نحكيلك اياها بوقتها

ياسمين ( بقلق ) : خير ماما ؟ سيرين صاير معها اشي يعني ؟

الجميع : …

ياسمين ( بعصبية ) : ليه ساكتين ؟ احكووووا

مها : طيب طيب لا تعصبي، هلا بحكيلك كل القصة

 

_________

_______

 

قبل شهر <<

 

سيرين ( بصوت ضعيف ) : الو خالتو الحقيني

مها ( بخوف ) : سيرين ! شو صايرلك وين انتي ؟

سيرين ( بتبكي ) : بالبيت

 

تركت كل اشي وراي، وطلعت اركض عندها، ولما فتحتلي الباب كانت بحالة صعب اوصفها ..

 

مها : يلا هي حمزة اجا

حمزة ( بخوف ) : حبيبتي .. سيرين ردي عليي

 

حملها بين ايديه، ونزلت معهم عالسيارة واخدناها عالمستشفى ..

 

حمزة : خالتي ام امير يكثر خيرك غلبناكي

مها : اول اشي لا تحكيلي خالتي، كل اللي بيني وبينك اقل من عشر سنين

سيرين ( ضحكة بين دموع) : هههه

مها ( متابعة ) : قدام ابو امير احكيلي خالتي بس بيني وبينك ما في داعي

حمزة : هههههه الله عليكي ( عينه عالمراية ) قربنا نوصل حبيبتي استحملي

سيرين ( لفت وجهها ) : …

 

كنت كتير مستغربة من المشهد قدامي، ما كانت سيرين طبيعية مع زوجها، عكسه تماما ..

وصلنا، ودخلناها طوارئ باقصى سرعة ..

وهون كانت الصدمة الي ولكل اللي سمعوا الخبر ..

 

الطبيب : للاسف، النزيف كان كثير وخسرتي جنينك بسببه، وعالاغلب حملك كان ضعيف

سيرين ( منهارة ) : لااااا

مها ( ببكي ومصدومة ) : يا عمري انتي ( مسكت ايدها ) حامل

سيرين ( عيونها على حمزة وكلها حقد ) : كنت خالتو .. كنت حامل وهلا خلص

 

حمزة كانت عيونه بالارض وبتهرب منها، متل كانه مو قادر يحطها بعينها ..

حكيت مع اهلها واجوا يشوفوها بدون ما احكيلهم التفاصيل، بس للاسف التفاصيل المخبية كانت اعظم ..

 

سيرين ( منهارة ) : ما بدي اشوفه، ما بدي اياااه

نهى ( بتبكي ) : متل ما بدك متل ما بدك بس اهدي ماما

سيرين ( بتصرخ ) : ما بدي اهدى، قتل ابني هو قتله

ابو علاء ( مصدوم ) : قتله !

 

وصلت رانيا وكانت معها امها وابوها، بس استقبال سيرين الهم كان مستحيل ..

 

سيرين : خالتو مها احكيلها ما بدي اشوفها لا هية ولا اخوها ولا اهلها، الله لا يسامحهم ( منهارة ) الله لا يسامحهم

 

_________

_______

 

ياسمين ( بغصة ) : لحد هلا ما فهمت اشي

حنين : ما حدا عارف اشي اصلا ولا فاهمين شو اللي صاير

مها : ما قبلت ترجع، وهيها حردانة عند اهلها وكل يوم بحاول معها حمزة ترجعله واهلها ما بدهم يستقبلوه ولا يسمحوله يحكي معها

ياسمين ( مقهورة ) : حسبي الله ونعم الوكيل، اكيد حاكية لاهلها

رنين : الله اعلم شو عامل فيها هو واهله

حنين : يا حبيبتي قد ما كان نفسها بحمل

مها ( بمسح دموعي ) : في رب بحاسب ماما، ما تخافوا

 

صعب على بنات متل بناتنا يقدروا يمسكوا حالهم وما يكونوا جنب بعض بكل اوقاتهم، فكيف لو كانت اوقات صعبة ..

 

ابو امير : مو مناسب بابا خليها لبكرا

ياسمين : مستحيييل بابا الله يخليك وديني، انا خايفة اسوق لحالي بعد فترة انقطاع

مها : ما احلاكي وسايقة، يلا زياد مو ناقصني يصير اشي بالبنت هلا

ابو امير : استغفر الله العظيم، يلا امشي

مها : رايحة معكم استنوا

ياسمين : بسرعة ماما لو سمحتي

حنين : خلونا نروح كلنا، زمان ما شفناهم

ابو امير ( باستياء ) : ماشاءالله عليكم

ياسمين : ههههع طول بالك ابو الزوز لسا بنتفاهم

مها : ههههه

ياسمين : انا برايي اليوم خلوني انا اروح لانه اكيد بكون نفسها تيجي تشوفني

ابو امير : انا برايي تستعجلي قبل ما تصير الدنيا نص ليل وما نلاقي حدا يفتحلنا الباب

 

وياسمين ما بتقعد عاقلة، مو معقول اتضيع وقت لازم اتدق الحديد وهو حامي ..

 

////

 

ابو علاء : جهزوا حالكم

نهى : لشو ؟

ابو علاء : مفاجاة هههه

سيرين : …

 

ما في اي فكرة ببالي عن المفاجأة اللي حكى عنها بابا، الدنيا كلها بعيني صارت بدون اي نكهة ..

ما بعرف ليه هيك نصيبي، الانسان الوحيد اللي حبيته بحياتي واعطيته كل مشاعري، خذلني ووصلني لمرحلة ما اطيق اشوفه او اسمع اي اشي بخصه ..

 

ابو امير : مسا الخير، سامحونا عالازعاج

نهى ( بفرحة ) : ياسميييين ( ضمتها ) يا حبيبتي الحمدلله على سلامتك اهلا اهلا

ياسمين ( بغصة ) : الله يسلمك خالتو، اشتقتلك

 

كانت عيونها بتدور عليي، ولما تقابلت مع عيوني، ركضنا على بعض بلهفة بحجم كل لحظة غابتها عني ..

 

سيرين ( ببكي ) : الحمدلله على سلامتك يا عمري

ياسمين ( بتبكي ) : الله يسلمك، سيسوو يا الله شو اشتقتلك

 

من زمان قلبي ما فرح، وشوفة ياسمين وجيتها عندي باول يوم وصولها للبلد كانت اشي عظيم بالنسبة الي ..

 

مها : حبيباتي ما يحرمنا منكم، وجودكم سعادة بحياتنا

نهى : اه والله، كيف حالك خالتو ؟ يسعده البيبي اللي يا دوب مبين

سيرين : ههههه عنجد ولي وين مخبيتيه ؟

ياسمين : ولك هيو كل هالبطن ومو شايفة، بعدين اختصري قدام ابوكي

سيرين : ههههه طيب

 

////

 

علاء : والله نورت بياسمين خانوم

ريم : ههههه

علاء : زمان عنها والله

ريم : اه والله زمان، اشتقنالها

علاء : بس ياريت لو اجا بعلها معها كان كملت

ريم : بيجي لا تخاف

علاء : ولحقت تروح عند سيرين، لسا ما لحقت توصل

ريم : يعني اكيد خالتو حكتلها شو اللي صار

علاء : هي خالتي مها بتعرف كل القصة ؟

ريم : لا ما اتوقع، مع انه ما فيها اشي لو حدا عرف، خليهم يعرفوا شو الوجه التاني لحمزة

علاء : وهاد اكبر غلط، افرضي رجعوا لبعض ؟

ريم ( مصدومة ) : ليه رح ترجعله ؟

علاء : عشان اكون صادق معك، انا ما الي خاطر ترجعله، بس ما بتعرفي النصيب

ريم : الله يختارلها الافضل، احسن اشي ندعيلها ونتركها هي تختار

 

////

 

وبدون اي مضيعة للوقت، رحنا انا واياها على غرفتي ..

 

ياسمين ( مسكت ايديي ) : سيرين، العوض بسلامتك حبيبتي زعلت كتير عاللي حكتلي اياه ماما

سيرين : … ( نزلوا دموعي ) الحمدلله على كل حال

ياسمين : اكيد اكيد، ربنا بختار الافضل بس .. حمزة ! لحد هلا انا مو فاهمة سيرين مشان الله شو اللي صار ؟

سيرين ( مسحت دموعي ) : آااااخ منه، بس ما بحكي الا حسبي الله ونعم الوكيل في اللي كان السبب

ياسمين ( بغصة ) : طيب فهميني رح انجن سيرين

سيرين ( هزيت راسي ) : رح احكيلك كل اشي وانتي لحالك رح تحكمي عالاحداث

 

_________

_______

 

تشرين الأول ٢٠١٦ <<

 

حمزة ( بعصبية ) : انتي من متى بتحكي مع امي بهالاسلوب ؟ اااه ؟

سيرين ( برجف ) : شُ شُ شو حكيت ؟

حمزة ( بضرب بالطاولة ) : ولك بتستهبلي على مين ؟  انتي زودتيها سيرين ( بهدد باصبعه ) انا سكتلك كثير بس لهون وبكفي شوفة حال وقلة احترام لاهلي

سيرين ( مصدومة ) : نعم ؟ بتحكي عني انت ولا عن مين ؟

حمزة : انتي مو شايفة كيف بتتعاملي ؟ بتتعمدي تظهري انك من مستوى اعلى منا ومن هالحكي اللي ما بحبه

سيرين ( عصبت ) : لا انت فعلا في حدا وازك عليي، مستحيل تكون حمزة اللي حبيتني وحبيته وبتحكي عني  هالكلام، ما بسمحلك تتهمني هيك اتهامات

 

لما شافني ما سكتله وواجهته، وتعمدت احكي انه في حدا بوز في راسه عليي ..

تغير لونه، وزادت عصبيته، وصار يقرب مني شوي شوي وانا بحكي ومنفعلة، مسكني من ذراعي بقوة وصار يهز فيي ..

 

سيرين ( بخوف ) : حمزة شو عن تعمل .. حمزة بعد عني اتركني .. حممززززة

 

شفته بصورة وحش قدامي، وكل اشي منه كان متوحش بهديك اللحظة، لدرجة انه تجرا وضربني ورماني عالارض بقوة ..

 

سيرين ( بالم شديد ) : الله لا يسامحك، الله ينتقم منك ( منهارة ) يا باباااا الحقني

 

كان واقف بتفرج عليي وجسمه برجف، ولما صرت اصرخ وانادي بابا صحي فجاة ورجع لحمزة الحنون وقرب مني وحملني واخدني عالحمام يغسلني ..

غيرلي اواعيي من المي ونيمني بحضنه، وغفيت وانا لساتني مو مستوعبة اللي صار معي، والاوجاع اللي بجسمي من اثر الضرب بدأت احس فيها شوي شوي ..

وتاني يوم ما قدرت اروح على دوامي بالمدرسة، وهو كان مداوم بالمستشفى ..

 

_________

_______

 

سيرين ( بمسح دموعي ) : والباقي حكتلك اياه خالتو

ياسمين ( بتبكي ) : حسبي الله بس، هاد فيلم ولا شو ؟ انا ما لحقت اصحى من الفيلم اللي صار معي، ليه هيك سيرين حظنا ؟ شو عم بصير فينا

سيرين ( حضنتها ) : الحمدلله على كل حال، نصيبنا وبدنا ناخده

ياسمين : طيب اهله شو موقفهم ؟ عرفوا بعمايل ابنهم ؟

سيرين ( تنهدت ) : والله ما بعرف شو احكيلك، رانيا حلفت مليووون يمين انها ما بتعرف اشي من اللي بتعمله امها فيي وماما صدقتها، وحماتي لما عرفت اني كنت حامل عملت جهدها ارجع على بيتي وتعهدت ما تتدخل

ياسمين : …

سيرين ( متابعة ) : اما زوجي المصون فهو ندمان كتييير يا حرام هههه

ياسمين ( بيأس ) : وانتي ؟ قصدي شو النهاية

سيرين ( دمعوا عيوني ) : …

 

////

 

رفعت اكتافها بحيرة من امرها، وهزت راسها ..

كان قرار اهلها الانفصال بدون اي تأخير، اما قرارها لسا مو قادرة تتخذه ..

 

ياسمين : الله يخترلك الافضل، ضلي ادعي واستخيري وفكري على اقل من مهلك

سيرين ( بحزن ) : افكر بشو ولا شو يا ياسمين ؟ بالحب ولا الكره ! الايام الحلوة اللي عشناهم سوا ولا المرة اللي دوقني اياهم ! او او بابني ( حطت ايديها على بطنها ) اللي لما عرفت عنه وفرحت فيه خسرته بنفس اليوم

 

ما توقعت من اول يوم وصولي للبلد بعد غياب اشهر، اني اسمع هيك قصة، او اعرف انه سيرين عايشة هيك مأسآة ..

طلعنا من غرفتها، ورحنا على غرفة القعدة محل ما الكل قاعد ..

كان السر اللي حكتلي اياه ما حدا بعرفه الا اهلها وديمة وريم، ووصتني ما اخبر حدا فيه ..

 

نهى : تعالي اقعدي خالتو ما ضيفناكي اشي عشان ما نقطع قعدتكم

ياسمين : يسلمو ايديكي مو جاي عبالي اشي، ماما من لما وصلت وهي تعبي فيي

الجميع : هههههه

ابو علاء : والله اهلين بياسمينة العيلة، شو اخبار ابو يحيى ؟

ابو امير : ضروري تذكرها فيه هسة بتفتحلنا اياها مناحة

ياسمين : ههههه الحمدلله عمو بسلم عليكم جميعا، بس اكيد بكون قاعد لحاله هلا ( انخنق صوتي )

مها : عادي ماما متعود، لا اتدايقي حالك

ياسمين ( نزلوا دموعي ) : كان مريض قبل يومين وقضيتها اعمله كمادات، بس مبارح كان احسن شوي

نهى / مها : ييييي سلامته

ابو امير: ليه ما حكيتيلنا ؟

ابو علاء : الف سلامة عليه يا عمي

سيرين : ياسمين لا تعملي بحالك هيك، اكيد تحسن

ياسمين : ما بعرف، بس كتير كان وضعه بحزن، الله يشفيه وما يضره

 

_______________________________

 

ثلاثة شهور مرقت مثل لمح البصر علينا، الله اعلم بخباياها والصعوبات اللي عايشها ..

وبنفس الوقت عشت مع آيات احلى حالة حب، وما حسستها بالمعاناة اللي بمرق فيها بحياتي العملية ..

 

آيات : اول الاعمال في جدولها الذهاب عند سيرين

امجد : ههههههه بدها تتفقد الرعية

عمر : يلا بلكي تنحل القصة على ايدها

آيات : يا ريت، والله قلبي بتقطع عليها هالمسكينة

امجد : للاسف طلعت هي يا حوينتها مو هوة

عمر : شفت، ضلينا نعلق عليها لحد ما طلعنا ماخذين مقلب فيه هال..

آيات : الله اعلم شو بستناها، معقول اهلها يطلقوها منه ؟

امجد : ان شاءالله لا، برضو الطلاق مو سهل يعني مبينة مشكلة وسوء تفاهم وكل اشي بنحل مدام الحب موجود

عمر : حب ايه اللي انت جاي تقول عليه !

آيات : هلا المهم، بدنا نروح نسلم على ياسمين صح ؟

امجد : المفروض

عمر : شو رايكم نقنع عمتي تروح كمان هي وعمي ونخلص من هالسولافة

 

اهلي اشتقتلهم، متمني ارجع اشوف امي واسمع رضاها ودعواتها الي من جديد، ولسا عندي امل بيوم من الايام انها ترضى عليي وتبارك زواجي ..

اما عمتي وعيلتها، علاقتي فيهم بتزيد وبتقوى يوم عن يوم وهالاشي مو جديد، لكن زاد بخطوبتي على آيات ..

 

آيات : مو غلط بنحاول

امجد : انا ما دخلني، دبر راسك مع حماتك وبنتها، انا بروح مع انس

آيات : الحزب الاشتراكي ماشاءالله

امجد ( بنبرة حادة ) : خليكي بحالك

عمر : ايوا ! هو كل ما تنفتح هالسيرة لازم نعلي اصواتنا، اختصر يا زلمة

امجد ( مو عاجبه ) : اختصرت، هيني قايم كلي على بعضي ومريحكم مني

 

علاقتي مع امجد فيها بعض التوتر بسبب المشكلة بين ياسمين وعمتي، لاني منحاز لطرف آيات ارضاءا الها ولعمتي ..

بس من جوا انا قلبي بتقطع عاللي صار مع ياسمين، ومو هاين عليي الكلام اللي حكتلها اياه ..

 

////

 

قصي : يا الله ياسمين على ارض الوطن من جديد

سهى : يا حبيبتي شو اشتقنالها

ابو قصي : طيب يلا نروح نسلم عليها

قصي : ياريت، بس صارت طاشة عند سيرين ههههه

سهى ( فتحت عيونها ) : كيف عرفت ؟

قصي : الصبايا خبروني هيهيهيهي

ابو قصي : هية ما بتعرف عنها ؟

سهى : لا، مها ما خبرتها باشي لا عن سيرين ولا عن غيرها

قصي : مو ناقصها المسكينة هيك اخبار، بكفي غربتها

ابو قصي : اه والله صعبة تعرف عن اعز ناسها وحبايبها هيك اشي

سهى : الله يفرجها، بلكي كمان بتجتمع مع خالتها وبتصالحوا

قصي : اه والله لازم، خالتي منى اثبتت انها حماية ما في مثلها، واللي صار كان خارج عن ارادتها

سهى : قولتك والله، بعد اللي شفناه من حماوات غيرها، طلعت يا محلاها

ابو قصي : … الله يهدي النفوس

 

////

 

ابو امير ( عيونه عالمراية ) : ارتاح بالك بابا ؟

ياسمين ( كاتمة ضحكتي ) : الهي يريح بالك وما يحرمني منك حبيب قلبي انت

مها : نيالي انا

ابو امير : ههههه، بس وجهك ما بتفسر كان لما طلعتي من الغرفة، الظاهر خبرتك تفاصيل ما بنعرفها

ياسمين : … ادعيلها بابا

مها : مهو راح عمرة ودعالها، يارب يختارلها الافضل

ابو امير : ابو علاء متغير وكبران بعد اللي صار مع بنته

ياسمين : وخالتو كمان، يا الله شو متغيرة عليي كاني من سنين ما شفتها

مها ( تنهدت ) : مهو شوف العين بهد الحيل يا ماما

ياسمين : بعين الله، يلا بكرا بروح اسلم على سيدي وستي

مها : لا همة رح يجوا، تقريبا العيلة كلها جاي

ابو امير / ياسمين : اهلا وسهلا

 

ووصلت البيت على طول اتطمن على احمودتي؛ كنت مخبرته اني طالعة مشوار ضروري وطبعا بدوره استنكر عملتي انه كيف اطلع من اول يوم ولاني تعبانة ومن هالحكي ..

 

احمد ( معصب ) : الحمدلله عالسلامة

ياسمين ( بجدية ) : الله يسلمك، احمد قبل ما تبدا بمحاضرتك اسمع شو بدي احكيلك

احمد ( بفضول ) : خير ؟ صار اشي معك ؟

ياسمين ( بغصة ) : سيرين

 

////

 

كنت عارف انه مهما خبينا عنها بالنهاية رح تعرف، بس من اول يوم وصولها ما توقعت ..

 

احمد ( بمثل الانفعال ) : شووو ؟ معقول كل هاد عامله حمزة ؟

ياسمين : تخيل، الله لا يسامحه لا هو ولا اللي بشد على ايده

احمد : لا حول ولا قوة الا بالله، صدمتيني وزعلتيني عليها كثير

 

ما نسيت اللي عمله حمزة، رغم اني حكيت معه وسمعت كل اشي منه وبعرف انه لسا متمسك فيها ..

بس ما قدرت اخبر ياسمين، واللي زاد عليي تواصي خالتي وباقي العيلة اني اخبي ..

 

_________

_______

 

احمد ( بانفعال ) : لحظة لحظة عيد شو اللي حكيته ؟

علاء ( بغضب شديد ) : ليه انا مستوعبه حتى انت تستوعب

احمد : لا حول ولا قوة الا بالله، اكيد في اشي غلط، حمزة اللي بنعرفه غير هيك تماما

علاء : وانا هاد اللي مجنني، اكثر اشي قهرني انها كانت حامل هالمسكينة شو تلوعت بسبب هالموضوع من لما تجوزت واخر اشي لما حملت خسرت البيبي بسببه

احمد : الله يعوض عليها ويختارلها الافضل، بس برايي اعطوهم فرصة يحكوا مع بعض

علاء ( معصب ) : يا زلمة فرصة شو ؟ بقلك ما بدها اياه، منهااارة عالاخر، لو تشوفها ما بتعرفها

احمد : هيثم عرف بالقصة ولا مثل باقي العيلة ما حدا فاهم اشي ؟!

علاء : ما بعرف، انا شخصيا ما شفته ونسيت اسال امي عنه

احمد : لنشوف رانيا حقته رح تحكيله ولا تخبي عمايل اهلها

علاء : انا خايف يا احمد، خايف كثير على سيرين والله ما رح اهدى الا لما اجيب حقها

احمد : … الله يقويك، اذا بدك بحكي معه شو رايك ؟

علاء : ما بهمني كله على بعضه، انسى موضوعه

خلينا نفرجيه مين احنا

احمد : ماشي علاء، ولا يهمك انت بس روق وكل اشي بصير بالهداوة

 

////

 

هيثم ( معصب وبضرب بالاثاث ) : ولك شو هالمسخرة اللي عاملها اخوكي ؟ مين هو حتى يمد ايده على مرته ؟ شو هالسبب القاهر اللي عملته حتى يضربها ويسببلها خسارة ابنها ؟

رانيا : لا تنسى انه ابنه كمان

هيثم ( كز على اسنانه ) : لا تجيبي سيرته

رانيا ( بقهر ) : والله انا مصدومة اكتر منك، حمزة مستحيل يعمل هيك اشي مستحييييل هيثم، ما في احن منه انا اكتر حدا بعرفه، حتى بابا زعلان وارتفع ضغطه بس عرف، عم نحكي معه وما برد متل اللي فاقد الوعي

هيثم ( بمسخرة ) : له له يا حرااام جد حزنتيني عليه، طيب خليني اروح اشوفه بلكي بقدر اعمله انعاش واصحيه

 

بدون ما يستجيب لنداءاتي، طلع من البيت وتركني اتخبط بحالي واضرب اسداس واخماس ..

 

////

 

طلعت من البيت ونار شاعلة جواتي من اللي عمله حمزة ببنت اختي، ومين ما كانت من بنات خواتي كلهم مدللات وغاليات علينا ..

 

هيثم : ممتاز، وهي سيارتك موجودة، اشوف وين رح تهرب مني اليوم

 

صفيت سيارتي، طلعت على طول على بيته ..

دقيت الباب والجرس اكثر من مية مرة، وبالاخر صرت اضرب بشكل قوي عالباب ..

 

حمزة ( بحالة يرثى لها ) : هيثم !

هيثم ( بلهث من التعب ) : لازم اعمل ثورة عشان تفتح الباب حضرتك ( دخلت وبعدته من طريقي ) ليه متخبي ؟ خايف !

حمزة ( تنهد ) : لو سمحت هيثم، اللي فيي مكفيني

 

سكر الباب ومشي من جنبي ووقف قدامي مباشرة ..

 

هيثم ( ضربته كف ) : هاد بس عشان تتذكر مرة ثانية كيف تمد ايدك على بنت من بناتنا

حمزة ( مصدوم وايده مكان الكف ) : …

هيثم ( شادد على قبضات ايدي ) : شو اللي عملته هالمسكينة لحتى تجازيها هيك ؟ شو قصة اهلك معقول بقلبوك عليها وبتنسى كل اشي منيح فيها

حمزة ( قعد ونزل راسه بين اكتافه وحط ايديه فوق راسه ) : ما بعرف .. انا جد ما بعرف لحد هسة شو اللي صار بالضبط، كيف بدات الاحداث وكيف وصلنا لهون ؟! كاني كنت تحت تأثير تنويم مغناطيسي

هيثم ( بنبرة حادة ) : لهالدرجة شخصيتك ضعيفة واي حدا باثر عليك ؟

حمزة : …

هيثم : على كل حال انت جنيت على حالك، لا البنت ولا اهلها رح يغفرولك اللي عملته فيها، بس قبل ما اطلع من هون بدي اسالك ما تذكرت اهلها شو ممكن يصير فيهم لو يشوفوها بهديك الحالة ؟

حمزة : …

هيثم :طيب ما تخيلت تحط حالك مكانهم ؟ او مكاني هسة لو انقلبت الادوار لا سمح الله !

حمزة : معك حق بكل حرف، انا غلطت ورح اخد جزائي بكل قسوة متل ما نسيت حالي ونسيتها وقسيت عليها بدون اي ذنب منها

 

////

 

كانت كلماته مثل الزلزال، هزت كل كياني ودمرتني بدون رحمة ..

انا ما بستاهل زوجة مثل سيرين، بنت اصل ومحترميتني انا واهلي وحاطيتهم على راسها، واللي صار كان فوق سيطرتي ..

 

حمزة ( بكسر بالبيت وبصرخ بصوت عالي ) : رح ترجعيلي .. لازم ترجعي

 

انهارت قوتي، ورميت بجسمي المتثاقل على التخت ..

كانت صورتنا بيوم العرس معلقة على حيط الغرفة، اجت عيني عليها وغفيت وانا اتاملها واتذكر هديك الليلة ..

 

////

 

ابو علاء ( بعصبية ) : انت شو بتعمل هون وشو جابك على باب بيتي ؟

حمزة ( ماسك اعصابه ) : بدي مرتي

ابو علاء ( بصوت عالي ) : ما الك مرة عنا، بالمحكمة بتشوفها

حمزة ( ضرب على الباب بعصبية ) : ما في محكمة، لا تحلموا اني اتخلى عنها انا بدي سيرين اليوم ( هدا صوته ) ناديلي اياها لو سمحت بدي احكي معها

 

صحينا على صوت ضرباته لباب بيتنا، وقام بابا فتحله وانا كنت اتفرج من بعيد بدون ما هو يشوفني ..

ولما طلب يشوفني، طلعت متل المجنونة ..

 

سيرين ( بعصبية ) : ولك انت شو ؟ كيف بتتجرا تيجي عنا وتطلب تحكي معي كمان ؟ من كل عقلك انا لسا الي نفس اشوفك او اسمع صوتك ؟

حمزة ( برجف ) : س س سيرين .. سامحيني انا اجيت اطلبها منك وحطي الشروط اللي بدك اياها انا موافق بس ارجعيلي حبيبتي

نهى ( بغصة ) : سيرين فوتي على غرفتك

سيرين ( نزلوا دموعي ) : …

حمزة ( دمعوا عيونه ) : انا بحبك سيرين، صدقيني ما كنت بوعيي، بس انا لساتني حمزة زوجك اللي بتمنى رضاكي وما بعيش بلاكي يا اغلى من روحي

 

كلماته اثرت فيي بس مع ذلك ما قدرت انسى بعد كم يوم من اللي صار بيناتنا، ولسا آثار عملية الاجهاظ عليي ..

 

نهى ( حضنتني ) : اهدي يا امي لا تخافي احنا معك وما رح نسمحله يأذيكي مرة تانية

سيرين ( منهارة ) : …

ابو علاء ( بغصة ) : هي اخر مرة تحكي معه، اياكي تضعفي قدام هاي الاشكال مرة ثانية، ما بستاهل ظفرك

سيرين ( بهز راسي ) : …

 

نهى : طول بالك انت التاني مو هيك بتنحل الامور، اهم اشي نفسيتها

ابو علاء : شو قصدك ؟

نهى : اكيد ما بدي خراب بيت بنتي

ابو علاء : هو هاد بيت معمر ؟ جاي يستضعفها بكلمتين قدامنا هال… قليل الادب وعديم الاخلاق

نهى : مو لهالدرجة صار حمزة، انا متاكدة انه في حلقة ناقصة بالموضوع، اصبر شوي ومتل ما حكتلك اهم اشي نفسيتها بهالفترة

 

_________

_______

 

ياسمين : معقول يتطلقوا ؟

احمد : ما بعرف، بنقول الله لا يفرق الحبايب

ياسمين : حبه برص ان شاءالله

 

وهسة الزلمة علق بلسان ياسمين، وما حدا بخلصه منها ..

الله يهون عليكي يا حبيبتي، ويعدي هالمشكلة على خير  ..

 

 

////

 

حنين : هيك بتعمليلنا مفاجاة بدل ما نستقبلك احسن استقبال

ياسمين : عشان ما اغلبكم فيي، بعدين هيني اجيت استقبلوني ههههه

رنين : ااااخ يا ريت ما عليي امتحانات كان عملتلك احلى استقبال

اسيل : لسا مطولة امتحاناتك ست رنين، ضلك تحججي

ياسمين : يا رب الله يوفقك ويفتحها عليكي، خلينا نفرح ونشوفك بالجامعة، وانتي اسولة عقبال ما يصير عندك امتحانات ونردحلك متل ما بتردحيلنا

حنين : هههه هاي ما حدا بقدر يرد عليها

ياسمين : وفروحتي الكبرانة الحليانة، واميري متى رح تخلص توجيهي وتدرس طب متل خالك ههههه

اسيل : وابن خالتك ههه

 

على طول عيون ياسمين وخواتي تلاقوا، وكانهم متفقين عليي ..

كنت متعمدة اجيب سيرته، حتى اشوف شو رح يحكوا ..

 

ياسمين : صحيح .. شو اخبار اولاد خالتو منى ؟ بتشوفوهم

رنين : بتستهبلي ؟ مهي امي بتحكيلك اول باول

اسيل : ما بنشوفهم كتير .. عادي

فرح : اما شو انس متغير يا ياسمين

ياسمين ( عيونها عليي ) : من اي ناحية يعني ؟

فرح ( بجكر ) : حليااان وصاير دكتور عالاخر هههههه

 

كان نفسي اقوم اضربها بس اعطيتها ابتسامة صفراء، وكملت استماعي للحديث المشوق ..

 

ياسمين : الله يوفقه، بستاااهل انوووس ما في منه بعد احموودتي

حنين : ههههه بس الله يبعتله وحدة عاقلة مو متلك تجننه متل ما جننتي احمووودتك

رنين : ههههههههاي

ياسمين : بالعكس احلى اشي يكونوا الازواج مختلفين، عشان حياتهم ما تكون مملة

رنين : اه الاكشن احلى فعلا هههههه

حنين : هههههه طبعا طبعا

 

عملت حالي مو فاهمة على تلميحاتهم، تركتهم ورحت عشان انام ..

 

////

 

ياسمين ( بفضول ) : معقول تيجي خالتو عمو يسلمو عليي ؟

حنين : انتي بدك ؟

ياسمين ( محتارة ) : ما بعرف، بس قصدي عشان صاروا يزوروكم يمكن يفكروا اني رح اكون متل اهلي

رنين : لا ما بفكروا، عارفين انه انتي اشي تاني غير عن اهلي، لانك صاحبة المشكلة من الاساس

ياسمين ( تنهدت ) : افففت، الله يسامحها خالتو الله يسامحها، كيف رح تنحل هالمشكلة بينا والله ما بعرف

حنين ( عيونها على رنين ) : …

ياسمين ( بالم ) : بتعرفوا، اشتقتلها حتى اشتقت لعمو ابو احمد، يا خسارة وين كنا ووين صرنا

حنين : … فعلا يا خسارة حتى احنا بنحبها كتير بس شو نعمل هيك القدر كاتب

ياسمين : لو تشوفي كيف احمد بكون يتطلع عليي بحسرة لما يحكي مع اهله، نفسه احكي معهم بس مو طالع بايده، حاسسته مل من القصة

رنين : اشي بملل لانه

حنين : يعني بحكي معهم قدامك ؟

ياسمين : مرات بحكوا معه بكون جوا البيت، فيعني مو حلوة يطلع، بقوم انا بشغل حالي بالمطبخ او بروح على مكان تاني بعيد

رنين : شو ما كانوا بضلوا اهله واعز ناسه

ياسمين : وعلمكم باحمد وكيف علاقته معهم، يا ريت كل الاولاد متله لاهلهم

حنين : ستي الله يخليهم لبعض

 

_______________________________

 

ابو امير : مين ومين جاي يعني ؟

مها : علمي علمك حبيبي، اصبر هلا بوصلوا وبنشوف

حنين : يا حبيبي اذا ام عدي وكناينها يلتقوا

ياسمين : شو يعني ؟ آيات كنتها ان حكت اه او حكت لا

رنين : هههههه يا ويلي عليكي يا ياسمين شو في احداث راحت عليكي

مها : لا تزكريني، ما صدقت انسى

حنين : ليه بتنسي منظرها ؟

مها ( بحزن ) : مستحيل، لاخر يوم بحياتي

ياسمين ( باستياء ) : حدا يفهمني، طيب عن مين بتحكوا ؟

ابو امير ( تنهد ) : عن حبيبة قلبك ديمة

ياسمين ( بصدمة ) : مالهاااا ؟

 

_________

_______

 

كان هالصباح رايق كتير، بناتي وزوجي بدواماتهم، وبيتي على اخر طرز مرتب، وما عندي شغل ..

لبست انا واولادي وقلت بشرب فنجان قهوة عند ابوي وامي ..

 

ام ماهر : اهلا وسهلا، تعال ياستي ابوسك

امير : تاتا تاتا

مها : ههههه يلا هي تاتا

ابو ماهر : بس تاتا يا ازعر، وانا مو عاجبك

مها : على سلامتك بابا بالعكس امير متعلق فيك كتير

ام ماهر : الله يرضى عليكي وعلى اولادك يمة، وتفرحي فيهم، كيف حال بناتك ؟

مها : ببوسوا على ايدك، بدهم يجوا الخميس ان شاءالله بس انا قلت باجي بشوفكم برواق، شو اخبار اخواني ونسوانهم ؟

ابو ماهر : الحمدلله

ام ماهر : مرت اخوكي عاملة حماية، جابت كنتها من الصبح عندها، بكلها تفضلي يا ستي بتكلي ما بكدر مرت خالي بتستناني ابصر مالها صبحت ترن عليي

مها : ديمة ! خير ان شاءالله

ابو ماهر : مو طالع بايدها تفتح ثمها على آيات، وابنها مطنشها

مها : خليني اطلع اشوفها بناديها تشرب قهوة معنا على اساس يعني

ام ماهر : اه بالله يمة اجيتي والله جابك تفكدي بنت اختك

 

ومتل الشاطرة حطيت ريان بحضن امي، وطلعت ادق الباب على ام عدي ..

دقيت وما حدا رد، فتحت لحالي بلحظة كانت ديمة عم تصيح ..

 

ديمة ( حاملة السجادة ) : اااااخ ضهري

ام عدي : شو مالك شدي حيلك خفيفة

 

انا شفت هالمنظر وصرت الطم ..

 

مها ( رميت السجادة من ايدها ) : ولك شو بتعملي ؟ نسيتي انك حامل، شو هاد يا آمال ؟

ام عدي ( لوت بوزها ) : ولا اشي، عندي شغل بالبيت وبنتي عندها دراسة واجت كنتي تساعدني

مها ( عليت صوتي ) : خافي ربك، كنتك حامل باحفادك بترضيها على بنتك لو كانت محلها ؟

 

بهاللحظة اللي كنت اخد واعطي فيها مع ام عدي، ديمة كانت بتتوجع وفجاة وقعت عالارض ..

ما قدرت اسكت اكتر من هيك، نزلت متل المجنونة طلعت موبايلي من شنتتي ورنيت على عدي ..

 

ام ماهر ( بتبكي ) : الله ينتكم منها اللي ما بتخاف ربها، كومي يا ستي كومي يا حبيبتي

ديمة ( بتبكي وبتتوجع ) : مو قادرة يا ستي .. مو قادرة اتحرك

مها : يلا حبيبتي هلا بيجي عدي حكالي مسافة الطريق

 

وصل عدي وشاف مرته مرمية عالارض ببيت اهله، وامه وجهها اسود من عملتها ومو قادرة تفتح تمها ..

 

عدي ( عيونه متل الجمر ) : يمة ! ديمة ليه هيك حالتها ؟ جااااوبيني

ديمة ( بالم ) : عدي .. لا ترفع صوتك بوجهها

عدي ( التفت عليها ) : …

 

حملها بين ايديه وركض فيها عالمستشفى، وانا استفردت بامه ..

 

مها : يا خسارة يا امال يا خسارة، معقول انتي تعملي هيك ؟

ام عدي ( بتردد ) : والله ما كان قصدي اللي فهمتوه

ام ماهر : اتقي ربك عندك بنت احسبي حسابها بيوم من الايام

مها : مو بس عشان عندها بنت، عشان ما تكون ظالمة، بكفي اللي عملتيه بعمر وآيات لسا ما لحقنا ننسى

ام عدي : …

ام ماهر : ابني ناسي حاله بشغله وتارك مرته على كيفها

_________

_______

 

مها : كان نفسي احكي كلمة خير معها قدام امي عالاقل واهدي النفوس بس ما تركتلي مجال

ياسمين ( بتبكي ) : مو معقول، شو صار مع ديمة طيب ؟

مها ( بهدي فيها ) : الحمدلله عدت على خير، بس الدكتورة طلبت منها ترتاح لحد ما تولد، ان شاءالله بتقومي بالسلامة انتي واياها

ياسمين : امين يارب، يا حبيبتي ما جابت سيرة كل ما اسالها بتحكيلي كل اشي تمام ما تقلقي، وسيرين تسكت وآيات اصلا ساكتة ما عندها اشي تحكيه

حنين : الله يعينهم، جد انتوا الاربعة ما تخيلنا هيك تكون ظروفكم لما تتزوجوا

رنين : اه والله، بكفي قصة ياسمين لحالها عن كل اللي صار

ياسمين ( بلطف ) : بالعكس انا اهون وحدة، اكتشفت هالاشي بعد ما سمعت هالقصص اللي صارت، عالاقل انا كان ردة فعلها بسبب اما هدلاك حماواتهم بدون سبب مجرد كيد

ابو امير : … صحيح

مها ( مبتسمة ) : طيب بدي توعديني لو اجت خالتك هلا ومدت ايدها تسلم عليكي انك تسلمي

ياسمين ( غمضت عيونها بأسى ) : …

رنين : لا ماما شو هالحكي ؟ اتفقنا ما تضغطي عليها

مها : مو قصدي اضغط بس السلام اشي والاخد والعطا اشي تاني

ابو امير : اتركيها براحتها، ولا تستبقي الاحداث

حنين : وانا هيك رايي، يعني على اي اساس ضمنتي انها تيجي ؟ الا ازا انتي حكتيلها

مها ( مصدومة ) : لا لا ما طلبت ولا جبت سيرتها، هي بس حكت معي تهنيني بسلامتها وسالت عنها وما جبنا سيرة اي اشي

ياسمين : …

 

////

 

عدي : بدك تروح ؟

عمر ( بحيرة ) : ما بعرف، خايف اروح التقي مع امي وتعمل اشي مع آيات

عدي : ما رح تعمل اشي، نسيت بعد اللي عملته مع ديمة شو صار ؟

عمر : لا ما نسيت، بس مو حابب نلتقي بدون ما نكون حاكيين مع بعض مسبقا

عدي : تمام، براحتك

_________

_______

 

ابو عدي ( بصوت عالي ونبرة حادة ) : زودتيها كثيير يا آمال، لهون وما بسمحلك تكملي، الظاهر انك دايرة على خراب بيتك

ام عدي ( بتبكي ) : ما كان قصدي صدقني اني بحبها لديمة والله

ابو عدي : انتي مو بعقلك انا متاكد، في اشي ماثر على تفكيرك وتصرفاتك، بديتي بابنك عمر وما طلع بايدك تسيطري عليه اشتغلتي بالمسكينة ديمة، شو ذنبها لتحطي قهرك فيها ؟

ام عدي ( بتبكي ) : …

ابو عدي : شو استفدتي بس فهميني ؟ هي ابنك زعل مشان مرته، وحلف ما تدخل بيتنا

ام عدي ( مصدومة ) : لااااا ! دخيلك احكيله انا بروح بعتذر منها بس ما يقاطعني

ابو عدي : عقلك براسك اتصرفي بالشكل الصحيح، وفرجيني كيف رح تثبتيلي انك رجعتي لاصلك اللي الكل بعرفك فيه

 

////

 

ديمة : حبيبي الباب عم يندق

عدي ( بالمطبخ ) : يلا رايح افتح، انتي خليكي جوا لحد ما اعرف مين

ديمة : اوك بيبي

عدي ( متفاجأ ) : امي !

ام عدي ( بتردد ) : السلا ا ا م عليكم، اسفة عالازعاج

عدي ( ببوس ايدها ) : اهلا وسهلا، تفضلي

ام عدي ( مبتسمة ) : الله يرضى عليك، كيف حالكم ؟ طمني كيف ديمة صارت ؟

 

سمعت صوتها بالبيت واستنيت عدي يناديني بس تاخر، لحد ما سمعتها بتسال عني ..

 

ديمة ( مبستمة ) : اهلا وسهلا خالتو نورتي

ام عدي ( مبسوطة وحاملة كيس ) : اهلين فيكي، الحمدلله على سلامتك حبيبتي هاد الك اشي بسيط

عدي : غلبتي حالك يمة ما بدنا الا سلامتك

ام عدي : سامحيني يا بنتي والله ما كان قصدي اللي صار

ديمة ( بهز براسي ) : ولا يهمك، شو بتحبي تشربي ؟

عدي : لسا كنت عم اعمل نسكافيه، كمليه عني حبيبتي لو سمحتي

ام عدي ( بتتامل البيت ) : يسلم ايديكم، ماشاءالله البيت رواق ونضيف، بس يجي التوم على خير بتروح هالروقانة كلها

عدي : ما يحرم بيت منهم، والله يطعم كل مشتهي

ام عدي : امين يارب يا حبيبي ما احلى لسانك ( نزلوا دموعها ) اشتقتلك

عدي ( حضنها ) : سامحيني يمة لاني رفعت صوتي عليكي، ما في اشي بستاهل

ام عدي : وانت سامحني، اوعدني ما تقطعني من مرتك واولادك، وديمة مكانها على راسنا والله، وصدر البيت الها والك

ديمة ( قاعطتهم ) : الله يخلي البيت واصحابه ويضل نفسكم انتي وخالي وما يحرمنا منكم

 

كانت جيتها لعنا حتى تعتذر مني كبيرة بالنسبة لبنت متلي، ما هانت عليي واعتبرتها متل امي ..

حبيت اني اكسبها؛ حتى اعطي فرصة لآيات بيوم من الايام واقدر اوقف معها ويكون الي كلمة ..

لاني انا كمان رح اصير ام واكيد رح اصير حماية، ومتل ما بحب كنتي تعاملني بزرع حتى احصد ..

 

////

 

ريم : الله يسمعنا الاخبار الطيبة، عقبال عند سيرين يارب

ديمة ( تنهدت ) : امين، كيفك انتي وكيف سلمى ؟

ريم : بخير، عم نلبس رايحة عند ماما شوي اساعدها

ديمة : تساعديها ولا تسعدنيها ببنتك يختي ؟

ريم : بكرا بيجي دورك ام لسان ههههه

ديمة : اااخ كيف حالتي رح تكون ؟ بدك اتضلي عندها للغدا يعني ؟

ريم : انا طابخة ومجهزة كل اشي بس بدي اروح اضب معها الصيفي والشتوي

ديمة : يييي منا ضبيتلها هداك اليوم

ريم : طيب بدي اكمل، منتي عارفة غرفة قصي لحالها بدها اسبوع

ديمة : كبيله كل اشي قدامك هههههه خليه يمشي يحكي مع حاله

ريم : بحط رسالة فيها اسمك خليني اشوفك شو رح تعملي

ديمة : هههههه شريرة، يلا بلا ما ااخرك سلمي عليها

 

سهى : الحمدلله ربنا بكسر وبجبر

ريم : شفتي انبسطتلها والله، وبنتك طلعت مربية وخير ما عملت

سهى : ما احلاها وما تطلع مربية بدك ابوكي يصير في اشي لا سمح الله

ريم : من غير شر عنه، ربنا يديمه ويديمك فوق راسنا

سهى : المهم شوفيلي اخوكي شو قصته هالفترة مو عاجبني

ريم : ليكون سعاد عاملة اشي معه ؟

سهى : الله يستر، منا مشان هيك بحكيلك، ديمة واقفة معها وبتحبها ما بدي تكون عاملة اشي غلط بالولد وتوقف معها

ريم : اشي غلط متل شو ؟ ههههه ضحكتيني ماما

سهى : كان ناقصني انتي هلا تيجي تتمسخري

ريم : ههههه اسفة، خلص بس يجي بتفاهم معه

سهى : لا اوعي مو اليوم احسن ما يفكرني انا حكتلك، انتي هيك من حالك بقعدة رواق

ريم : مع فنجان قهوة وحبة شوكولا وعلاء بخليه يعترف مزبوط ههههههه

سهى : والله شغل تحقيق ابن اختي، كان درس قانون البقله

ريم : شفتي

 

_________

_______

 

آيات : ماما تعالي معنا

عمر : عمتي ما بروح بلاكي

منى : الله يرضى عليكم، بس بلا ما احرجها خليها براحتها احسن

ابو احمد : يا بنت الحلال والله ياسمين ما في منها انتي بس تعالي وهي لحيتي اذا ما سلمت عليكي

منى : لا لا خلص روحوا وسلموا عليها

امجد : …

انس : اضل عندك ماما ؟

منى : لا حبيبي روح معهم بتغير جو، انا هيني بتسلى بهالبيت وبضبضب براحتي

امجد : يلا يا جماعة رح نتاخر

آيات : افت، نفسي تحكي اشي مفيد

عمر ( زورها ) : احكي منيح مع اخوكي

امجد : خدلك، عاساس يعني

آيات ( مو عاجبها ) : ناقصتكم انتوا الاتنين هلا، زينغو ورينغو

انس : ههههههه

عمر : ماشي بتموني، يلا تفضلي

ابو احمد : ديري بالك على حالك، ما بطول ان شاءالله ساعة زمن وبرجع

منى : بالعكس خد راحتك وانبسط

انس : طيب اعمليلنا اشياء زاكية هههه

امجد : لا اله الا الله، خلصنا انت الثاني عقلك بكرشك

عمر : كلامه مفيد عالاقل، في فايدة للوطن والمواطن

آيات : ههههههه

امجد : ولك يخرب بيت اليهود على طول بتقلب عليي

 

////

 

سهى : يلا يا قصي خلصني

قصي ( باللبناني ) : جايي يا امي انطريني دقيقة بس

ابو قصي : استغفر الله العظيم، والله لو وصلتك الا اقطع لسانك وارميه للكلاب

قصي : الله يسامحك يا  بيي، روقنا دخيل قلبك

سهى : ههههههه يقطع شرك، غلبت البنات

قصي : شو بدنا نَعمُل، الحمدلله يا ربي هيهيهيهي

ابو قصي : طيب امشي امشي الله يهديك ويعين اللي رح تنبلي فيك

 

ريم : يلا هي طلعوا

علاء : جهز العريس

ريم : ههههههه

ابو قصي : سامحنا عمي تاخرنا عليك

قصي : دايما مغلبينك يا صهري، بس اهلي بحبوا يريحوني من السواقة

علاء : ههههههههه

سهى : السهرة مبينة من اولها، جنن ابوه وهو بحكي لبناني وساعة لما جهز حاله

ريم : رايح يقابل ياسمينته نسيتي

علاء : والله !

قصي : بدينا بالنكش

ابو قصي : اذا انا مشتاقلها هههه ابصر شو مجهزيتلنا عالسهرة مقالب اليوم

سهى / ريم : ههههههههه

علاء : يا حبيبي يا احمد

قصي : اهئ اهئ

علاء : جايين جوز المهابيل اصحابك ؟

قصي : اكيد لك يا خيي، ما بجوز السهرة بلاهن يؤبروني

ريم : عناصر مهمة ماشاءالله

سهى : هههههه الله يحميكم كلكم، احلى السهرات والقعدات معكم

علاء : بس ان شاءالله ما تكون شارب قهوة او ماكل بيض مثلا

قصي : نزلني نزلني بطلت اروح

ريم : ييييي علينا خلص علاء مرقلنا اياها اليوم

علاء : لا خليه ينزل اشوف ( لف وجهه وخبطه بمزح ) يعدمني اياهم الهبايل

قصي ( بتباكي ) : اهئ اهئ اهئ، خلص اخر مرة مشان الله يا علاء دخيلك سامحني

سهى : ههههههههه

 

////

 

غنى : يلا بابا انا جاهزة

ابو عدي : كيف بدنا نترك امك ؟

غنى : مو عارفة، طلبت منها اضل ما قبلت

ام عدي : عادي مو مشكلة هلا بنام وبرتاح، بلا ما احرمها الروحة حرام زمان ما شافت حدا

ابو عدي : براحتك، ما بنتاخر عليكي ان شاءالله

ام عدي : ولا يهمك، سلم عليهم

 

كنت حابة ماما تيجي مشان تشوف عمر وآيات، لانها كتير مشتاقيتله بس مو قادرة تحكي معه بما انها لسا ما وافقت على خطبته من آيات ..

بس للاسف الها كم يوم مفلوزة واليوم زاد مرضها، وتعبانة، ففضلت انها تبقى بالبيت ..

 

////

 

ام بيان : يلا خلصيني كل هاد لبس

بيان : هيني خلصت

ام بيان : ولشو كل هالتزبيطات ؟ رايحة على عرس

بيان : لا عادي انا هيك حابة، شو المانع

ام بيان : بلكي حدا علق عليكي من الشباب ما انتي عارفتيهم وابوكي هلا بفضحنا بفكرني انا سامحتلك

بيان : يا ربي خلص اتركوني ارتاح شوي، احكيلك ما بدي اروح خلص

ابو بيان : مال صوتك طالع ؟ ( نظرة من فوق لتحت ) شو هاد ؟ وين جلبابك ؟ وشو حاطة على وجهك ؟ بابا بيان من متى احنا هيك بنطلع !!

بيان : جلبابي شلحته، وحياتي حابة اعيشها براحتي لو سمحتوا

ابو بيان ( عصب ) : انا ما عندي بنات يعيشوا براحتهم بهيك اسلوب، الدلال اللي انتي فيه زاد عن حده وصرتي تستغليه بطريقة غلط، تفضلي غيري لبسك واحنا بانتظارك لحد ما تجهزي

بيان : … لا ما بدي اروح

ابو بيان : ما تحلمي، بدك تروحي بكفيكي هروب، كل لمة بتختفي وما بتروحي ولا بتشاركي بمناسبات، عماتك بسالوا عليكي وبحبوكي وبناتهم صحباتك، يلا بدون اي كلمة زايدة اعملي اللي حكتلك اياه فورا

 

////

 

نهى : رح اتضلي لحالك ؟ كيف رح ارتاح بقعدتي

ابو علاء : تعالي بابا انتي معنا

سيرين : معلش بابا انا مو حابة اروح ولا اشوف هديك المنطقة، بعدين بخاف يكون موجود ويعمللنا مشاكل قدام العيلة

نهى : مشاكل !

سيرين : قصدي متل ما اجا عالبيت وشافني والكلام اللي حكالي اياه

ابو علاء : طيب، سكري على حالك الباب منيح واحنا بنضل على تواصل معك

سيرين : بابا لا تقلق مو اول مرة بضل بالبيت لحالي، لا تخاف

نهى : الله يحميكي ويهدي بالك، يلا سلام بنحاول نيجي بدري

سيرين : الله معكم، سلموا

 

ديمة : ضليتي لحالك يعني ؟

سيرين : صوريلي كل اشي فيديو ههههه

ديمة : اه صح نسيت انه سهرة تجمع النجوم كلهم اليوم ههههه

سيرين : اخ شو اشتقت لهيك قعدة يا حسرتي على حظي المنيل

ديمة : الحمدلله، لعله خير سيسو حبيبتي ربنا اعلم منا

سيرين : ونعم بالله، سلمي على ياسو وآيات

ديمة : بوصل، يلا باي

 

////

 

ابو امير ( فتح الباب ) : يا مرحبا نورتونا تفضلوا

ابو ماهر : اول الواصلين احنا

هيثم ( عالدرج ) : واحنا هههه

مها : اهلا، وين مرتك ؟

هيثم : بتستنى بالمصعد

ياسمين : خالووو

هيثم ( ضمها بقوة ) : ياسمينتي الحلوة الحمدلله على سلامتك

احمد ( عالتلفون صوت وصورة ) : ممنووووع البوس ابعد ابعد

ابو امير : هههههه

هيثم ( ببوسني جكر ) : اذا انت شاطر هسة تعال امنع، يمة عالزكاوة زمان عنك يا بنت

احمد : ماشي يا هيثم اخرتك توقع بين ايدي

رانيا : الحمدلله على سلامتك ياسوو حبيبتي

ياسمين ( بتصنع ) : رنووشتي الله يسلمك

هيثم : وين مخبية الببو ئي، شو هاد مانع عنك الاكل احمودتك ؟

احمد : اخص عليك

مها : ايوا جننوه هلا، لا ترد خالتو والله بالعكس كتير مبين عليها بس همة بتخوتوا

هيثم : اه خالتو لا ترد، طيب يا مها خدي راحتك

ابو امير / احمد : هههههه