مذكرات عاطفية ( 2 الحلقة الثلاثون ) - سلسلة ياسمينة الروح
مذكرات عاطفية ( 2 الحلقة الثانية والثلاثون ) - سلسلة ياسمينة الروح
الحلقة الحادية والثلاثون
” من لا يستطيع التميز، سيستمر في النقد والثرثرة ” ..
______________________
___________________
أبو بيان ( تنهد ) : وهاد اللي صار
أبو احمد : لا حول ولا قوة الا بالله .. خلونا يا جماعة نحدد موعد اخر الأسبوع اذا الله راد نروح نطلب هالبنت ونتمم هالقصة اللي الها سنين .. شو رايك يا ام احمد ؟
منى ( مرتبكة ) : انا شو بده يكون رايي معقول اعارض
نهى ( بتضحك ) : قبل شوي سهى بتحكيلها خديه على بيتهم على اساس تشوفيله عروس وخليه يتفاجا
أبو قصي : كان اعطى المحاضرة وطلب ايدها على طول بعد ما فرغ اللي بقلبه
ام ماهر ( بحزن ) : يا ويل قلبي عليهم كد ما تعذبوا
ام بيان : الحمدلله على كل حال .. نصيب
سهى ( حضنت ام بيان ) : الحمدلله حبيبتي اكيد ربنا كاتب الخير بكل خطوة بحياتنا بس ما بنعرفها الا بوقتها
أبو ماهر : استشير ابنك واحنا بنسال بنتنا وان شاءالله ما بكون حدا زعلان بعد اليوم
أبو علاء : الله يطول عمرك وان شاءالله بنضل نجتمع بالمحبة دايما
علاء ( بمزح ) : ابوي متحمس اكثر من يوم خطبتي
نهى : انت ما كنا بدنا نخلص منك هههههه
////
امجد : شو اسويلك يعني ؟ اشوفهم قدامي واضل ساكت
ام عدي : وانت كيف عرفت انها اتطلقت ورجعت ؟
عمر ( كاتم ضحكته ) : صحيح كيف عرفت وله ؟ طلعت عنجد محقق وما حدا داري
امجد ( بخبث ) : سلامة رجالي الاشاوس ما بهدالهم بال ولا بغفالهم جفن وانا قلقان
عمر : هيهيهيهيهي
ام عدي ( مبتسمة ) : والله ما انتوا قلال .. على كل حال انبسطت كتير باللي عملته ومن يوم يومك صاحب موقف وانا ياما حاولت والله بشهد عليي اني حكيت مع بيان لترجع بقرارها
امجد ( بالم ) : احنا الاثنين اتدمرنا وكله بسبب عنادنا .. ما كان لازم نوصل لهاي النقطة
عمر : … خلص اتركوا كل اشي للايام، كل واحد باخذ نصيبه، خلوني اعرف افكر كيف احكي لعمتي هسة عن آيات
ام عدي : اه والله
////
انس ( معصب ) : اخونا عمره ما بتغير، واليوم حكيتله هالكلمة
هيثم : روق ما صار اشي خالي هي رجعت على البيت
احمد : القصة مو برجعته عالبيت .. بس فعلا امجد مخبي اشي علينا
هيثم : معقول بعرف عن بيان ؟
انس ( مرتبك ) : … الله اعلم
احمد ( عيونه على تلفونه ) : هاد حمزة زهقني قد ما رن
هيثم : وانا رن عليي كثير وما رديت
انس ( مستغرب ) : طيب ردوا في اشي يعني ؟
احمد ( بلا مبالاة ) : كمان شوي بحكي معه
////
غنى : سمعتي ؟بيان : لا شو في ؟
ياسمين : عمي قال لاخر الأسبوع ان شاءالله بيجوا عشان يطلبوكي ؟
بيان ( مصدومة بفرحة ) : وامجد حكاله موافق ؟
سيرين ( بتقلب نظرها علينا ) : يعني ازا انتي كمان موافقة اكيد رح يوافق، ضل فيها رفض مثلا ؟
بيان ( غمضت عيونها بالم ) : مستحيل يوافق بهالسهولة .. شو بده بوحدة كان يحبها بس كل ما يقرب
عليها رح يتزكر مع مين كانت ووين ؟؟
ديمة : غلطانة .. لو كل واحد بده يفكر هيك ما كان حدا تزوج بعد انفصاله، شو تحكي رانيا كل ما تقرب من خالو بدها تتزكر انه كان مع زينة ؟
بيان : بس انا وامجد غير
غنى : … انتي ادرى، فكري منيح بقرارك وتعلمي من دروس حياتك اللي مرقتي فيها اكيد ازا رجعتي تسرعتي ما رح يكون لصالحك
ياسمين : طيب فهميني شو عملك لحتى تتركيه ؟ بلكي قدرت اساعدكم تتجاوزوا هيك مذكرات
////
مها ( بقلق ) : ما فهمت مالها آيات ؟
اسيل : ولا انا مو فاهمة بتقلي ياسمين تزحقلت بمي واخدوها على المستشفى، بس شو صار بعدين ما حدا
بعرف
مها : يا الله ! ان شاءالله خير يارب وما يضرها .. طيب بعدهم قاعدين عند سهى ما حدا روح ؟
فرح : احنا وانس وامجد ورنين وطارق
اسيل : وازا دار خالو محمود راحوا فاكيد السهرة مكملة
مها : معقول منى الها نفس تسهر وتقعد وبنتها بالمستشفى ؟
فرح ( بخبث ) : هلا انه تسهر وتنبسط اكيد بتكون قلقانة وبتستنى خبر من عمر، بس الها نفس او لا فهالاشي برجعلها، يعني عادي هي انتي سهرتي وانبسطتي مع دار اخوكي وبنفس الوقت بنتك زعلانة منك هية وجوزها واخوانه وماخدين موقف اكيد
مها ( انصدمت ) : … طيب
اسيل ( مكملة ) : يا حبيبتي ياسمين قال ركضنا نعطيها الاكل، ولا اتطلعت عليه
فرح : ما الها نفس أصلا مبين عليها مو ماكلة اشي وكان وجهها مخطوف لونه شفتي ( غمزتني )
مها ( انقهرت ) : لا تخافي عليها بتاكل اكتر مني ومنك، كمان شوي احمودتها بدلعها وبطعميها بايده وبنسيها الدنيا كلها
اسيل / فرح : ههههههههههه صح
////
هيثم : هههههه كمسركوا يعني ؟
انس : انقطع نفسي لما اتصلت فرح علينا
احمد : معقول شكوا فيكم ؟
هيثم : لا اكيد ما رح يشكوا ( غمز احمد ) الا اذا كانوا بوضعية تثير الشك
احمد : هههههههه لا مستحيل انس يعمل اشي غلط، تربايتي هاد
انس : على أساس انت ما بتعمل اشي غلط، ناسي حالك لما حملتها وغنيلتها يا حبيبي
هيثم : ههههههههههه يمة يا حبيبتي وناوي تقلده يعني ؟
احمد ( بضحك ) : ولك كانت خطيبتي السابقة وما النا كم شهر تاركين يعني عادي وضعنا طبيعي .. بعدين وقعت وسندتها افهموا عاد
انس ( بمسخرة ) : يسعدلي الطبيعي، المهم شوف وين اخوك بعده ما رجع لحد هسة
هيثم : صحيح ماله تأخر المفروض يكون واصل قبلك
////
امجد : يلا تصبحوا على خير
عمر : حبيب قلبي تلاقي خير، شكرا امجوووود
ام عدي : الله يرضى عليك ويوفقك
امجد : تسلمي .. الله يطمنكم ويطمنا
هيثم : كانه في صوت سيارة
انس : احمد اطلع شوفه اجا
احمد ( بضحك ) : اليوم خلصت الامتياز مو البورد وله
////
حمزة : مسا الخير يا جماعة سامحونا على الازعاج، يلا سيرين جاهزة ؟
سيرين : انا جاهزة زمان
أبو قصي : اقعد نشوفك شوي هينا سهرانين
حمزة : والله ما بدنا نزعجكم اكثر، ريته مبارك قصي حبيبنا
قصي : يبارك فيك يا احلى حمزة على الساحة
حمزة ( بضحك ) : يسعدك .. شو حبيبتي انبسطتي ؟
سيرين ( بدلال ) : مستحيل انبسط وانت مو معي، وكل شوي احكي هلا بتيجي وما اجيت
حمزة : يا عمري والله حبيت اتركك براحتك
قصي ( بمسخرة ) : الله وكيلك زهقتنا كل شوي تعيط ووين حموزتي وتاخر وانشغل بالي عليه ( بقلب نظره علينا ) وانا كل شوي احكيلها خلص اعتبري حالك نازلة عند خالتي مها
حمزة ( بضحك ) : اه هيك لازم تنبسطي حبيبتي مو لهالدرجة يعني
سيرين ( بخبث ) : بس والله مو عارفة كيف احكيلك هالشغلة، قال بده عمرو تتوحم عليه مرته وقلتلهم ما بعرف ازا ابوه رح يوافق لانه ما بعرف يقعد بلاه
الجميع ( مصدومين ) : هههههه
حمزة : طيب علقوا صورته عندكم
رانيا ( بتضحك ) : او نيموها بالنص بينكم
نهى : ابن سيرين هاد مفعوله على طول بجاوب
حمزة : واحنا بناخذ مهند معنا تتوحمي عليه حبيبتي
الجميع : حامل ؟
سيرين ( بثقة ) : لا .. بس شكله غيران من ابن اخوي
ريم : هههههه معه حق
حمزة : الله وكيلك موبايلها كله صور وفيديوهات لمهند اكثر من أولادها
سيرين ( بتسبل عيونها ) : بحبه كتير بكفي انه بشبه بابا
أبو علاء ( مبسوط ) : الله يرضى عليكي يا حبيبة بابا انتي
علاء : والله فعلا بشبهه حتى امي بتحبه كثير هسة عرفت شو قصتها دايما بتبوسه
الجميع : هههههه
نهى ( خجلت ) : ببوسه لانه حفيدي لا تخلط المواضيع ببعض
منى : شو مالك استحيتي عيب يعني ؟ خليهم يغاروا اه بتحبيه وبتبوسيه
سهى : خدي الثقة من اختك دايما يحيى عندها ههههه ودلال غير شكل
أبو احمد : عقبال عندك ان شاءالله بالحفيد المنتظر يارب
أبو قصي : عاد ابصر قصي شو بده يسميه ؟!
غنى : اكيد على اسمك عمو .. ولو بدنا نلاقي احلى منه يعني ؟
قصي : يسعدلي العسل اللي لسانه بنقط حلاوة ( اموااااه )
ريم / ديمة : ههههههه انفعل اخوي
أبو عدي : والله البنات دايما بكشفوا كل الاسرار، كانت غنى تلمح على أمها انه بتحب ماهر وبتبوس ماهر بالعامد طلعت غشيم انا ومسكين
عدي / ديمة / غنى : هههههه
أم ماهر : يا حبيايبي الله يحميهم كل اولادكن يا ستي بفضوا البال
البنات : تسلمي يا ستي
////
امجد ( ملزق بانس وببوس بخدوده ) : مرقلي إياها بس اليوم .. حبيب قلبي انت
انس ( معصب ) : قوم من عندي ولا تحكي معي
احمد : طيب بس فهمنا وينك لهسة ؟
امجد ( بحسرة ) : لو تعرفوا بس … والله ما بتتخيلوا كانه فيلم
هيثم ( بقلق وعيونه على احمد وانس ) : صار اشي ؟
حكيتلهم كل اشي عملته ..
هيثم / احمد / انس ( بصدمة ) : وشو حكالك ؟
امجد : هون الجزء الثاني من القصة، لسا ما لحقنا نتفاهم الا نشوف هالشوفة
كملت شو صار مع آيات، والسر اللي لحد هسة ما حدا عرفه ..
احمد ( بالم ) : مسكينة هالبنت ما الها حظ والله
انس ( الدموع بعيونه ) : حبيبتي الله يقومها بالسلامة
هيثم : لا حول ولا قوة الا بالله، كانه فيلم فعلا .. كيف وضعها هسة وكيف عمر وليه ما حدا حكى معنا ؟
////
عمر ( ضميت عمتي بقوة ) : …
منى ( بترجف ) : بس فهموني شو صار معها وينها ليه ما اجت ؟
عدي ( شدني لعنده ) : اهدى شوي عمر اقعد هون تعال
ام عدي ( بتمسح دموعها ) : القصة وما فبها انه طلعت حامل وكانت مخبية عشان تعمل مفاجاة لعمر، بس سبحان الله صار اللي صار
أبو احمد ( بخوف ) : وبعدين ؟
أبو عدي : بعدها حامل يابا ؟ احكوا مالكم سكتوا
عمر ( بهز راسي بالم ) : اه الحمدلله بس وضعها تحت المراقبة لبكرا
الجميع : الله يتمملها على خير
حمزة : اخذتوها على مستشفى ثاني يعني ؟
عمر : الله يجزيك الخير حبيبي أبو عمرو ما قصرت انت وصاحبك، بس انجبرنا نروح على مستشفى ( .. ) عشان قسم النسائية
سيرين : الله يقوملك إياها بالسلامة وان شاءالله بتعملّك احلى مفاجاة بس تجيبلك ولي العهد ههههه
عمر : اسكتي لاوصلك
البنات : هههههه
ام بيان : الحمدلله اللي كان امجد واخدكم، كان منظركم بنشف الدم
ام عدي ( تبسمت ) : يا عمري بيان الله يهدي بالك انبسطت انه امجد شافك والله مسكين حالته صعبة وحاولنا نهديه
بيان ( بلعت ريقها ) : …
أبو احمد : ان شاءالله بس نتطمن على آيات ونسمع راي العرسان بنقرر شو بصير
منى : خلي إلين معي لحد ما تطلع أمها ماشي ؟
عمر : مثل ما بدك
ياسمين : اكيد خالتو، بس سيارة عمو هي مفتاحها وانا كيف اروح لحالي ؟
علاء : هسة بنلاقيلك احلى حل بس انتي هدي اعصابك ههههه
ياسمين : هي احمد برن منيح اللي لسا متزكرنا والله
الشباب : هههههههه
////
مها : ليه مو جاييك نوم لهلا ؟
زياد ( بفكر ) : فرح صاحية ؟
مها ( عقدت حواجبها ) : ما بعرف .. شو مالها ؟
زياد : الشب اللي شفناه اليوم على طول عرفها وهية طبعا عرفته
مها : هههههه ضحكتني
زياد : مها جد بحكي، كانت عيونهم بتحكي حسيت في اشي غريب واحمد زورها وحكالها تروح على السيارة
مها : وردت عليه ؟
زياد ( مطنش ) : افهميلي منها مين بكون ؟ يعني بتعرفه بالجامعة مثلا او وين ؟
مها : حبيبي هاد صاحب انس اللي دايما بطلع بوجهها كل ما نكون مجتمعين، فاكيد بكونوا عرفوا بعض
زياد : يعني اعجبوا ببعض من ورا هالكم مرة اللي شافوا بعض فيها ؟
مها : هههههههه اعجبوا ببعض ؟ حب من اول نظرة مثلا !
زياد : على راي ياسمين لا تتخيل فرح واسيل يتزوجوا تقليدي
مها ( بقهر ) : شايفتك صاير تمشي الحيط الحيط ويا رب السترة مع بناتك، الله يرحم أيام عقابات ياسمين وبهادلك
زياد : عمري ما عملت معها اشي الا لمصلحتها ومن محبتي وخوفي عليها، والحمدلله كل العيلة بتحبها وبتشوفها احسن البنات مشان هيك ما بندم على اشي ودايما بحب أكون الرجل المناسب بالمكان المناسب
مها : … تصبح على خير لازم انام
زياد : وانتي من اهله
بتمنى يكون كلامي اثر فيكي شوي وحسيتي بندم على كلامك مع ياسمين وابنها اليوم، ما قدرت اروح واشوف الكسرة بعيون بنتي قدام عيلتها ..
بس معقول اتطول هالقصة بينها وبين بنتها ؟، او رح تعمل اشي حلو وتفاجئيني مها ؟! ..
////
احمد : روحتوا ولا بعدكم ؟
ياسمين ( مقهورة ) : لهلا ما رجعت على البيت ؟
احمد ( بنبرة حادة ) : انا بالبيت من زمان، بسال عنكم سامعتيني ؟
ياسمين ( ببرود ) : لساتنا ما طلعنا
احمد : ممتاز .. جيبي معك مرت خالك وأولادها لانه لساته عندي بما انه امجد رجع المفتاح لابوي
هيثم ( بضحك ) : اما شو هالبيت يا خالي اشي بفتح النفس دخيل اللي خلقك انا، فعلا انك اسم على مسمى
ياسمين ( بخبث ) : هيني جاية خالو جهزلي طاولة عشان نلعب الصراحة الليلة
الجميع : هههههه وقعت يا هيثم
هيثم ( بحزن مصطنع ) : سامحيني ياسمينتي بعرف الخيانة صعبة بس بوعدك آخر مرة اخونك
ياسمين ( تنهدت ) : … تعودت
هيثم : للامانة هاي اصعب مرة، يعني حتى موضوع سفره كان اهون عليي ههههههه
ياسمين ( بفرح ) : يعني ما بده يسافر ؟
هيثم : لا لا اشي مختلف تماما
احمد ( بغير الموضوع ) : يلا حبيبتي لا اتطولي اكيد الأولاد ناموا او نعسانين كثير
ياسمين ( مكشرة ) : هيني جاية
حمزة ( مصدوم ) : احمد وهيثم مع بعض يعني ؟
سيرين : اه طلعوا على مكان بس بسيارة خالو وترك سيارته احمد لياسمين
حمزة ( بقهر ) : وبرن عليهم الاثنين مشان اخبرهم عن آيات ما حدا برد ليه ؟
الجميع : ….
أبو احمد : بكونوا منسجمين بالحكي ومو منتبهين لتلفوناتهم اكيد عمي مو بالقصد
رانيا : هيثم على الاغلب بكون تاركه بالسيارة لاني كنت ابعتله واتس وما يشوفه لحد الان ما شاف اشي والله
حمزة ( نبرة حادة ) : بكل الأحوال كنت بس بدي اتطمن عليها مو عشان اثقل دمي
سيرين : مين قال انك هيك ؟ اهدى حبيبي اكيد مو قصدهم متل ما قال عمو
////
هيثم ( ضرب على راسه ) : معقول حمزة سمعنا ؟
احمد : ويسمعنا شو يعني ؟
امجد : انتوا ليه مطنشينه ؟
هيثم : انا تلفوني بالسيارة كان، بس احمد نبه عليي ما ارد على حدا ابدا
احمد : منطق مثلا يحكي معنا ويعرف انه طالعين وما نقله تفضل ؟ وانا كنت طالع معك لموضوع خاص ومو حابب حدا يشاركنا فيه .. وصلت المعلومة ؟
انس : اكيد حقك
هيثم : بس قلبي حاسسني انه في معلومة أخرى ههههه
امجد : وانا كمان
احمد ( بنبرة جدية ) : يا زلمة انا بديت اقرف من هالموال، عامل فيها جاسوس على بيت خالتي وكل اشي بروح بحكيه لوائل .. مثل اللي صار اليوم اكيد حنين ما حكتله فبكون عنده فضول يعرف مالها متدايقة وما اله الا الجار اللي بعرف كل الاخبار
امجد ( بمسخرة ) : من طولة لسان اختك اللي كل اشي بتحكيله إياه
هيثم : كل النسوان نفس العمايل والله .. بجيبوا وجع راس لرجالهم على الفاضي
انس : بس هي حنين ما بتحكي لزوجها، بروح بدور على مصادر أخرى
احمد : مو دايما هيك وائل، المشكلة انه حمزة عن طيبة قلب بحكي وعديلي استغل هالنقطة عنده
////
غنى : انا تعبت كتير ضروري نرجع على بيتنا هلا
قصي ( برومنسية ) : انا وضعي لا يوصف بس كله بهون قدام هالعيون الذبلانة، تعالي احملك بلا ما تنزلي الدرج
علاء / عدي / عمر : لا حول ولا قوة الا بالله
سهى : يا الله الغيرة بس، شو دخلكم فيهم ؟
منى : الحمدلله امجد مو هون احسن ما يهزأه ويمسح فيه الدرج
البنات : هههههههههه اه والله
قصي : هيهيهيهي باي ماما باي بابا باي خواتي
أبو قصي / سهى : ههههههه الله معك
نهى ( مخنوقة ) : الله يهدي بالكم ودايما تضحكوا، انا مو مرتاحة ابدا
رانيا : معك حق حمزة زودها اليوم، بعدين مو معقول يحشر حاله بكل اشي مدام حضرته ما اجا من البداية ما بطلعله يدقق .. كل واحد حر بحاله
أبو علاء : هو من عشمه بس حكى هيك
رانيا ( بعصبية ) : ولو، انا ما بحب حدا يفرض عليي او على زوجي اشي .. يعني انا مرته وما عم يرد عليي معناها الوضع مو مناسب عنده ابدا وما زعلت لاني متعودة عليه
ياسمين : طيب انا أصلا ما استرجيت ابعت او ارن على احمد
علاء : شو رايك انه احنا كمان انصدمنا ؟ بس ما حبينا نعمل مشاكل، يعني طلعتهم صراحة مو حلوة
ياسمين : امانة علاء مرقله إياها اليوم لاحمد، بكفيه انا ومشاكلي ووجعة الراس اللي بتيجيه مني مسكين ما عم يلاقي مجال يفكر بحاله حتى
أبو احمد ( مصدوم ) : لمتى رح اتضلي هيك يا عمي ؟ شو مالك انتي شو عاملتيله من غير شر ؟ والله ما في منك
ياسمين : … تسلم
_________________________________________
” نحتاج إلى روح واحدة فقط تهتم لأمرنا وسعادتنا ! “
لما تركوني وراحوا، ما بعرف شو اللي صابني كنت منهارة ومكتأبة وابواب الدنيا كلها تسكرت بوجهي ..
آيات ( بصوت ضعيف ) : ماما
منى ( بلهفة ) : صحيتي يا امي الحمدلله على سلامتك ( بتبكي ) انتي منيحة ؟
بحاول اهدا مشان امي وما اقلقها عليي، بس بنفس الوقت بدي مين يكون معي ويجبر خاطري ..
آيات : ليه صوت إلين بتعيط ؟
منى ( متوترة ) : لا بس نقزت من رنة التلفون، هلا برجع انيمها لا تقلقي
آيات : عمر وين ؟
منى : راح على بيت اهله ما خلوه لحاله
آيات : … وكيف كان ؟
منى : قلقان عليكي وزعلان وما بتحاكى والله، الكل والله قلبهم عندك يا عمري الله يقومك بالسلامة
آيات : الله يسلمك ويسلمهم .. كنت حابة احكيلكم بظروف احسن من هيك، بس انصدمت من خبر غنى خايفة هلا يفكروني غيرانة منها وخربت عليها المفاجاة
منى : شو هالحكي ؟ ما حدا بفكر هيك اتطمني وكل وحدة الها ظروفها وحياتها الخاصة
////
ياسمين : كانها إلين صوتها بتبكي ؟
احمد : اه والله سامعها، شكلها امي مو قادرة تسكتها واخواني نايمين
ياسمين : روح جيبها طيب انا بنيمها عندي
احمد : اه والله كنت هيك رح اقلك
////
ديمة ( بحزن ) : وبعدين ؟ بدك اتضل صاحي يعني
مراد ( بعصبية ) : بدي إلين، حرام نتركها أمها مو معها انا بهتم فيها
ديمة : قلتلك تيتا منى اخدتها يعني مهتمة فيها، انت نام هلا وبكرا بنروح نشوفها شو رايك ؟
مراد ( مزعوج ) : …
عدي ( فتح عيونه ) : بعدك صاحية ؟
ديمة : … هيني بدي انام
عدي ( شديتها لعندي ) : شو مالك ؟
ديمة ( تنهدت ) : مراد كتير متدايق وبده إلين تيجي عنا يهتم فيها
عدي ( مصدوم ) : نعم ؟ ماله هالولد عمره خمسة ولا خمسة عشرة ؟
ديمة : هههههه ما بضمنلك على الخمسة عشرة شو يكون وضعه
عدي : اما جيل !!! .. الله يعينا على الترباية
ديمة : امين
عدي ( غمضت عيوني ) : اهتمامه فيها غريب، معقول اشي طفولي ؟
ديمة ( التفتت عليي ) : بهالمرحلة ما لازم نفتح عيونهم على اشي اكتر من هيك، يعني بطريقة تعاملنا بنخليهم أطفال او لا، برايي ما نعطي الأمور اهتمام حتى ما يوعوا على أشياء اكبر من عمرهم
عدي : شفتي كلام سلمى اليوم ؟
ديمة ( تنهدت ) : هاد كلامي انا وامها سمعتنا مرة واحنا نحكي وبتعيد فيه، مشان هيك بقلك ما في داعي نفتح عيونهم
عدي : اممممم صح، وجهة نظر
////
عمر ( بلهفة ) : آيات ! صاحية حبيبتي ؟
آيات : قبل شوي صحيت، اشتقتلك ( بتبكي ) سامحني حبيبي
عمر ( ماسك اعصابي ) : على شو ؟ ما بدي اسمع اشي بهمني تكوني بخير
آيات : انبسطت ؟ ولا زعلت عشان خبيت عنك
عمر ( برومنسية ) : انبسطت وتفاجأت كمان، بس الله بعلم قديه خفت عليكي
آيات ( بحزن ) : الحمدلله على كل حال، لساتني ما كملت شهرين
عمر : الله يتمم وتقومي بالسلامة، المهم من هسة ورايح ما بدي مغامرات وهالحركات السريعة هاي وضعك ما بتحمل يا عمري
آيات ( بدلع ) : بدك اتدللني يعني ؟
عمر : بدي اعمل كل اشي يبسطك وبخليني اشوف بس الفرح على وجهك
كانت آيات بحالة نفسية صعبة، ويمكن انا اصعب منها بس كلامنا مع بعض خفف كثير علينا وخلانا نوعى على حبنا وحياتنا الحلوة اللي بنحلم فيها دائما ..
////
قبل ما اغمض عيوني كان عندي اشي مهم اعمله، رسالة صعب يجيني نوم قبل ما احكيها ..
امجد ( تسجيل صوتي ) : كيفك ؟ بعتذر على الازعاج بس نسيت احكيلك الحمدلله على سلامتك ونورت عمان برجعتك
بعد دقايق قليلة سمعت التسجيل، شفتها بتكتب وبتوقف اكثر من مرة ..
ما مليت من انتظارها، لكن حسيت اللهفة اللي كانت عندي قلت شوي ..
بيان : الله يسلمك، وعمان منورة باصحابها دائما
امجد : زمان وصلتوا ؟
بيان : يعني النا نص ساعة، كنت اسوق انا فوصلنا ابكر شوي هههه
امجد : يعطيكي العافية
بيان : والحمدلله على سلامة آيات زعلنا عليها كتير الله يقومها بالسلامة
امجد : الله سترها .. تسلمي يلا تصبحي على خير
كانت تكتب لما طلعت من الواتس وغمضت عيوني، ما اخذت وقت كثير حتى غفيت برغم يومي المتعب الا انه نهايته كانت من اجمل الأيام خلال السبع سنوات اللي مضت ..
بيان : ما بعرف من وين جبت رقمي او شو سبب رسالتك قبل شوي، بس امجد اللي بعرفه وعشقته متغير كتير عليي، اكيد عندك اسبابك للتغيير بس انا عندي كلمة أخيرة الك ( ما رجعت لافرض حالي عليك كمل حياتك طبيعية واعتبرني مو موجودة ازا بدك )
قرات رسالتها بعد ما وصلني الاشعار، بس بدون ما افتحها ..
__________________________________
_______________________________
امجد : فرح
فرح : نعم ؟
امجد ( بحك لحيتي ومتردد ) : الك ولا للذيب
فرح ( مستغربة ) : ازا اشي بقدر عليه اكيد خسى الذيب
امجد ( مبتسم ) : معك رقم بيان ؟
فتحت عيونها على وسعهم من هول الصدمة، ما كانت متخيلة ولا ذرة انها تسمع اسمها مني ..
فرح : شو جاب سيرتها هلا ؟
امجد ( بثقة ) : شوفي يختي يا فرح انا زلمة واضح وما بحب الف وادور وانت عارفة وما بدك حدا يحكيلك عني، بيان ورجعتها كلها وقصتها بعرف عنهم وبقدر اروح اطلب رقمها من رنين او من غيرها بس انا طلبت منك انتي لانه صرتي بنظري هسة الدكتورة فرح مو بنت صغيرة ما بتتأمن على سر، ومشان هيك حبيت هالحكي يكون بيناتنا ويضل لاخر العمر بيناتنا
فرح : انا طلعتي معك بالسيارة هلا كلها على بعضها غلط، بس لو ما بعرف مين انت وشو تربايتك ما بركب مشان هيك رح اعطيك موبايلي وانت خد الرقم ويا دار ما دخلك شر
امجد : ههههههههههه يسعدها اخت ياسمين لابد من الفلسفة بس بتبيضيها بالاخر والله انك كفو (بدور على الرقم ) طيب شو مخزنة رقمي عندك ؟
فرح : هههههه ضحكتني شو بدي اخزنه يعني ؟ محراك الشر امجد
امجد : بتموني
////
لما امجد طلب مني رقم بيان، بعد ما لمح انه جايني عريس قدام الكل حسيت انه رح يكون سند الي لو معاذ طلبني بهالفترة ..
امجد اثبت انه شخص يعتمد عليه، وفعلا ما بنقدر نستغني عن شباب عيلتنا لانهم بعمرهم ما خذلونا لما نحتاجهم ..
فرح : وانت بتمون ولو .. المهم ناوي ترجعلها ؟
امجد ( باهتمام ) : انتي شو رايك ؟ لو كنتي مكانها بترجعي لواحد ترجيتيه كثير انه يرجعلك وراح تزوج غيرك ؟
فرح ( صغرت عيوني ) : نعم ؟ ليه من الأول اترك حبيبي أصلا شو ما كان عامل معي وقدرت اني اطلب منه يرجعلي بعد ما تركته معناها مو عامل اشي كبير يكون عائق لرجعتنا سوا .. بيني وبينك بتستاهل اللي عملته فيها بس انا قلبي معها كان وقت عرسها ما بكيت على حدا متلها
امجد ( بضحك ) : ولك طلعتي بتحللي وبتفهمي يا بنت، شايفة كيف نظرتي الك على طول قلتلك انتي صرتي الدكتورة فرح
فرح ( كاتمة ضحكتها ) : شكرا
امجد : يلا عقبال عندك بدكتور يكون مثل ما بدك ويحبك وما تتركوا بعض ابدا
وبما انه فتح الموضوع، قلت بستغله ..
فرح ( مبتسمة ) : ضلك فاول عليي هههه، شو هالحكي اللي حكيته اليوم عني ؟ قربت وما بعرف شو
امجد ( ضحكة خبيثة ) : انتي قلتيها بفاول عليكي
فرح : بصراحة امجد انا حاسستك بتلمح على اشي، فاحكيلي بصراحة مشان اتضل علاقتنا شفافة وضمن إطار المصداقية
امجد ( فرط ضحك ) : ههههههههههههههههه إطار ؟ ولك ضحكتيني من قلبي ههههههههه الله عليكي يا فرح متى كبرتي انتي ؟ شو اخر كتاب قراتيه
فرح ( مزعوجة ) : خلص اسكت يلا نزلني هون احكي مع اخوك يوقف السيارة
امجد : والله اخوي لف فينا شوارع المنطقة، كله فدى عيون اسولة
فرح : والله الاتنين واقعين وما تسمى عليهم، يا رب يا رب يجعلهم من نصيب بعض
امجد ( نص ضحكة وعيونه بعيوني ) : عقبالنا كل واحد ياخد اللي بحبه
فرح ( بخجل ) : امين بس لما الاقي اللي بحبه بالاول
امجد : بتلاقيه ان شاءالله بس ركزي شوي والبسي نظارات عشان تشوفيه بسرعة هههههه
__________________________________
_______________________________
انس : مالك بتضحك وانت نايم ؟
امجد : …
انس : الله يعوض على اهلك
////
ياسمين ( بحنية ) : حبيبتي والله بكرا ماما بتيجي انتي نامي وبس تفتحي عيونك بتلاقي ماما اجت
إلين ( بتبكي ) : بدي انام جنب ماما متل كل يوم
احمد ( ببوس فيها وبحضنها ) : طيب عشان ماما اليوم مريضة ممكن خالو يغنيلك وينام جنبك ؟
إلين : … ( هزت راسها بالإيجاب )
احمد ( بضحك ) : يا سلام نيالي انا وافقت عليي
ياسمين ( بلعب وضحك ) : كتير منيح، يلا على النوم بسرعة بسرعة
إلين ( مبسوطة ) : خالو احكيلي قصة
احمد : والله يا خالو شكلي رح انام قبل ما اكملك القصة، انا برايي انتي تحكيلي قصة احسن
إلين ( بتهز راسها ) : موافقة
حاولنا انا وياسمين نمرق هالليلة الصعبة على طفلة مثل إلين؛ اللي مو عارفة شو صاير مع أمها ولا فاهمة اشي حواليها الا حاجتها لحضن يدفيها ويحن عليها ..
كنت اتأملها واتخيل حالي حاضن بنتي، يا ترى اللي عملته اليوم صحيح وكلامي مع هيثم رح يجيبلي نتيجة ؟ ..
ياسمين ( نزلوا دموعها ) : أديه الام مكانها ما بتعوض
احمد ( بلعت ريقي ) : الله يحفظ كل الأمهات لاولادهم
تذكرت الوضع اللي بتمرق فيه زوجتي وحبيبتي ورفيقة عمري، كان صعب عليها ما تتذكر أمها وتهيج مشاعرها بهيك لحظات ..
احمد ( شبكت اصابعنا ببعض ) : بحبك ياسمينتي
ياسمين ( مسحت دموعها ) : وانا كمان احمودتي
الله يهون عليكي يا روحي، ويقدرني اعوضك عن كل اشي ..
////
قصي ( بتاملها ) : مبسوطة ؟
غنى ( مبتسمة ) : معقول أكون معك وجنبك وما انبسط ؟ انت عمري كله
قصي ( حضنتها ) : يسلملي اللي منور حياتي وخالق السعادة بأيامي
غنى ( برومنسية ) : انت حبي الأول والأخير، من لما كنت مراهقة وانا بحبك والأيام ما نستني هالمشاعر ابدا، اليوم بيان زكرتني بكلامي انا واياها لما كنت اطير بس اشوفك وما اصدق يجي اجتماع للعيلة والتقى فيك
تجمدت بمكاني من كلامها، شو اللي حكته هالبنت ؟ كانت بتحبني !! بعمري ما حسيت هالاشي منها حتى لو نظرة، وما ترددت لاسالها ..
قصي ( مستغرب ) : بتحكي جد ؟ قصدي لاني ما عمري حسيت منك هيك اشي
غنى ( بخجل ) : ما كان لازم اعترف بهالاشي بس من السعادة لساني نطق لحاله
قصي : لا لا فهمتيني غلط، قصدي انه ما في ولا حدا بعرف بهالحكي الا بيان طيب ليه ما كنتي تحكي لخواتي مثلا ؟ اكيد فاهمة قصدي
غنى : كان صعب عليي خصوصا انه ديمة بتحبه لعدي فخفت تفهمني غلط وتحكي اني حبيت اخوها مبادلة مع اني ما عرفت عنها الا بعدين يعني بعد ما حبيتك
قصي : وكان صعب تبينيلي ؟؟ غنى انتي سمحتيلي اعمل اللي عملته فيكي تحت اسم الحب ؟ عادي عندك
غنى : مو عادي اكيد، بس كانت فرصة لاوصلك مشاعري بالحلال وبدون تلميحات، بعدين شو ناقصني لتحبني !!
قصي ( بالم ) : والله مو ناقصك غير عقلي اللي كان بعالم آخر، شو اعمل لانسيكي وتسامحيني ؟
غنى : ممنوع نتزكر أي اشي خلص انتهينا، وامك صار عندها علم بالموضوع وكمان فهمتها انك كنت منيح معي و…
قصي ( قاطعتها بذعر ) : شوووو ؟؟ حكيتي لامي ! ( بعصبية ) الله لا يعطي شيطانك عافية ولك شو عملتي انتي ؟
غنى ( بخوف ) : عادي ما زعلت منك
قصي ( بمسخرة ) : بالله عليكي ؟ جد طمنتيني
انتفضت من مكاني وقمت مثل المجنون، شو اللي عملته هالبنت ؟ وكيف امي هسة بدها تسامح حالها بعد ما عرفت شو عملت ببنت ما الها ذنب ! انا كيف بدي أتطلع بوجهها ؟ ..
غنى ( بتنادي ) : وين رايح ؟ قصي ..
تركتها بتنادي وقعدت لحالي على ترس البيت، انخنقت كثير وطار النوم من عيوني ..
بعثتلها رسالة ( يا ريت ما حدا يعرف باللي حكيتيه هسة الي وكمان نبهي على امي ما تنشر الخبر اللي وصلها اليوم منك .. وآه قبل ما انسى انا لما أكون متدايق بحب اطلع من المكان عشان ما افرغ عصبيتي على اللي قدامي فما تخافي بكرا بكون مروق ان شاءالله )
غنى : لا تخاف ما بحكي لحدا واكيد امك ما رح تحكي بدون ما انبه عليها .. وآه لا تخاف عارفتك كتير منيح
////
انقلب مزاجه كتير وخفت يصيبه اشي لا سمح الله من موضوع تافه، نوبة العصبية لما تيجيه ببطل يشوف اشي قدامه وبنسى الدنيا واللي فيها ..
حمزة ( بنبرة حادة ) : ليه صاحية ؟
سيرين : … مو جاييني نوم
حمزة ( بمسخرة ) : بس ما تكوني خايفة عليي ؟
سيرين ( بستهبل ) : ليه شو مالك من غير شر ؟ عم يوجعك اشي حبيبي ؟
حمزة ( انقهر ) : لا سلامتك حبيبتي
غمضت عيوني واستجمعت هدوئي وفتحتهم، كان بتاملني بطريقة غريبة نظرات اشمئزازية على استحقارية المهم لا تشير الى الخير ابدا ..
سيرين : انت مع مين كنت اليوم صحيح ؟
حمزة ( بجمود ) : ما دخلك
سيرين ( ضحكة صفراء ) : وانت شو دخلك باحمد وخالو هيثم ؟ اوك خليني امشي معك واقول انهم شافوا رناتك وما ردوا .. همة ما بعرفوا عن آيات واللي صار فيها لانه ما حدا فينا أصلا بعتلهم ولا خبرهم وبنعرف انهم بس يكونوا سوا ما بحبوا حدا يقاطعهم وقبل ما يطلعوا قال احمد انه بده إياه بموضوع
حمزة ( قاطعني ) : كل اللي حكيتيه بوقف عند زلمة مثلي بحترم اللي حواليه وفرض عليهم يحترموني
سيرين ( انفعلت ) : ليه اعتبرته تقليل احترام ؟ بالنهاية انت ما كنت تعرف انهم سوا .. هاد أولا
حمزة ( بنبرة حادة ) : ثانيا انخمدي ونامي ما بدي اسمع كلامك المبطن، خلص انتوا ملائكة والناس من دونكم شياطين
سيرين ( بصدمة ) : انخمد ؟
حمزة ( بقرف ) : وسدي حلقك احسن ما اسكرلك إياه بطريقتي
انحمقت كتير من كلامه، طيب انا شو دخلني ؟ يعني ماشي ما هان عليي يتعاملوا هيك معه بس كمان معهم حق ..
( احمد لو سمحت تحكي مع حمزة لانه كتير متدايق منكم وعلقنا انا واياه وغلط عليي .. لا تعتزر منه بس فهمه وجهة نظرك وازا حسيته غير قابل للنقاش اقطع فوراً )
بعتله التسجيل وحذفته من عندي، وحطيت راسي جنب اولادي ونمت ..
( صباح الخير .. ليه دخلتي حالك بالقصة ؟ انا بعرف كيف اتعامل معه ولا يهمك .. حاولي تتجنبيه لحد ما هوة يرجع يحكي معك واذا غلط مرة ثانية خبري اهلك ولا تسكتيله .. زهقني بصغرة عقله وتصرفاته اللي مثل النسوان )
صحيت على كلام احمد، وبرضو حذفته ..
لنشوف يا حمزة شو رح تعمل؛ ازا بدك اتضل هيك ولا تكبر عقلك شوي ..
_________________________________________________________________
لما تتراكم علينا الهموم والمشاكل التافهة؛ اللي بتكبر وبتصير بركان بحرق كل اشي حواليه ..
بكون ضروري نسيطر على مشاعرنا وما ننحاز لطرف ونتصرف بحكمة، نعطي لكل ذي حق حقه ونتسلح بالصبر لحد ما نوصل لنهاية سعيدة ومرضية لجميع الأطراف ..
رانيا : طنشوه احسن اشي
هيثم ( بحكمة ) : واحد مثل حمزة ما بنطنشه ولو
رانيا : طيب مدام بتعزه هالقد وبتعتبره شخص مهم ليه ما رديتوا عليه؟ يعني لو واحد فيكم رد بدون ما تعطوا أي تفاصيل كان ما وصلنا لهون .. بس الله يسامحكم
هيثم ( فاهم عليها ) : ما بتطلع منا نرد عليه وما نعطيه أي تفاصيل، مشان هيك اختصرنا الرد
رانيا ( بحزن مصطنع ) : انا المشكلة خايفة عليه والله، مو ناقصنا هيثم يصير معه اشي لا سمح الله
يا حرام، قال بعد ما يعصب حضرته ويخرب الدنيا فوق راس اللي حواليه بندم وبحط بقلبه واحنا لازم نخاف عليه طبعا أبو قلب رقيق ..
هيثم : ان شاءالله ما بصيرله اشي مو مستاهلة، انتي وصيه يكبر عقله ويتصرف مثل الرجال واكيد بكون وضعه بالسليم
رانيا ( باستنكار ) : شو يعني متل الرجال ؟
هيثم ( بحزم ) : اسمعيني رانيا .. شفتي السيناريو اللي صار هاد كله مستحيل يصير بين الرجال موضوع رنيت عليك وما رديت عليي ومتفقين من وراي .. تعودنا نشوفها عند جنس حوا
رانيا : … العتب على قدر المحبة مو متل ما فهمتوها
هيثم ( بهدوء ) : احنا فاهمين صح وحكيت معه انا واحمد، والله ما بعرف عاد انتوا كيف فهمتوها !!
رانيا : …
هيثم ( متابع ) : المهم يوم الخميس في سهرة عند اهلي انا ما رح أكون موجود اذا بتحبي تروحي خبريني واذا بتحبي تسهري بمكان ثاني قرري وهي سيارتك معك بكل الاحوال
قطعت عليها الطريق فورا، ولاني عارف رح يصيبها الفضول من الاخبار الجديدة كنت مجهز ردود مسبقا ..
رانيا : ما رح يروحوا يطلبوا بيان ؟
هيثم : على الاغلب لا .. امجد لسا مو مستعد شكله ناوي يخلص الدكتوراه اول
رانيا : ههههههههه صدقته، أي لما كان خريج جديد ما صبر وراح طلبها لحاله وقفت على دراسته هلا ؟ اكيد بده يتقل عليها او يمكن جروحه ما طابت لسا
هيثم ( اتطلعت عليها بجمود ) : شفتي كم احتمال براسك ؟ معناها ما حدا بعرف الحقيقة ما توجعي راسك بقصص ما النا فيها اللي فينا مكفينا
رانيا ( مقهورة ) : مالك عليي اليوم ؟ حبيبي اللي بده يخطب يخطب واللي بده يطلق يطلق برضو ما بهمني، انتوا اللي بعطيكم قيمة كبيرة وبهتم لتفاصيلكم بطلع بسواد الوجه وشكلك ناوي تعمل فيي متل ما عملت باخوي بس بعيدة عن احلامك .. عن ازنك فايتة انيم ابني وانام معه شوي بلكي بريح راسي
هيثم ( نص ضحكة ) : نوم العوافي ههههه
لسا ما بردت ناري من عمايلك انتي واخواكي، عاملين فيها حزب علينا وعلى شو ؟ يا ريت في اشي مستاهل ..
المشكلة انه دماغي مو صافية ولسا عقلي بموضوع حمل ياسمين اللي بخططله احمد، معقول ياسمين لو حملت بهالاسلوب رح تزعل من احمد وتكبر بيناتهم الخلافات ؟ ..
ياسمين : كيفك خالو ؟
انصدمت من رسالتها، والله لو انها قاعدة بعقلي مو هيك ..
هيثم ( مرتبك ومو عارف شو اكتب ) : اهلين ياسمينتي بخير خالو انتي كيفك ؟ شو ذكرك فيي
ياسمين : ههههههع شو ذكرني ؟ نسيت انه في سر الي عندك وبدي اعرفه
هيثم : اخ منك انتي. مو ناوية تحلي عني اه ؟
ياسمين ( بيأس ) : بس احكيلي تلميح بسيط شو بده منك احمد ؟ ناوي يتزوج ؟
هيثم ( فرطت ضحك ) : هههههههههههههههه شو بتحكي ؟ خير ان شاءالله ليه يتزوج ؟ شو ناقصه
ياسمين : ناقصه كتير، بكفي انه نفسه باطفال وانا رافضة الحمل
اها ..
هيثم : رافضة ؟ شو قصتكم يا بنت فهميني شوي شوي
ياسمين ( بدهاء ) : شكلي مسكت طرف الخيط صح ؟
////
احمد : حبيب قلبي ما يحرمني منك
هيثم : المهم انت فتح اذنيك منيح عشان اشرحلك ههههه
احمد : انا بستحي احكي بهالمواضيع مع حدا اكتب كتابة احسن هههههههه
هيثم : اه يا قلبي لاحظت الحيا اللي بنقط منك، والله طلعت ياسمين ضاحكة عليك وبتلعبك على اصابعها واحنا مو عارفين
احمد : ههههه شفتوا اني مسكين ؟ منيح اللي صار هالموقف عشان تصدقني .. بسالها صليتي بتقلي ما عليي صلاة طلعت من الغرفة لحقتها بدون ما تحس لقيتها بتصلي عاد ابصر شو الحقيقة
هيثم ( بمسخرة ) : انا بقول ابصر مين زوجها ؟ ولك انت بتحكي جد ولا بتتخوث ؟
احمد : فاهم عليك، صدقني مو طالع معها براس موهميتني فوق ما تتصور
هيثم : طيب ماشي المهم امك صدقت انك جاد في قرارك، ومرتك صدقت انك ناوي اتطقها جوازة، هسة فرجيني شطارتك واشوف كيف بدها توهمك
احمد : اطقها جوازة ؟ اتطق جوزتهم اليهود ولك اموت اهون عليي من هيك عملة بياسمين
هيثم : هههههه
احمد ( متابع بجدية ) : اقلك لا تحكيلي ولا احكيلك أصلا ياسمين هالفترة تعبانة من ورى اللي صار بينها وبين أمها وانا قررت الغي الموضوع لحد ما هية تقتنع بحد ذاتها، ما بدي اكسرها
هيثم : الله يهديك وينور بصيرتك ويحنن قلبك اكثر واكثر، شو بدك احسن من هيك حياة والله مرتك ما في منها وانا متاكد انها رح تجيبلك احلى عيلة بالدنيا
احمد ( تنهدت ) : ياسمينة روحي الله يقدرني واسعدها، والله ما بتمنى اشي اكثر من اني اشوفها مبسوطة وراضية، هالبنت انطفت الدنيا كلها ضدها وشافت اشي اكثر من تحمل أي حدا وفعلا الابتلاء على قدر الايمان
هيثم : ما بتنطفي طول ما انت معها، الانثى بتقوى مع الرجل اللي اختارته شريك حياتها
_________________________________________________________________
مساء يوم الخميس >>
كان أسبوع متعب علينا كلنا، مثقل بالهموم والاحداث اللي بتفاجئنا ..
واليوم قررنا نلتم ونغير جو ونعرف اخبار بعض؛ لانه التواصل قليل كتير هالايام ..
ام عدي : كيفك سهى ؟ فاضية ؟
سهى : اهلين والله بخير .. بفضالك ولو
ام عدي : تسلمي .. جاية اشرب معك فنجان قهوة قبل ما يرجع أبو قصي
ما بنكر اني تفاجات باتصالها وزيارتها وخصوصا انه في لمة اليوم، بس استقبلتها وكانت على عجل، لكن شكله في بتمها حكي وما ترددت لتحكيلي إياه ..
كنت مستمعة جيدة الها، وضحكت جوا قلبي لكن ما بينتلها حتى ما اتركلها مجال تزود الحكي ..
سهى ( تنهدت ) : صدمتيني بتفكيرك، والله فاهمة عليكي بس كمان انتي كنتي بمكانها بأحد الأيام وما قصرتي .. صح ؟
ام عدي : ما قصرت لاني أصلا ما كنت بدي إياها، ولو يرجع فيي الزمن لساتني عند رايي، صحيح بحبها لآيات هلا وبشوف ابني سعادته للسما معها بس بعد مو قف منى صرت أخاف، بضل قلبي ناقزني من أي خطأ
سهى : الخطأ الوحيد اللي صار بحياتنا هوة دخول زينة لعيلتنا، وللأسف كلنا دفعنا التمن غالي، تفرقنا وقلوبنا تملت على بعضنا .. انا برايي نترك الموضوع لاصحاب الشأن همة حرين
ام عدي : انا اجيت حكيتلك دوناً عن الكل لانك قريبة من مها وبتقدري توصليلها المعلومة بطريقتك، مو ناقصها اختك وجع فوق وجعها بنتها حلوة ودكتورة والف مين بتمناها بلا ما تتورط، بقلك ليلى شافتهم وبتحكيلي ابدا ما كان منظرهم ناس بتدرس وواضح انه في اشي بينهم
سهى ( متدايقة ) : صارت خبرة بالعلاقات سلفتك، ماشي بصير خير
ام عدي : الله يهدي بالنا عليهم جميعا، لو نضمن انه أبو امير يمحي الماضي ويحط الحق على زينة وقتها انا اول وحدة بقلك الله يجمعهم ويتمم على خير
سهى ( نص ضحكة ) : امين
ونسمي ونبدا بقصة جديدة على لسان نسوان عيلتنا، لو بعرف هيك بده يصير ما عملت هالمباركة ولا ناديت الكل ..
////
علاء : الو كيفك حبيبتي ؟ شو اخبارك
ريم ( مكتأبة ) : الحمدلله .. وينك مطول ؟
علاء : مال صوتك ؟ لا مو مطول بس بدي احكيلك اليوم رح نرجع عند دار اهلي ننام عندهم زمان ما قضينا يوم جمعة كامل معهم
ريم ( بفرح ) : اه اه يا ريت .. اجا هالخبر بوقته يسلمو حبيبي
علاء ( كاتم ضحكتي ) : وايديكي يا احلى غزالة
شكلها واصلة ذروتها من التعب والمسؤوليات، وروح قلبها تروح عند اهلي قد ما بتشيل عنها امي الله يقويها ويعطيها الصحة ..
////
رانيا ( مستغربة ) : غيرت دوامك يعني ؟
هيثم : لا رح الحقكم هناك
رانيا : بس دار حمزة جايين عند اهلي وقلنا بنسهر سوا
هيثم : امممم هسة حمزة حر اذا ما رح يجي، وانتي حاليا عندهم وبس اقرب اخلص بخبرك وبتطلعي وبنوصل سوا شو رايك ؟
رانيا ( مو عاجبها ) : بنشوف
هيثم ( بحزم ) : لا هاي الخطة ولازم تتنفذ عالاكيد، يلا سلام
////
احمد : كانك متوترة ومو على بعضك ؟
ياسمين : كيف رح اشوف ماما اليوم ؟
احمد ( تنهد ) : يعني فرصة تصفي الجو بينكم
ياسمين ( بيأس مصطنع ) : ما بعرف كيف بده يصفى هالجو ؟
احمد ( بهز راسه ) : بصفى بصفى .. ان شاءالله كل اشي بكون على افضل حال
ياسمين ( كاتمة ضحكتي ) : يا رب
يا رب .. مرِّق اليوم على خير وما ينقلب الفرح لحزن واندم عالاشي اللي رح اعمله ..
////
أبو ماهر : اللي بتشوفه مناسب يابا اعمله
أبو عدي : وهو كذلك .. احنا بدنا يكون الكل مرتاح
ام ماهر : بس خواتك كيف بدهن يشوفن ابوك ؟ والله يمة مو ملاقية طعمة لهالكلام خلينا مثل ما احنا متعودين دايما
أبو عدي : بشوفوه يمة لا تخافي عليهم، احنا مو مانعين حدا بس بتعرفي لما تصير القعدة منفصلة الناس اللي ما الها شغل بتستفيد بدل وجعة الراس كل مرة وتعليقات ما الها داعي
أبو ماهر : توكل على الله واتركك من كلام النسوان
ام عدي ( بلهفة ) : وافق ؟
أبو عدي : وليه ما يوافق شو عامل انا ؟ بس خليني اشوف شو قصتك تعالي اشوف والله ثمك مليان حكي
ام عدي ( كاتمة ضحكتها ) : الله يسامحك ما في اشي صدقني، بس قلت بعقلي اليوم بيان جاي وحرام بعد ما انكسفت وامجد ما راح طلبها متل ما ابوه قال، فمو منطق اتضل قاعدة قباله ببلاش خليه يعرف قيمتها
أبو عدي : أمها هيك رايها كمان ؟
ام عدي : ابوها هيك رايه .. بدون ما يحكي احنا اهل وبنفهم على بعض واكيد ما حدا برضى هيك لبنته
أبو عدي : والله من زمان لو انتبهنا لهالشغلة
////
غنى : صبايا ماما بتحكيلي خدي راحتك باللبس الرجال رح يقعدوا بدار اهلي واحنا تحت، وقصي بقلي لو شلحتي عن راسك بقصلك شعرك قدام الكل
ديمة : هههههه اخوي الحمش يسعده، أتوقع ما بدنا ناخد راحتنا كتير بس انه خلينا نرتاح شوي من الحجاب شو رايكم ؟
ريم : ما فهمت ليه القعدة منفصلة ؟
سيرين ( بحزن ) : تتهنوا صبايا انا مو جاية
ياسمين ( مصدومة ) : مو قلنا بدنا نيجي كلنا اليوم مالك سيرين ؟
آيات : من كل عقلك ياسمين حمزة رح يرجع طبيعي بعد الموقف اللي صار ؟ اكيد لازم يعمل اكشن شوي
سيرين : خليه يعمل اللي بده، انا ساكتة وما بتجاوب معه ابدا مخليتها بنفسه هههههع
////
فرح : شايفة سيرين مو جاية اليوم
مها : يييي هلا ياسمين بتزعل، ما اقواه حمزة بدا يلعب عالمزبوط، المهم انتي واختك بتلحقونا هناك
فرح : اكيد ولو يروح هيك يوم علينا ههههه يا ويلي شو متحمسة
مها : هههههههه وانا اكتر .. رح اخدلكم غداكم معي حبيباتي ديروا بالكم
فرح : اموااااه يسلم ايديكي ماما يا عمري
مو متخيلة اني رجعت طبيعية مع بناتي، مشاكلنا اختفت وكانها غيمة مرقت بحياتنا ..
الموقف اللي صار بيني وبين ياسمين وردة فعلها لما حكيت معها، رجعت خواتها لوعيهم وعلمتهم بشكل غير مباشر كيف الام ما بهونوا عليها أولادها ومصلحتهم بالدرجة الأولى عندها ..
__________________________________________________________________
” إني أحب ما جمعني بك جداً .. ذلك التاريخ و ذلك المكان و تلك الظروف .. أحب ما جمعني بك مُنذ ذلك اليوم و إلى الآن “
وصلنا كلنا بنفس الوقت متل دايما، ما عدا امجد وانس وبيان واسيل وفرح، بسبب دوامهم المتاخر ومسافات الطريق، خصوصا بيان لانها بتشتغل بجامعة بعيدة ..اليوم كان مختلف ولقاءنا مليان كلام واخبار، بس كمان بنستنى نعرف شو صار بين خالتي مها وبنتها ياسمين ..
علا ء : يا الله ما احلى القعدة
احمد : ههههه هدوء
عدي : والله عنجد بعدولي هيك خليني اتمدد براحتي
أبو امير : جاي هيثم اليوم ؟
أبو علاء : قالوا لا الله اعلم شو بصير تغيرات
أبو احمد : مفاجات مخبية مثل العادة
أبو قصي : والله ام قصي اتدايقت من حالها
أبو عدي : مشان هيك اختصرناها اليوم وقعدنا هون
أبو ماهر : خير ما عملت يابا
أبو امير ( بهمس ) : انا ما حبيت تصرف حمزة حسيتها قلة عقل
أبو علاء : أي نعم ولا انا بس سكتنا عشان بنتنا
أبو احمد ( تنهد ) : لا حول ولا قوة الا بالله، هالبنات مسكينات وكل وحدة همها رضى زوجها وأهلها وأهله وين يقطعن حالهن ؟
أبو ماهر : الاجر والثواب من عند ربك يا عمي
عدي : وينه عمر تأخر ؟
علاء : قوم اعملنا كاسة شاي استفتاحية بما انه البيت بيتك ههههه
احمد : شاي عدي زاكي أؤيد ما قاله اخي الأكبر
علاء / عدي ( بضحك ) : الأكبر ؟؟ هههههه
////
كل همي اليوم كيف اتقابل انا واياها بعد ما انكشفت الحقيقة، رح ترجع النظرات بينا ولا فعلا تغيرنا ؟ ..
قصي : يلا ما بدنا نفوت وانت مو معنا
امجد : صاير حنون مع الابوة حضرتك
قصي : بدك تتحملنا مين الي غيرك
امجد : نسيبك اجا ؟
قصي : هينا واقفين بالشارع بنستنى بانس يخلص سيجارته
امجد : لا ماشاءالله الحنية بتنقط منكم، هيني قربت أوصل
عمر / انس : ههههههههههه مين قلك ترن عليه ؟
قصي : حبيب قلبي لازم اتطمن عليه
عمر : كبير من يومك
انس ( سحب نفس عميق وعيونه عليي ) : هيو وصل
عمر : آيات شاكة فيك وسالتني كثير اذا بتدخن او لا لا … بس انا انكرت وبقوة يارب سامحني
وصلت عندهم ووقفت بالنص بين عمر وقصي ورفعت ايديي على اكتافهم وعيوني على انس ..
امجد ( بمسخرة ) : يا عيني عالحناين لما تتقابل
انس ( نص ضحكة ) : وصلت قبل حبيبتك، خليك واقف استقبلها
امجد : بعدهم ما اجوا ؟
عمر : أهلها اجوا زمان بس يا حرام هية اللي وراها مشوار طويل
قصي : انت ما بتعرف وين بتشتغل ؟
امجد ( ببرود ) : حكولك عني ولي امرها ؟ لا ما بعرف ولا بدي اعرف اتطمن انت ومرتك الوصية الشرعية عليها
انس : هههههه قاهرته مرتك الظاهر ابصر شو عاملة
قصي : انا ما بتدخل بقصص النسوان بتعرفني
عمر ( بغني وبضحك ) :
غريب الحب مين فاهمو
ما بين اتنين بيتفارقوا
وبين اتنين بيتفاهموا
في حد الحب ده سارقو
وحد الحب كان واهمو
غريب الحب مين فاهمو
ما بين اتنين بيتفارقوا
وبين اتنين بيتفاهموا
في حد الحب ده سارقو
وحد الحب كان واهمو
والفرصة التانية بنستناها
وهو بنصلح غلطات
بعدما عِدنا الحسابات
حتى ولو مش قاصدين
وإن كان في حاجة إحنا خسرناها
هنعوض في الجايات
لسه في عمرنا حكايات
هنسيب فرحتنا لمين
آه ونروح ونسيب ونقول
ما حصلش نصيب
ونغيب والشوق
لو يجي لأي حبيب
يفكره باللي اتنسى
بعدما جرحه يطيب
عمر بقلب نظره بينا وبضحك واحنا مستمرين بالمناوشات وبنغني معه، بتجمد عينه وبضحك بخبث ..
عمر : انا بقول روح ساعدها وصف السيارة عنها، وانت كمان روح ساعد زميلتك
لفيت وجهي على مستوى نظره، ولقيت بيان واسيل بصفوا بسياراتهم ونزلت فرح من سيارة اسيل ورنين وابنها من سيارة بيان وبضحكوا، وبيان واسيل منهمكات بالسواقة ..
رنين : تعالوا ساعدوهم شباب
امجد : ما دخلنا كل مين يدبر راسه لحاله
فرح : اه والله معك حق، هاي شباب
عمر / قصي / انس : هايات
اسيل ( بتنادي ) : امجد بليز تعال زبطلي الصفة والله كتير نعسانة
عمر : هيهيهيهي
كان انس مطنش اسيل عالاخر، لدرجة انه اخذ ابن رنين وحمله وصار يلعب فيه هوة وقصي ..
بيان : مسا الخير كيفكم ؟
عمر : يسعد هالمسا بنت العم نورتي والله
قصي : هلا بش مهندسة احنا بخير الله يسعدك
انس : مسا النور .. تمام كيفك انتي ؟
امجد : ارد ولا بكفيكي اللي سمعتيه
بيان : لا بكفي .. مو قصدي اسمع موشحات كنت فايتة أصلا
اسيل : الله يرضى عليك يا امجد .. صفة مهندس صراحة
امجد : وعليكي يارب .. يلا شباب امشوا
قصي : اه تاخرنا عيب
انا ما كنت اعرف انه القعدة منفصلة اليوم، بس انبسطت بالخبرية واستغليتها لاضحك خالاتي شوي ..
امجد ( بسلم على خالتي سهى ) : عشان سوسو لابسة ازرق اليوم انا ما رح اتركها بعشق الأزرق عليها يا اخوان
سهى : ههههههه عمري هالولد
منى : اطلع بلا برادة وجه
امجد : طيب خليني اكمل تبويس ( حضنت خالتي نهى من الجنب وبستها على خدودها ) يا لطيف على نهى لما تكون متشيكة وحاطة كحلة وايلانر ولابسة صندوق الذهب كله لا عنجد خلص اطلعوا شباب واتركوني
نهى : امك احلى وحدة فينا روح بوسها وسمعها كلمتين حلوات بعدين تعال واحكي اللي بدك إياه
امجد : انتي مفكرة امي غيرانة يعني ؟ عفكرة يا دوب شايلة حدا من ارضه لسا اليوم الصبح ابوي لقطلها وردة وحطها تحت مخدتها ووصاني ما اخبر حدا اني شفته
الجميع : ههههههههههههه عرف مين يوصي
منى ( عصبت ) : خليني انادي عليه يسمعك
قصي ( انفعل ) : مين تنادي يا حبيبتي ؟
ام ماهر : غار على مرته هههههه يا حبايبي الحمدلله شفتكم وانتوا رجال والكم عيلة
امجد ( بمسخرة ) : اه يا عليي قصي كبر وصار عنده عيلة من ليلة
البنات : يلا خلصونا اطلعوا ئي
انس : يلا طالعين خصوصا انا رايح انااام
////
هيثم : كمان نص ساعة بتطلعي من بيت اهلك
رانيا : تمام
حمزة : شو رايحة ؟
رانيا : اه والله هيثم كمان نص ساعة بلاقيني بالطريق
سيرين : تتهني رنوش
حمزة ( بنبرة حادة ) : شو قصدك ؟
رانيا ( مزعوجة ) : ما قصدها اشي انت التاني بتدعيلي
رن موبايله واستغرب من الرقم، قام وفات غرفة وسكر على حاله الباب وبعد شوي طلع وكان مروق ..
حمزة ( تنهد ) : اجاكي الفرج يلا قومي ضبضبي البيت لامي واستعدي مشان تروحي مع رانيا عالسهرة عند دار سيدك
سيرين : ….
ام حمزة : لا والله ما بتمد ايدها على اشي، بعدين البيت مرتب والجلي انضب يمة
رانيا : عالسريع ماما ورا الصغار ما بنتركلك البيت هيك
حمزة ( زورها ) : انتي وراكي أربعة يا دوب تجهزي حالك وتجهزيهم، هي سيرين بتعمل كل اشي
رانيا : قولتك والله انهلكت مراكضة
سيرين : …
حمزة : واه ما تاخدي الأولاد خليهم هون امي ما تهنت عليهم لسا
رانيا : ليه تخليهم ؟ ارتاح شوي انت التاني وهناك في صغار بتسلوا مع بعض هلا امي بتتعب من وراهم
ام حمزة ( مصدومة وعيونها عليي ) : والله يا حبايبي ما عليهم الغلبة
سيرين ( مبتسمة ) : حبيبة قلبي يا خالتو
انا كنت ساكتة لهدف براسي، وبستنى اللحظة المناسبة حتى اطلع كل اللي جواتي لانه جد ما ضل بقلبي حيل اتحمل اكتر من هيك ..
////
ام ماهر : الله يرضى عليكي يمة وينولك اللي ببالك، فرحتي قلبي بشوفتك مع بنتك
مها : ما في متلها بنتي قلبي وربي رضيانين عليكي ليوم الدين يا بنتي يا ياسمين
منى / نهى / سهى ( مبتسمات ) : الله يرضى عليهم جميعا ويحفظكم لبعض
ديمة ( باستياء ) : طيب انا مو مبسوطة للقمة بدي سيسو عنجد حرام ليه هيك ما اجت ؟
ياسمين ( بحزن ) : لا تزكريني، بس بلكي هلا حمزة يغير رايه
نهى : … قلبي موجوع على هالبنت، بس لسان وسيط قوية عالفاضي
ام عدي : معك حق ما عملت اشي المسكينة شو ذنبها ؟
سهى : الغيرة بتعمي للأسف، لولا فرحتي بابني ومرته والا بقول ندمت اني عملت سهرة ومباركة طلعوها على جلدنا
ريم : لا ماما ما تزعلي حالك ما الك ذنب، بالعكس انبسطنا واحنا بنجتمع دايما وكل امورنا تمام حتى لو بندق ببعض بس عادي هههههه
البنات : هههههه فعلا عادي
آيات : وهي حنين لسا ما اجت كمان، اشتقنالها والله
رنين : ما بعرف عاد قالتلي هينا جايين ليه تاخروا ما بعرف
بيان : المهم انتي ضامنة شوفيرتك
رنين ( قرصت بيان من خدودها وباستها ) : احلى شوفيرة ما يحرمني منك
غنى : المهم متحمسة اعرف شو رح اجيب انتوا شو بتتوقعوا ؟
ديمة : ما بنتوقع احنا بنتمنى طفل سليم معافى تام الخَلق وبندعيلك ربنا يقدرك على تربايته
البنات : ههههههع
ديمة ( مستغربة ) : مالكم ؟
آيات ( فارطة ضحك ) : انا بس بحكي الحمدلله عمر مو هون
ياسمين : ولا امجد ههههههه
ام عدي : والله كلامها موزون الله يسعدها ومعها حق
سهى : اه والله بس همة عشان ديمة دايما بعلقوا عليها وبفكروها بس شغل نكت
منى : امجد وعمر حتى النملة ازا شافوها بتاكل بعلقوا عليها بدك يتركوا ديمة بحالها، اوعوا تحكولوهم
مها : بطلعلهم مع اني زعلت من امجد اليوم ما عبرني
البنات : ههههههههه
////
طلعنا على بيت خالي وسلمت عالجميع، وبس وصلت ابوي همستله بشغلة كنت متفق عليها انا واياه ..
امجد ( بهمس ) : مثل ما اتفقنا ماشي ؟
أبو احمد ( بهز راسه ) : ان شاءالله
أبو بيان ( بهمس ) : نفسي اعرف كيف بفكر
أبو عدي : اكيد بفكر باشي يليق فيه ما تخاف، كل اشي بصير لخير وان شاءالله اذا الهم نصيب برجعوا لبعض
أبو بيان ( بغصة ) : … ان شاءالله
////
كنت موجوع لدرجة على بنتي، عارف انها ما بتشوف الدنيا الا بعيونه وما بدها غيره يدخل حياتها ..
أبو امير ( بهمس ) : توكل على ربك صدقني مرقت باصعب من هيك، والحمدلله كل اشي صار بدون تخطيطنا احنا البشر لما نتدخل ما بنعمل اشي بجمال اللي ربنا مخبيلنا إياه
أبو بيان : ونعم بالله، فعلا بتخطر على بالي كثير .. بس انا ندمان اني قبلت اجوزها عالاقل لو ضلت بنت اهـــــــــــــون
أبو امير ( قاطعه ) : اوعى تكمل .. بقلك تقادير ربك فوق كل اشي بنفكر فيه
////
فرح : شو مالك ما عبرتي انس اليوم ؟
اسيل : بعدين بحكيلك
فرح ( بفضول ) : متخانقين ؟
اسيل : … حكتلك بعدين بحكيلك اصبري
////
رانيا : صحيح سيرين ما قلتيلي شو الاستقلال العاطفي بتزكر سالتك يوم السبت وبتعرفي ما صار مجال
سيرين ( ببرود ) : انتي ما قراتي كتاب ( انوثة طاغية ) ؟
رانيا : سمعت عنه كتير بس ما صحلي اقراه، عندك إياه ؟
سيرين : … استعرته من صاحبتي قراته ورجعته
رانيا : طيب احكيلي المختصر
سيرين ( تنهدت ) : تمام
////
هيثم : شو الاخبار ؟
ياسمين : كل اشي جاهز بالنسبة الي، بس موضوع القعدة المنفصلة خرب شوي علينا
هيثم : بالعكس ممكن يساعدك اكثر، هيني اخذت الكيكة وبالطريق رح التقي برانيا كمان
ياسمين : ماشي خالو يسلمو
هيثم ( بضحك ) : ولووو
////
علاء ( بضحك وعيوني على الشباب ) : يسعدلي المهيوب انا، ولك شو هالحلاوة طالع عريس
امجد : هيهيهيهي من بعدك
احمد : احلى عريس فيكي يا بلد، ان شاءالله قريبا بنشوفك بعش الزوجية
انس : ههههههههه
قصي : شكله قريبا
عمر ( بمسخرة ) : محدثكم مفسر ضحكات البشر
الشباب : هههههههه
انس ( مغمض عيونه ) : صحوني اذا في اشي مهم
أبو علاء : دكتورنا نعسان اصحى احكيلنا عن شعورك بأول أسبوع بالتخصص
انس : والله جميل جدا الحمدلله على فضله وكرمه عليي
أبو ماهر : بالتوفيق يا سيدي وعقبال تخرج اخوك وفرحتنا فيكم
أبو احمد : بحياتك يا حج .. بس والله يرحم أيام الجامعة كنا نشوفه شوي
أبو امير : اه ماشاءالله عليه اله جَلَد على الدراسة والسهر مو مثل الدلوعة اللي عندي، قال بدها تحول خربت بشرتها من السهر
الجميع : ههههههههه مين ؟
أبو بيان : اكيد مو اسيل أتوقع فرح
انس : …
أبو امير : اكيد .. الله يعيني عليها بس، تعبت وانا اقنعها تفوت طب الاسنان انغرت بحالها كثير
احمد : لا ترد عليها بس حكي عند الجد شاطرة وبتدرس
أبو عدي : انا والله ما بحب الطب للبنات، حتى بالمستقبل البنت لبيتها وزوجها وأولادها
أبو قصي : لا والله الواحد لما يحتاج دكتورة تكشف على مرته بتمنى يلاقي وحدة شاطرة بدل ما يروح على دكتور
أبو امير : وين اللي بقبل ؟ والله مرتي ما بتقبل الا دكاترة ما بتآمن بالنسوان وفعلا اقتنعت معها بعد ما جربنا اكثر من وحدة
الشباب : ههههههه له له
احمد : ما قدرت تقنع بنتها الحمدلله قعدتلها بالمرصاد الا دكتورة بالاول بس لما رجعت على عمان لا صرت احس اني منقاد لغيرتي وهالاشي ما في منه فايدة
انس : الله يثبت علينا العقل والدين، ولك حالفين يمين احنا شو هالحكي الفاضي ؟ خلص بالله اسكتوا خليني اعرف اغفى شوي
عدي : عمر فوت نيم نسيبك على التخت بغرفتنا شو مالك تحرك يا زلمة
عمر : نسيبي غريب يعني ؟ امشي وله فوت نام هي الغرفة بتعرف طريقها
أبو عدي : والله انك ما بتستحي يابا، اذا الشب خجلان يدخل انت بتشجعه
علاء : الشب دخل بعاشر نومة خلص اتركوه
امجد : اله أسبوع مو نايم الا ساعات متقطعة
////
سيرين ( اجت فجاة ) : السلام عليكم
الجميع ( منفعلين ) : وعليكم السلاااام شو هالمفاجاة
رانيا : جبتها معي ما باجي بدونها ههههه
ريم : يسعدهم احلى كنة وبنت حمى بعدي انا وبنت حماي
البنات : ههههههههه
هيثم ( من بعيد ) : مسا الخير يا جماعة
ام ماهر : هلا يا حبيبي فوت اشوفك يمة
ام عدي : تفضل أبو آدم
هيثم : ما بدي ازعجكم خذوا راحتكم .. كيف حالكم ؟
الجميع : بخير مشتاقينلك
هيثم : وانا اكثر والله
ام ماهر : هي ابوك واخوانك والباكيين ببيت اخوك فوك
هيثم : ياسمين وينك ؟
منى ( كاتمة ضحكتها ) : بتستنى فيك
البنات (بفضول ) : شو بدك فيها ؟
هيثم : ههههه لا تغاروا هسة رح تنبسطوا اكيد
رانيا : مو غيرة بس عشان ام احمد كمان ضحكتلك فواضح انه في اشي
آيات : ياسمين شخصيا اختفت
ياسمين ( اجت فجاة ) : لا ما اختفيت كنت البس يلا انتوا كمان البسوا والحقوني
سيرين : انا كنت طالعة اسلم على بابا واخواني
هيثم : خليكم شوي وبناديلكم اذا كان الوضع مناسب
سيرين ( مطنشة ) : يلا بستناكم تطلعوا ما تتاخروا
////
أبو عدي : ها هي آدم وزيد وعمرو كمان يا اهلا وسهلا شو هالمفاجأة
عمرو : اجينا مع عمتي
علاء : تعال اشوفك، ليه ما اجا ابوك ؟
عمرو : ما بعرف بده يضل عند تيتا يمكن
سيرين : السلام عليكم يا جماعة شو هالاجواء هاي ما حدا قدكم
امجد ( بدق عالطاولة ) : قل اعوذ برب الفلق
سيرين : التهي بشغلك انت انا جاية اسلم على بابا وسيدي واخوالي
علاء : وانا ؟
هيثم : نسيتي اخوانك صحيح اللي طلعتي بحجتهم
الشباب : هلا هلا هلا نووورت
اخدت نفس وسميت، وناديت على احمد احكي معه بمكان لحالنا ..
احمد : شو مالك ؟ حمزة غلط مرة ثانية ؟
سيرين : بتعرف انا ليه اجيت اليوم بعد ما حضرته كان رافض قطعيا ؟
احمد ( كتف ايديه ) : سيرين ادخلي بالموضوع .. شو صاير ؟
بعد ما سمعت صوتها غمضت عيوني، ترددت كتير قبل ما احكي بس كان لازم اعمل هيك ..
سيرين ( بنبرة حادة ) : لانه مرتك اتصلت عليه وطلبت منه يبعتني، ما بعرف شو قصتها ياسمين كيف بتتجرا تعمل هيك ؟ أصلا رقم زوجي لييييه عندها ؟
كنت احكي وانا محدقة بوجه احمد اللي كان يقلب نظره عليي وعلى افراد العيلة اللي عمالها تفوت على دار خالي بعد ما طلبت ياسمين منهم انه يطلعوا ..
خلصت كلامي ولفيت وجهي عالصالون لقيتهم حاملين بالونات اشي ازرق واشي زهري، واحمد مستغرب ومو فاهم اشي لاني قاعدة معه بمكان بعيد ..
سيرين ( مستغربة ) : شو عم بصير ؟ لمين هاي البالونات ؟
احمد ( قلب شفايفه ) : ما بعرف بس شفت هيثم بوزعهم وياسمين وراه، المهم وين كنا ؟ شو كنتي تحكي عن ياسمين ؟
سيرين ( كاتمة ضحكتي ) : عم قول اللي ماخد عقلك يتهنى
احمد : شكرا ( مسك ايدي وسحبني على مكان القعدة ) شو ما النا بالونات احنا كمان ؟
ياسمين ( قدمتلي بالون ازرق ) : انتي بتحبي اللون الأزرق تفضلي
سيرين ( لفيت وجهي على احمد ) : هلا عرفت ليه اتصلت بحمزة، عاملة حفلة مرتك وخافت تفوتني
الجميع ( بصدمة ) : سيرين !
احمد ( بحزم ) : ليه اتصلتي فيه ؟ ورقمه معك كمان !
آيات ( دقتني بكتفي ) : عنجد انك ما بتستحي ولك شو بتحكي ؟ انتي صاحية على حالك ؟
ياسمين ( وجهها اصفر من الصدمة ) : …
ديمة ( بعصبية ) : سيرين ما بسمحلك تحكي بهالطريقة، انتي انجنيتي اليوم ؟
هيثم : طولوا بالكم يا صبايا مو هيك بتنحل الأمور، ولي سيرين هاي جزاتها يعني عشان حبت تشاركيها بمفاجاتها وفرحتها ؟
احمد : مفاجاة شو وفرحة شو ؟
هيثم : ما بدي احكيلك غير لما تعتذر من مرتك هسة وتحكيلها بحبك قدامنا
الشباب : هههههههه
رانيا : بعدين رقم حمزة طلبته مني قبل ما تتصل فيه حرام عليكي، غيرانة على زوجك ما حدا بلومك بس ما تشككي باخلاق حدا انتي عارفة انها متل اخته
سيرين ( بمسخرة ) : كانت متل اخته هلا صارت مرت احمد المغضوب عليه واللي مو طايقه
رانيا ( انحمقت ) : ما بعرف شو صاير بهالعيلة انقلبتوا كلكم وكانه بيوم ما صار بينا خبز وملح، على طول أي حدا ما بمشي على مزاجاتكم بتعادوه وبصير عاللائحة السودا
////
وائل : لساتني ما طلعت
حمزة : روح وشوفلي شو الأجواء لا تخليها بنفسهم انه انا واياك ما اجينا
وائل : برايك رابطينا ببعض ؟
حمزة : احمد ما بتفوته هيك شغلات، مشان هيك بحاول اتجنب النقاش معه، المهم انت مرتك تحت السيطرة مو مثل القوية اللي مبلي فيها انا
وائل ( بنبرة حادة ) : تحت السيطرة ؟ هية حيوان عندي اسيطر عليها ؟ حمزة الزم حدودك ولا تجيب سيرة النسوان لو سمحت
حمزة ( عصب ) : شو مالك انت فجاة بتقلب انا ما حكيت تحت السيطرة مثل ما انت فهمتها يا فهمان، خلص خلص شكلك من اشكال عديلك لما تخلص مصلحتك ما بثمر معك معروف
وائل ( بغضب شديد ) : حممممممزة !!! ماشي يا حمزة
سكر الخط بوجهي وما خلاني اكمل، انا شو اللي عملته كيف تعاملت معه وخليته يفكر اني مصلحجي ..
اثبتت انك واحد تافه يا حمزة واسهمك نزلت عند الجميع، بس انا لازم الحق حالي احسن ما اخسرهم مثلك ..
حنين ( اجت فجاة ) : بدنا نروح ولا لا لانه ياسمين بتسالني
وائل ( بارتباك ) : اه اه رايحين طبعا، يلا بسرعة حبيبتي خلينا نلحق القعدة من أولها
حنين ( مبستمة ) : خصوصا اليوم كتير مميز
وائل : امجد خطب بيان ؟
حنين : لا .. بس أشياء تانية
وائل ( تنهدت ) : الله يهدي بالهم ونفرح فيهم
////
والله الليلة من أولها مولعة، وما تركولي مجال اعمل اللي ببالي وبدأت الصراعات بين جميع الأطراف ..
هيثم ( بعصبية ) : مالها العيلة رانيا ؟ شو عملنا فيكي انتي طيب ؟
أبو ماهر ( بنبرة حادة ) : هيثم ! اوعى تحكي مع مرتك قدامنا بهالاسلوب، عندها راي وحكي بقلبها تحكيه ولوماها عشمانة فينا الخير ما انحمقت على اخوها
رانيا ( نزلوا دموعها ) : والله يا عمي هيثم لا شايفني ولا سائل عني، الله اعلم من يوم السبت لليوم شو شفت منه معاملة
هيثم ( بغضب ) : فرجيه آثار الضرب يمكن يصدقك
رانيا ( منهارة ) : مو كل اشي سيء يعني ضرب، يمكن جروح القلب بتوجع اكتر
مها ( بتبكي ) : حلفتك بالله رانيا اهدي تعالي معي
سيرين ( انفجرت ) : يا ترى جروح القلب اللي فيكي اغمق ولا جروحي انا ؟ نسيت اشكي لعمي اليوم متل ما انتي شكيتي لسيدي .. وقدامك شفتيه كيف بعاملني وانا شو عملتله ؟ شو ذنبي بكل اللي صار ؟
رانيا : انا ما سكتله وعاتبته كتير وقلتله انه ما دخلك
سيرين : ما سكتيله ؟ شو عملتي ؟ لما حكالي ضبي البيت لامي وكنتي رح تساعديني ووقفك عشان تعبانة من ورا اولادك ؟ ولا كان يأخد الأولاد وما يخليهم يجوا معي خفتي على امك تتعب وقلتيه ارتاح شو بدك بهالغلبة وامي بلاش تتعب وراهم ؟ ولا اه تزكرت اعطيتي رقمه لياسمين عشان تترجاه ؟
الجميع : ….
أبو علاء : معلش بابا انتي بتعملي باصلك وما عليكي من أيام الزعل، زوجك زلمة طيب وابن حلال وان شاءالله فترة وبتعدي واكيد ما بتهوني عليه
سيرين : لنشوف اخرتها معه
ياسمين : ما ترجيت حدا، طلبت منه مرة وحدة لو سمحت ممكن سيرين تيجي مع رانيا اليوم حكالي ابشري اعتبريها عندكم
احمد : ما الطفه ! نيالك والله .. حسابك عسير عندي على عمايلك ما بتتغيري عبث شو ما اعلمك
هيثم : اييييه انت الثاني شو عملت ؟
احمد ( بنبرة حادة ) : لا تتدخل بيناتنا
هيثم ( وقف بمواجهة احمد وبهدد باصبعه ) : أياك يا احمد تحكي معي هيك
احمد ( بعصبية ) : بيني وبين مرتي ما حدا يحشر حاله، انا مو مثل غيري بسمح للرايح والجاي يعطيني اوامر
أبو عدي ( وقف بالنص بينهم ) : شبااااب !! مالنا ؟ هيك وصلنا وعشان شو ؟ خلص يا هيثم اقعد ومثل ما حكالك منه لمرته حر ، وانت يا احمد المرة الجاي عاتب مرتك بينك وبينها عشان ما تعطي مجال لحدا ينحمق عليها
عدي : بس ما فهمت مين غيرك اللي سامح للناس تتدخل بحياته ؟
أبو امير : لا حول ولا قوة الا بالله، يعني دخل كل اشي مع بعضه والواحد مو عارف يمسك طرف خيط يبدا منه، ما بصير هالحكي والله يا عمي المفروض بلحظتها طيبتوا خاطر صاحبكم اللي متعشم منكم وانتهت القصة، اما اختك يصير فيها هيك شو ذنبها ؟ واخته كمان لا هية قادرة تكون معه ولا عليه
هيثم : اخته قدامنا كانت عليه وفجاة صارت معه، رغم انها بلسانها قالتلي طنشوه وما حدا يعبره وانا رديت عليها بانه واحد محترم مثله لازم يتعامل باحترام بس حتى كمان كلامي ما عجبها
رانيا : حكيتلي احكيله يكبر عقله وما يتصرف مثل النسوان، ما حبيت منك ابدااا
هيثم ( بقرف ) : عمرينك ما تحبيها بطل يفرق معي
نهى ( بصدمة ) : هيثم !!
هيثم : بعد كل اشي سمعتيه من بنتك كمان بتزوريني وما بدك احكي معها ؟
نهى : بنتي الها اب يدافع عنها لما تحتاج، لا اتدخل حالك بمشاكل غيرك
هيثم ( مصدوم ) : طلعتي انتي اللي معلمة ابن اختك ولا هوة معلمك ؟
احمد ( بده يهجم على هيثم ) : نعم ؟
قبل ما يوصله كان انس وقصي ماسكينه، وخالي ماهر وعمي أبو علاء مسكوا هيثم ..
ام ماهر ( بقهر ) : هاي اخرتها يا ستي ؟ بدك تضرب خالك ؟
نهى : ما بضربه لا تخافي، احمد ما بعمل غلط متل هيك، بعدين شو يعني كل وحدة زوجها بعصب وبنكد عليها يعني ابوها عمره ما زعلني ؟ ان كان كل مرة بدها تروح تحكي لاهلها كل اشي بصير ما بضل بيت عمران .. مها كانت تحرد وتحمل بناتها وتيجي تقعد أيام ما حدا فينا يعرف شو المشكلة
ام ماهر : اه والله يكلها ابوكي اكعدي كد ما بدك انتي ضيفة الرحمن
أبو امير : وسيرين ما حكت اشي والله يا ام علاء، مبين عليها الحزن والتعب واللي انحكى جزء بسيط يمكن .. وهيثم عشمكم فيه كبير ماشاءالله طول عمره سند
أبو علاء ( برجف ) : الله يهونها
علاء : يمة قلبتي على ابوي بس مشان بنته فتحت قلبها شوي ؟ شو لزومه هالحكي هسة
أبو علاء : لا لا ما اتدايقت بالعكس كلامها بمحله وقصدها تقدم نصيحة
أبو امير : خليهم على جنب وركز بخالتك اللي ماشاءالله مضرب مثل للحرد
مها : ما كنت احرد من مشاكلي معك حبيبي، كلها عوامل خارجية
أبو امير : اه صح نسيت
ام ماهر : حبك برص اسكتي كدام ابوكي واخوتك وجيزان خواتك بلا كلة حيا
هيثم : عشان تنسيه الموضوع الرئيسي انها كانت تحرد
أحمد : وانت خبرة بعالم الزواج هيهيهيهي
هيثم ( بمسخرة ) : مفكرني مثل اشكالك ما بتستقوي غير على مرتك
احمد : اشكالك اللي بنسكتلهم كثير بطول لسانهم بس انا بفرجيك من يوم وطالع كيف بدك تفتح ثمك قبل ما تعد للمليون
////
قام هيثم يتهجم على احمد وبالمقابل احمد كمان واجهه، وكل واحد فينا يمسكهم من جهة ويبعدهم عن بعض ..
علاء ( بهمس ) : كان اعطيته بوكس بنص خلقته عشان يكمل الفيلم
احمد ( بهمس وكاتم ضحكتي ) : ما بسترجي
عدي ( بهمس ) : سيدي بنتفك
احمد ( بهمس ) : بكفيني بهدلة ستي كيف بدي اقنعها هسة انه كله كذب
علاء ( بهمس ) : اتركها على ابنها بقنعها، انت بس نفذ الخطط لنشوف اخرتها
عدي ( بهمس ) : وسيرين وياسمين عنجد ولا تمثيل كمان ؟
علاء ( بهمس ) : عالاغلب جد بس خلينا نستنى شوي كله ببين ههههه
احمد : هشششش خلص اسكتوا لننكشف
////
اخذني ماهر برا البيت يهديني بعد اللي صار بيني وبين احمد، وكله في سبيل كشف اذا رانيا رح تنقل حكي او لا لاخوها ..
صرنا نعرف كثير منيح اذا الحكي بوصل لحمزة او لا مو بس عن طريق رانيا، لسا في كمان شخص اليوم ناويين نحطله حد كمان ..
أبو عدي : طول بالك احمد متوتر مشان سيرين واللي حكته على مرته
هيثم ( معصب ) : بدي اكسر راسه ناقصني والله يقوم يهجم عليي مفكرني ولد ؟
أبو عدي ( شبك أصابعه بشعره ) : استغفر الله العظيم، شو صايرلكم اليوم ؟ ليه حاسس العيلة مقلوبة معقول كل هاد عشان مشوارك مع احمد وزعل حمزة ؟
هيثم ( بحزن ) : زعلان على سيرين كثير يا ماهر، ليه هيك يعمل معها والله مو منطق
أبو عدي : ومرتك شو دخلها ؟
هيثم ( منفعل ) : متفقة معه مالكم مو فاهمين لسا ؟!
أبو عدي : لا والله مو فاهمين اشي، كل همنا اليوم نشوف شو اخرتها مع امجد وبنت اخوك اللي ما رجع طلبها وبده يقعد يتامل فيها ويحبها بطريقته قدام عيون أهلها، قمنا فصلنا هالقعدة وقلنا خلي كل واحد يبين على حقيقته وبنكتشف اسرار ومفاجآت وفوق كل هاد مشاكل
هيثم ( نص ضحكة ) : والله ما انت قليل، خير ما عملت وخلينا نشوفه هسة كيف بده يغمزلها من بعيد
أبو عدي : هههههههه شايف بالله مفكر ما حدا منتبه عليه … خلص تعال اقعد وهسة بنتفاهم رجال بين بعضنا بس ينزلوا النسوان
////
يا حبيبي كملت معنا، والظاهر ما حدا فاهم على الثاني وصار لازم نخفف حدة النقاش ونغيرلهم الجو ..
كنا متدايقين كثير من اللي بصير قدامنا والمشاكل اللي بتزيد بدل ما تنقص، واتفقنا بين بعض وطلبنا من وحدة من البنات تتدخل كمان ..
عمر ( بضحك ) : طيب بعيدا عن هذا وذاك أيدينا تعبوا واحنا ماسكين البلالين، بس احكولنا شو قصتهم ؟
هيثم : النسوان واللي بتصرف مثلهم ما بخلوا حدا مرتاح، نسينا فرحتنا اليوم … ياسمين امسحي دموعك وروحي جيبي الكيكة حبيبتي
امجد / عمر / قصي : ياااي في كيك
رنين / بيان / غنى : هاد اللي هامكم انتوا ههههههه
فرح ( اجت فجاة ) : حنين ووائل وطارق لسا بالطريق بس يجوا بتجيب ياسمين الكيكة
امجد : تعالي انتي اقعدي هون
فرح : ليه ؟
عمر : بده يحقق معك اهربي
فرح ( باستغباء ) : يحقق بشو ؟
قصي : عشان بشرتك تعبانة وبدك تغيري عن الطب، شو حابة تدرسي هي الدكتور امجد بساعدك
الجميع : هههههههههه
فرح : مين جاب سيرة بشرتي ( بتسبل عيونها ) هيني اسم الله عليي متل الملاك
امجد : منا بقلهم هالبنت خربطوا بتسميتها لازم ملاك بدل فرح
فرح : فعلا جيتي كانت محزنة بما اني البنت الخامسة، بس بابا الله يديمه ويطول عمره فرح بجيتي وسماني وفعلا طلعت اسم على مسمى
عمر / قصي ( بمسخرة ) : كثيييييير
فرح : بس ما فهمت ليه اغير التخصص ؟ صحيح زكرتوني .. ( بتلف وجهها وبتدور على شخص ) انس وين ؟
انس : هيني .. هي الأوراق بالسيارة ذكريني اعطيكي إياهم
فرح ( مبتسمة ) : يسلموووو .. ها شفتوا انا مستحيل احول ولا ابدل الطب نهائيا
انس ( عيونه على اسيل ) : واحكي لاختك الطريق اللي بتشوفني ماشي فيه تغيره
لا حول ولا قوة الا بالله، خلص ما في مجال المشاكل اليوم واقعة واقعة حتى لما نخطط نبعدها بتيجي ..
بس شكله في مشكلة من نوع آخر بين العشاق، ونقول الو ..
فرح ( مصدومة ) : شو الموضوع ؟ مزعلتيه ؟
اسيل ( بنبرة حزينة ) : ازعله بشو ؟ ليه انا بسترجي يا حسرة
ام بيان : له له عاد كنتوا صحاب كتير يوم ما شفناكم بالسيارة يوم السبت وبدرسك مالك قلبتي عليه ؟
اسيل : ….
أنس : مهو من هداك اليوم زعلت لاني حكيت لخالي زهقتني الطب وكنت امزح
الشباب ( بمسخرة ) : له له له يا انس .. اخص
انس ( بضحك ) : كنت امزح يعني اكيد ما زهقت الطب ولا رح ازهق بس خلص المعروف مع بعض ناس ما بجيب نتيجة
اسيل : …
أبو امير ( مستغرب ) : ما فهمت متى شفتيهم بالسيارة ؟ ووين ؟!
امجد : يوم السبت لما وصلناهم انا وانس نزلت فرح وانا كنت صافف السيارة وراه
فرح : يا جماعة مالكم وين الثقة وين المشكلة يلا سيرين كملي مالك سكتي ئي
سيرين : ما ضل الي نفس للمشاكل متحمسة اعرف شو مخبية ياسمينتي
الشباب ( بمسخرة ) : ياسمينتك ؟ نسيتي حالك قبل شوي شو كنتي تحكيلها ؟
سيرين ( استدركت حالها ) : كل اشي لحال
أبو امير ( بحزم وعيونه على اسيل ) : ما حدا جاوبني لسا ؟ فهميني شو اللي بحكوه الناس عنك ؟
اسيل ( مصدومة وبدها تبكي ) : بابا ! م م مافي اشي يعني ..
فرح : متل ما حكالك امجد بدون زيادة او نقصان
امجد : صحيح
عمر ( بغني ) :
خلاص بئى بيتكلم يرحم زمن السكووووت
كبر قوام وتعلم وخلاااص طلعله صووووت
انس : الله يرحم لما اجيتي متخبية ورى ظهر امك وانت بتعيطي عشان ادرسك الاحياء
منى ( معصبة ) : شو يعني بدك تخسر الاجر اللي كسبته ؟ واه كلمتك مو حلوة ولو انت مكانها كنت زعلت قدام خالها بتسمعها هالكلام شو زهقتك الطب ؟ يا عيب الشوم عليك يا حوينة تعبي وتربايتي عليك
امجد / انس : ههههههههه
أبو احمد : والله انا بعدني ساكت بقول هالولد كان اله ثم ياكل ما اله ثم يحكي ولسانه بنقط عسل فجاة هيك يحكي ؟ ومع مين ؟ والله لو مكان خالك الا الخمك هالكف احطم هالواجهة
امجد / انس : ههههههههه
فرح ( مقهورة ) : حرام عليكم عمو وخالتو مو لهالدرجة هية التانية حساسة زيادة، خدي الموضوع بروح رياضية وقولي اه والله يسلم ايديك ابن خالتي ما قصرت معي
أبو بيان ( بضحك وبقلد باسيل ) : مهي حكتلي عمو أبو احمد وصاني استفيد منه قد ما اقدر
الجميع : هههههههههه
أبو ماهر : خلص يا سيدي مشيله إياها، هي ابوه وامه ردولك حقك وزيادة
فرح : والله يا سيدي ما بطلعلها تزعل ابدا لو كنت واقفة معهم ما كنت خليتها تزعله ولوو هاد انس مو حيا الله
علاء ( بضحك ) : في حدا بعرف شو نوعية الورق اللي بسيارة انس ؟ تاعون فرح
احمد : شكلها أوراق امتحانات سنوات سابقة او ما شابه
فرح : مين حكالك انه الورق منه ؟ هدول أشياء الي وخليته يجيبلي إياهم بطريقه
انس ( بضحك ) : بتموني يا ملاك قصدي يا فرح
عدي : بدفع نص عمري واعرف امجد وانس على شو بضحكوا ؟
امجد : سلامة عمرك يا غالي اضحك تضحك لك الدنيا
أبو امير : لا حول ولا قوة الا بالله، أي عريس يا مها برن على طول وافقي اسيل وفرح مو ضروري عالدور اخلصي اول بأول
مها : اخلص ؟ من كل عقلك ؟!
هيثم : هههههههه طول بالك يا زلمة مو هيك الواحد بخلص بدها روية الشغلة، تروح تبلي أولاد الناس شو ذنبهم
الشباب : هههههههه
اسيل / فرح ( مو عاجبهم ) : شو قصدك خالو ؟
بعثلي احمد عالواتس يستفسر مني، على أساس انا عندي اسرار العشاق ..
احمد : ماله اخوك ؟ ليكون متمشكل معها عنجد بسبب هالكلمة
امجد : بتصير ليه عمرك ما سمعت عن مشاكل بين اثنين ؟
احمد : انا اللي سمعت
امجد : المهم استمر بالبهدلة مع اهلك عشان تلطف الجو لانه بنت خالتك قربت تعيط من ورا ضحكه
احمد : شكلها من أسبوع ما نشفت دمعتها
امجد : لا تخاف عليها دموع صناعية حبيبي لزوم الكيد
احمد : هههههههه يقطع شرك خبرة
////
مراد : خليني افوت اشوف ماما
امير ( مسكر الباب بايديه وجسمه ) : ممنوع حدا يفوت
يحيى : خلص مراد تعال نطلع عند الرجال
ريان : امير اسمحلي انا افوت
امير : ممنوع وبس .. يلا كلكم اطلعوا فوق
آدم : يلا يا شباب تعالوا نلعب مباراة
امير / زيد / ماهر / عمرو ( بصوت عالي ) : موافقييين
ريان / يحيى / مراد : …
وهون ببدا فصل جديد من حكاية عيلتنا، وجود آدم غير المرغوب فيه ..
ريان ( مكشر ) : ما بنلعب مع ابن زينة
يحيى : ناقصنا هيك اشكال
مراد ( حزين ) : ليه امير ما خلاني افوت كنت بدي اشوف الين
ريان : هيهيهيهي غيران على البنات
يحيى : عقله مثل عقل بابا هيك بتحكي ستي مها
مراد : خلونا نعمل اشي مفيد وين مصطفى يلعب معنا ؟
ريان : احلى شلة بالعالم .. يلا امشوا وراي
////
آيات : يلا ياسمين احكيلي شو الكيكة اللي بدك تجيبيها ؟
ياسمين : والله يا آيات ما الي نفس لاشي صار
ديمة : بتحكي جد انتي وسيرين خلص يعني تزاعلتوا ؟
ياسمين ( بتبكي ) : تخيلي تخوّني هيك قدام زوجي والعيلة ؟ شو بدي احكي لاحمد هلا عشان يقتنع انه حمزة ما بهمني ابدا
آيات ( مصدومة ) : معقول كل اللي صار مو كزب ؟ انا كنت مفكرتكم بتتخوتوا
ديمة : انا ريم حكتلي انه سيرين غمزت ياسمين شكلها شايفة غلط اختي
ياسمين ( مبستمة ) : وريم بتراقب بدقة ماشاءالله، كشفتنا يعني ؟
ديمة / آيات ( بعصبية ) : ياسميييين ! بتعيطي ولا بتضحكي ولي ؟
حنين ( اجت فجاة ) : مرحبا مين بعيط ومين بضحك ادخل ولا الف وجهي واروح
ياسمين : اهلا اهلا لا ادخلي برجلك اليمين
ديمة : انا لو مكانك بروح
آيات : وانا كمان
////
وائل : السلام عليكم
الجميع : وعليكم السلااام يا حيا الله بابو ليث
أبو امير : تفضل عمي تاخرتوا شوي بس ما فاتكم اشي
امجد : وين طارق ما اجيتوا مع بعض ؟
رنين : قرب يوصل طارق جاي من بيتنا مرق عليه بالاول
امجد ( بمسخرة ) : يا الله دخيلك حظ صاحبي بفلق الصخر، ماله محكوم ولا عارف يصير مثل ما بدي
غنى : خلينا نشوفك انت كيف رح تكون عشان نقارن مين محكوم اكتر ؟
امجد : لا انا من يوم يومي اسد حزين، انخلقت اسد وسابقى اسد حتى لو كسى الحزن عيوني الجميلة
منى : اتجوز واحزن قد ما بدك
علاء : قصدك اللي بتجوز بعيش بحزن ؟
وائل : ههههههههههه يمكن
عمر : حسب انت شو حابب تكون ارنب سعيد او اسد حزين مثل ابن خالتك ومثلي ومثل ابن حماك
علاء : انا يا حبيبي اسد سعيد وحياتك
الشباب : ههههههههه كفو
ريم : احلى اسد بالدنيا
علاء ( رمالها بوسة بالهواء ) : احلى غزالة
أبو احمد : الحزن يكسو ملامح اولادكم يا حرام
انس : اللي حابب ينبسط ويعيش بعيش والله يا با بدون هالفلسفة عمره الزواج ما كان بحاكم ومحكوم طول عمرنا شايفين بينك وبين امي التفاهم والحب والاحترام، بس للأسف عقلهم مو مساعدهم
منى : خليني اشوفك يا اللي بتتفلسف عليهم، انت شقفة بنت درستها كلمتين حملتها ستين جميلة بكرا مرتك لو عملتلها كاسة شاي بتنشرها بالصحافة
البنات : ههههههههه حرام عليكي خالتو تقلتي عليه العيار
انس : مع صورة ولا بدون بنشرها ؟
الشباب : هههههههههه حسب جمالها اذا خرج تنتشر او لا
فرح : اكيد رح تكون ملكة جمال صح انس ؟
منى : لابقله والله
مها : بعدين معك انتي ؟ معه حق زودتها اسيل كل شوي بدها تستنزف فيه يدرسها اما تفهم اختها كلمتين بتصير تعيط ومو ملحقة ومو فاضية
انس ( بغرور ) : احكيلها خالتي بلكي تحس اني على حق شوي
فرح : لا معلش ماما والله ما بتقصر معي بتدرسني بدون ما تشوفوها، بالعكس اشطر من انس بحسها
أبو قصي : طلعت عالتقاعد بكير امجد يا عمي كان ضليتك شوي تكمل للستين
امجد : هههههههه شايف
أبو امير ( مو عاجبه ) : رنين شوفي جوزك مطول خلينا نشوف هالكيكة شو قصتها وتخلص هالقعدة
رنين : انا ما حكيت استنوه بس يلا هلا بشوفه
مها : وين حنين وليث وسيلين اشتقتلهم
وائل : فاتت على بيت سيدها شافت ياسمين والبنات وسيلين معها واكيد ليث عن الباب استلموه أصحابه
////
حنين : كل هاد صار هلا ؟
ديمة : يختي فهمينا مالها اختك اليوم ؟
حنين : علمي علمكم انا من يوم السبت ما شفتها
آيات ( رافعة حواجبها ) : حنين !! معقول ما بتعرفي ازا ياسمين حامل او لا ؟ موزعة بلالين ازرق وزهري يعني واضح انها عارفة شو جنسه كمان
حنين : حبيبتي اخوكي عمللها عقدة وهوة بده بنت، معقول تسترجي تحمل افرضي جابتله ولد ؟
ديمة ( بنبرة حادة ) : اخر مرة بنسالك .. يا سمين حامل ؟
////
طارق ( دخل فجاة ) : السلام عليكم .. انا اجيت واعتذر على التاخير
أبو امير ( بلهفة ) : نورت عمي تعال اقعد يلا نادوا على ياسمين
////
ياسمين ( قاطعتهم وكنت وحاملة كرتونة كبيرة ) : يلا بنات الحقوني هي طارق وصل
التفتوا عليي وكانت وجوه آيات وديمة ما بتتفسر من العصبية وواضح انهم اخدين على خاطرهم مني، بس كنت مجبورة اخبي كل اشي حتى السر مع سيرين حتى نوضح بعض الأمور، وتحت رغبتها ..
////
احمد ( بحكي تلفون بنبرة حادة ) : يلا خلصينا وينك ؟
ياسمين ( مزعوجة ) : هينا عالدرج
هيثم ( بعصبية ) : طيب هسة بتيجي احكي منيح معها
احمد ( ماسك حاله ) : لا تتدخل برجع بعيدلك إياها للمرة المليووون فهمت ؟
أبو ماهر : شو هاد انت واياه ؟
أبو احمد : احمد !! هاي اخر مرة انبهك احكي بادب مع خالك
عدي : جهزوا الصحون والشوك يا غنى
رنين : قومي يا بيان نحضر كل اشي احنا
بيان : بخاف يروح عليي اشي خلينا قاعدين شوي ههههه
يحيى ( بنط من الفرحة ) : ماما اجت ومعها اشي كبير كتيييير
احمد : تعال هون انت وين اخوك ؟
يوسف : هيني بابا
ياسمين : يلا فوتوا يا أولاد تعالوا كلوا كيكة
ام ماهر : هاي حلوان صلحتك مع امك يا ستي ريت حبل المودة ما ينكطع
هيثم ( بضحك ) : عنجد ؟ متى تصالحتوا ما حكيتولنا، احمد انت بتعرف ؟
احمد ( مكشر ) : لا والله معقول اعرف اشي اكثر منك ؟ بستنى فيك تخبرني وبالمرة بتحكيلنا شو مخبية مرتي
هيثم ( ضحكة مستفزة ) : ههههههههه يا عمري انت
وقفت جنب ياسمين بوسط الصالون وقدامنا قالب جاتو كبير مغطى بعجينة سكر لونها ابيض ومزينة بقطع بلون ازرق وزهري بتخص البيبيات ، كانت بترجف من خوفها واحمد ما كان منيح ابدا معها وقدامنا كلنا ..
اجا الوقت اللي تكشف فيه السر اللي خبرتني عنه من ثلاث ايام، وساعدتها فيه قد ما اقدر ..
________________________
____________________
لما حكت معي ياسمين تسالني عن الموضوع اللي حكينا فيه انا واحمد، حسيت انها مخبية اشي كبير كثير ومو قادرة تحكيه الا بتشجيع كبير ..
ياسمين ( بلعت ريقها ) : خالو انا لازم احكيلك شغلة، بالنسبة لاحمد انا عارفة كتير منيح شو اللي بده ياه
هيثم ( باهتمام ) : حلو .. طيب احكيلي شو ؟
ياسمين : بده بنت
هيثم ( نص ضحكة ) : طالعة لامها
ياسمين : طالعة لابوها عالاغلب .. خالو انا حملت وبدون ما احكي لاحمد وهالشهر هاد ببين عالاكيد شوفيي بالضبط
هيثم ( مصدوم ) : لحظة لحظة شو حكيتي ؟ ياسمين انتي حامل !!
ياسمين : … اه
هيثم ( بنبرة حادة ) : شو موقفك قدام زوجك وانتي مخبية عنه هيك اشي وعارفة انه بستنى هالخبر
ياسمين : بستنى أكون حامل ببنت .. لو حكيتله رح اعيشه على اعصابه وبقلق
وجهة نظرها اقنعتني وحسيت بكمية وجع بقلبها لا يستهان بها، ما بعرف على شو كل هاد ومتاكد انه احمد ما رح تفرق معه ولد او بنت بغض النظر هو شو حابب ..
بس ياسمين بعملتها حطت احمد تحت الامر الواقع تماما مثل موضوع تعليمها للسواقة، حتى لو انها مو قاصدة لكن خوفها من ردة فعل احمد موتريتها ..
ياسمين ( بتبكي بحرقة ) : خايفة يطلقني
هيثم : من غير شر يا بنت شو هالحكي ؟ احمد ولا يمكن يرجع يغلط هالغلطة مرة ثانية .. ما بشد على أيدك وبقلك خير ما عملتي لكن بما انه هدفك الخير فاكيد رح تقدري تقنعيه
ياسمين : لو حامل بالغلط بحكيلك انه كلامك صح، بس للأسف انا حملت بارادتي
هيثم ( بمسخرة ) : مسكين هالزلمة مضحوك عليه يا حبيبي
ياسمين : هههههه شفت
////
منى : هيك يعني ؟ وشو المطلوب مني اعمله !
هيثم : شوفي منى البنت متعقدة من أمها وبتقلك انا ما بدي اتحول لارنبة واضل احمل واجرب يعني جبت ولدين الحمدلله. وزوجي بده بنت اضل احمل لحد ما اجيب بنت هالحكي مرفوض تماما بالنسبة الها
منى : والله ابني غريب اطوار، مو ملاقيله قصة ينشغل فيها .. هاي رزقة من ربنا الحمل بحد ذاته بايد الله وما حدا بقدر يتحكم فيه
هيثم : هسة انا واياكي وياسمين متفقين على هالنقطة، بتمسكي كنتك بتروحي انتي واياها على دكتورة او وين ما بدها وبتلاقوا حل احسن ما ابنك يطلع من ثوبه
منى : وبكرا بس تيجيه بنت ما بخليها تتنفس، استغفر الله العظيم
هيثم : لا تخافي عليه بعرف يربي، انتي اعملي مثل ما حكيتلك
منى ( تنهدت ) : ماشي امري لله
في اليوم التالي >>
منى ( مصدومة ) : حامل !
ياسمين : …
الطبيبة : بالشهر الخامس، اول مرة بتفحصي ؟
ياسمين : لا فحصت بالشهر التالت
منى ( بفضول ) : وما بين البيبي ولد ولا بنت ؟
الطبيبة : اكيد بين
________________________
____________________
احمد ( وقف وكتف ايديه ومشي باتجاهنا ) : مالكم سكتوا يلا كملوا
ياسمين ( بتحاول تكون قوية ) : يا جماعة انا حامل وبما انه احمد نفسه ببنت فحابة اشوف ازا ربنا استجاب دعاؤه او لا .. وبدي منكم تحزروا ولد او بنت
الجميع ( مبسوطين ) : مبااارك
احمد : اذا ربنا استجاب دعاؤي ؟ ولك شو بتخبصي
ياسمين ( متابعة ) : وكل مجموعة تيجي توقف جنب بعضهم هون حوالين الكيكة عشان لما يقطعها احمد تكشفوا شو لونها من جوا وازا كان نفس اللون اللي معكم اتطيروا البلالين بالهواء
ام بيان : ههههه حبيت الفكرة يا ريت هيك عملتي يا مها وقت امير او ريان
مها : شفتي ههههه
احمد ( مصدوم ومعصب ) : حامل ؟ وكشفتي شو فيكي كمان ؟ أي شهر صرتي يعني !!!
أبو احمد ( عيونه على منى ) : تقومي بالسلامة يا عمي المهم الخلقة التامة
ياسمين : الله يسلمك
علاء : شو بدك احلى من هالمفاجاة .. يلا ريم احنا بالوناتنا لون زهري اكيد عروسة مصطفى عالطريق تعال بابا انت وقف معنا
مصطفى : شو يعني عروستي ؟
هيثم : ههههههه طيب لا تستعجلوا خلينا نكشف المستخبي اول
احمد ( بقهر ) : عأساس انت ما بتعرف
رانيا : شو دخله يعرف ؟ مالك اليوم عليه ! شكلها عين صابتكم انت وحمزة وهيثم
سيرين : هههههه عين وصابتهم ؟ معقول !
رانيا ( بنبرة حادة ) : مالك بتتمسخري ؟
امجد ( بصوت عالي ) : يلا ياسمييين اكشفيلنا المستور جعت انا بستنى بالكيكة
ياسمين ( ناولت احمد سكينة ) : اقطعها حبيبي
ما كان احمد منيح ابداً وبانت عليه علامات عدم الرضا عن ياسمين وبداية زعل جديد بحياتهم، توقعها بمحله بس مجبورة تتحمل النتائج ..
////
لما قطع احمد الكيكة وكان لونها زهري، كان رح يغلط ويضحك بس قاوم بكل جهده ..
منى / نهى / مها : للللللييييييش
علاء : والله انا بدي ازغرد كمان لللللييييش
امجد : وانا كمان للللليييييش
عدي ( حضن احمد ) : يا زلمة الف الف مبارك وأخيرا رح تيجيك بنوتة نحبها وندلعها مثل ما بتعمل مع بناتنا
وائل ( قرب يسلم عليه ) : مبارك أبو يحيى الله يجيبها بالسلامة
احمد ( بهز راسه وصوته مهزوز ) : شكرا الله يبارك فيكم ويحفظلكم بناتكم واولادكم
امجد / عمر ( بغنوا ) : يا بنات يا بنات يا بنات ..اللي ماخلفش بنات .. ماشبعش من الحنية ولا داقش الحلويات .. حلوة الايام ف عنيا علشان خلفت بنية .. ولا شفت الارض اتهدت ولا مالت الحيطة عليا
قطعوا الكيك بعد مباركات لاحمد وياسمين واهاليهم، رغم الاجواء المشحونة بس حاولنا نخفف على اخوي ومرته قد ما نقدر ..
بس اللي ما كان بالحسبان صار، والظاهر سهرتنا اليوم مولعة بالاحداث اللي مثل النار ..
حمزة ( اجا فجاة ) : مسا الخييييير .. صحة صحة بس المهم خبيتولي صحن ؟
التفتت رانيا وسيرين على الصوت، والصدمة اكلت وجوههم، اما هيثم واحمد اتطلعوا ببعض وسكتوا وما ردوا حتى السلام ..
بس في شخص ما كان عاجبه ابداً مجيء حمزة المفاجئ، ولا سلموا على بعض كمان ..
أبو علاء : مية هلا بابو عمرو، طولت علينا يا عمي
سيرين : …
حمزة ( مبتسم ) : هوة انا بقدر أطول عليك، هيني جيتك بس خلصت كم شغلة عليي مأجلهم من زمان
رانيا : …
أبو ماهر : الله يعطيك العافية، هاتي صحن يا سيدي خليه يشاركنا الفرحة ويتحلى
حمزة : صحتين وعافية، خير فرحونا معكم
علاء : احمد جاييته بنت
حمزة ( رفع حواجبه واتطلع بوائل ) : والله ؟ شو هالخبر الحلو الف مبارك يختي ياسمين فرحتيني
كانت رح ترد عليه ياسمين بس نظرات احمد سكتتها لا شعوريا؛ واستغل السؤال ليفتح محادثة معه ..
احمد ( بجمود ) : الله يبارك فيك ان شاءالله بنفرحك دايماً، واحنا فرحنا بشوفتك بعد ما قالوا ما رح تيجي اليوم
سيرين ( باستفزاز ) : صحيح كان اجيت انا واياك
حمزة ( بحنية مصطنعة ) : حكتلك حبيبتي بخاف اتاخر وتروح عليكي السهرة كلها فقلت خليكي تكسبيها من أولها
رانيا ( متوترة ) : شفت هالمفاجاة ما كنا متوقعين والله .. ياسمينتي رح اشوف بنوتة الك حبيبتي
ياسمين ( بتهز راسها ) : تسلميلي
مها : يا عيني وهي كملت شلتكم يا صبايا وصار عند كل وحدة فيكم بنت، جهزوا حالكم يا شباب المستقبل
البنات : هههههه فعلا الشلة رح تكون فوق التوقعات اكيد
يا الله على منظر حمزة وهو بكذب، كان نفسي انكسه بس كنت مركز بالموضوع الأساسي اللي اجيت مشانه اليوم؛ لانه حمزة اخذ من وقتنا كثير ونكد سهرتنا بسيرته، غمزت لابوي عشان يفتح الموضوع ..
أبو احمد ( بقلب نظره عالجميع ) : خلينا نزيد الفرحة ونستغل الحاضرين واحكي اللي كان لازم احكيه من سنين
الجميع ( بانصات شديد ) : تفضل
أبو احمد ( باشرلي اقعد جنبه ) : بلا طول سيرة بما انه كان متوقع انه اليوم نزور دار خاله محمود نطلب ايد كريمته، واستشرنا العريس والعروس واخذنا رايهم وانتشرت اشاعة بانه امجد ما بده يخطب .. اليوم رح احكيلكم الكلام الصح وامحي الاشاعة واطلب رسمياً ايدها بناءاً على طلبه ليكون مكان خطبتهم ببيت سيده مثل ما طلبها اول مرة مو ببيتهم الجديد ..
امجد ( متابع ) : كنت حابب اعطيها فرصة بعد اللقاء الأول النا بما انه افترقنا فترة طويلة ست سنوات تقريبا، فكان من الضروري نتخذ القرار الصح
أبو بيان ( مقهور ) : وبخمس أيام قررتوا ؟
امجد ( مطنش وعيوني بعيونها ) : بتقبلي تتجوزيني حبيبتي ؟
الجميع : ههههههههههههههه فظيع
ام عدي : يعني لو بدها تتدلل بطلت
منى ( بثقة ) : الدلال بتلاقيه عنده وبس، بدون شريك حياة بحبها وبحترمها الست ما الها حياة أصلا
سيرين : خالتو الحياة بطلت متل هيك من زمان، لانه طول ما احنا رابطين حالنا بشريك حياة مشان نكون سعيدات بحياتنا رح نغوص بالتعاسة اكتر
حمزة ( بمسخرة ) : ما فهمت مين المقصود انا ولا امجد بهالكلام ؟
سيرين ( بقهر ) : الرجال كلهم بدون استثناء
استغفر الله العظيم، سيرين نفسي افهم مين حطها بوجهي اليوم ..
امجد ( مزعوج ) : ما سمعت جوابك ؟ موافقة تتجوزيني بدون خطبة عشان قرب سفري، ولا بدك تستنيني لما ارجع ولا ما بدك اياني نهائي ؟
ام بيان ( مصدومة ) : وين تسافر ؟
بيان ( بهدوء ) : على المانيا ماما .. ممكن افكر بالموضوع لو كان خطبة مو زواج
البنات : بس بكتب كتاب مشاااان الله
امجد : ما بكتب كتابي وبتركك، اما زوجتي او بلا
احمد : مو قبل شوي قلتلها خطبة او زواج او بلا ؟
انس : قصده خطبة بدون كتب كتاب عشان اذا لقى المانية يضل هناك ههههههع
قصي : يلاقي المانية ؟ يا حبيبي انت قول المانية يقبل فيها ويعبرها، مستخف فيه ولك هاد امجد على سن ورمح
امجد ( بمسخرة ) : اهئ اهئ اهئ يا حبيبي يا قصي كيف بدي اسافر واعيش بدونك مين بده يعرف قيمتي هناك
عمر / قصي / انس : هههههههه