---

#تاج
#بقلم_ترانيم_الامل

يوم اسود ؛ فيه انهدم كل الحب ، كل الثقة التي ماتت قبل أن تولد ..
حياة باكملها ، انهدمت من اجل مزيج من الغيرة والحقد الاسود ..

كل يوم بزيد حبه بقلبي من اليوم اللي قبله ، بحمد ربي على هيك حياة متكاملة جميلة ، رغم العثرات اللي فيها . بس هو متل قطعة سكر ، بنسي طعم المر اللي بمر بكل ثانية بهل حياة ..

تاج : وسيم حبيبي صباحو قوم عشغلك يا عمري
وسيم : اووه شو هالصباح الحلو و قهوة هوون ؟ شو هل دلال ، وين احمد؟
تاج : بغرفته صحي من بكير و اعطيته العابه
وسيم : ( ضمها لحضنه) ضروري الشغل خليني احكيلك كم كلمة
تاج : هههههه لاا بعدين الكلمات يلا قوم عشغلك يا كسلان

لبس وسيم ، و قبل ما يطلع ، طبع على جبينها بوسة حب ، و حنان ، و شكر ، ع تعب مقدر قيمته ..
اما تاج ، فهي متل اي ست ؛ همها ترتيب بيتها ، وتنضيفه ، و راحة عائلتها ..
برغم الغلط الي بتسمعه كل يوم من حماتها ، الا انها بتتحمل حتى ماتزعل وسيم ..

ام احمد : وين يا قتالين وين يا حرامية ابصر شو بتعمل بحفيدي افتحي الباب يا حقيرة

اخدت نفس مليان صبر وقوة ، لتحمل كل هل الاهانة ..

تاج : اهلين مرت عمي كيفك ؟
ام احمد : لا اهلين ولا سهلين بيني وبينك ما في كلام ، بينا بس حرب وثار ، دم احمد لسا ع ايدك انتي وخالك
تاج : مرت عمي كل مرة نفس الحكي و رح عيد مرة وتنين وعشرة ، خالي مات زي ما مات احمد ، و ماتوا و سرهم مع بعض ، ليش قتلوا بعض ما حد بعرف ، مات احمد و مات خالي خالد ، و الله عوضنا ب احمد هو حفيدك مرت عمي ، هل مشاكل ما بتأثر غير ع وسيم وسعادته و بس
ام احمد : لو في اخر نفس الي بالدنيا ، راح اخد حقي منك و من عيلتك ، و رح احرق قلبك متل ما حرقتي قلبي ، بعدي هييك تعال يا ستي تعال يا حبيبي هيقتلوك متل ما قتلو عمك

اخدت احمد و راحت متل كل يوم ..
قعدت و حطت ايدها عراسي ، و بكيت من صغر الدنيا وظلمها ..
من حكمها الظالم على ناس مظلومين ، و رجعت أكمل حياتي اليومية ، من ترتيب و تنضيف..
اما عقلي بمكان تاني، و شتت تفكيري رنة الجرس ..

وسيم : يعطيكي العافية يا عمري كيفك وكيف البيبي ؟
تاج : منيح بس حركته بتغلبني هههه ، وسيم حبيبي روح جيب احمد
وسيم : تاج انا بدي احكي معك ب موضوع ، امي ست كبيرة لا عاد ترمي عليها احمد ، بعرف بتتعبي بس ساعديها شوي
تاج : ….
وسيم: مالك ليش بتبكي ؟
تاج : ح.. حاضر وسيم خلص متل ما بدك انا تعبت ضل خبي مابقدر
وسيم : اهدي واحكي شوفي انا معك
تاج : امك كل يوم بس تطلع بتاخد الولد بتخاف انو اقتلو متل ما خالي قتل اخوك كل يوم بسمع اهانة وغلط وبتحمل علشانك انت
وسيم : انا.. انا اسف ماكنت بعرف هيك … ليش خبيتي عني ليش ماقلتيلي ع اساس تعاون و مشاركة
تاج : وسيم انت بتجي من شغلك تعبان الله يكون معك
وسيم : حبيبتي ربي ما يحرمني منك ومن قلبك الطيب ، ما تزعلي من امي ، هي مو بوعيها قليلة هو ابنها رح جيب احمد واجي

كملت يومي كأنه ما صار شي ، تعشينا و رحت نيمت حبيبي احمد متل اي يوم ..
صحيح روتين لكن انا بعشق هل روتين الي فيه وسيم غيرت وجهزت حالي للنوم ..

تاج : نمت حبيبي
وسيم : لا ما نمت يا عمري تعي لحضني ، اوووه ما احلا هل ريحة يحميلي ياها اللي صايرة متل الطابة
تاج : بس وسيم ههههه صرت طابة من حالي جد تعبت
وسيم : احلا طاابة بالدنيا كلها كم شهر وهترجعي احلا وحده بالدنيا يلا ياقلبي طفي هالضو خلينا ننام

___________________

صحيت الصبح ، و كانت متل الصغار نايمة وبطنها مكشوف ..
كل البرائة متجمعة فيها ، تاج هي ملجأي و فرحتي بلشت تصحى وتفرك بعيونها ..

تاج : صباحو ليش ما رحت شغلك ؟ اتاخرت هسا بقوم اعملك قهوتك وتيابك جهزتهم من امبارح
وسيم : ياصباح النور و لك عشو مستعجلة يعني ممنوع تضلك بحضني شوي لازم تحرميني اتطلع بالطفلة الي عندي
تاج : الله ما يحرمني منك ياعمري وسيم انا بحبك و الله
وسيم : هههههه و انا و الله ، ييييي تصدقي مافي وقت لا لقهوة ولا لشي خلص خليني بالبيت
تاج : لك لااا ههههه روح عشغلك يلا قووم

بلشت تنضيف و ترتيب البيت ، و متل اي يوم خالتي ام احمد طلعت تنده وتشتم ..
و هالمرة التموا الجيران على اصواتنا ، و بالاخر اخدت احمد و راحت ..
وقفت عاجزة ، ما قدرت احكم على ابني يضل بحضني ، كان كل خوفي تربيه عالحقد والكراهية الي بقلبها تجاهي ..

ام مجد : فيني افوت يابنتي
تاج : اتفضلي خالة
ام مجد : بصراحة انا و الجارات كنا نكرهك و نحقد عليكي لانو ام احمد انسانة واعية و فهمانة ، بس اليوم اول مرة بشوفك و من شكلك انك انسانة منيحة ، احكيلي شو قصتك ؟
تاج : ههههه اااخ ما اطيب قلبك يا خالتي ، جد مرت عمي ما في اطيب منها و اللي بينا لا بايدي و لا بايدها ، بس القصة كنا مخطوبين انا و وسيم ، اما احمد كان انسان متسلط و صاحب خالي خالد ، كانوا التنين كتيير رفقة و التنين مجانين بحبوا البنات ، و بشربوا ..
و بيوم اجا خبر انه خالي قتل احمد ، و قتل حاله ، كانت صدمة النا والهم ، و من هداك اليوم كرهتني خالتي ، اييييه اكيد بيوم رح تنسى
ام مجدى: الله يحنن قلبها عليكي يابنتي ، انتي ب اي شهر ؟
تاج : اول التاسع ما ضايل شي و برتاح
ام مجد : الله يقومك بالسلامة حبيبتي ، هه انا صار لازم روح كنتي بالبيت بس حبيت اتعرف عليكي
تاج : نورتيني خالتو بتشرف فيكي الله معك
/////

اووه هيك خلصت شغل بكير ، احسن شي رح غير و زبط حالي ، بكفي يشوفني بالبجامة كل يوم ..
يوووه مين بدق الباب معقول يكون وسيم ، روح بكير ههههه

_مرحبا
تاج : ا انت مين ؟ شو بدك ؟ لك اطلع برا البيت والله بلم عليك الدنيا كلها
_اسمعي اي صوت من شعرك بجيبك وبخليكي تترحمي ع اللي ببطنك
تاج : بوس ايدك ارحمني ، اطلع من هون ، حماتي تحت و زوجي شوي هيجي ، و انا حامل هيقتلك ويقتلني ، بترجاك روح و الله ما رح احكي عنك و لا بعرفك شوف بدك فلوس ذهب خد بس روح
_هصص يلا ع غرفة النوم شو بتجنني و انتي حامل

بهل اللحظه كان وسيم جاي ع البيت و هو خايف و مرعوب اول ما شاف المشهد اللي رتبوه ضدي حسيت تلاشت ثقتو فيي ..

وسيم : لك تاااااج شو هاد ميين هاد لك يخرب بيتك الله يلعنكم مين انت
تاج : وسيم الحقني هو اتهجم عليي مابعرفه ، الحقني مشان الله
_اسمع اخي هي حكتلي المي فيها مشكلة وتعال صلحها ما لقيتها الا بدها توقعني
وسيم : ياا واطي ياا حقيرة ، لك اطلع من هون انقلع ، و انتي انا بشو قصرت بحقك لك انا حبييتك ، و لك تاااااج كسرتي ضهري و الله ياتاج ل اخليكي تحلمي بالموت والله ، و لك كلكم غداارين
تاج : اسمعني حبيبي وسيم و الله مابعرفو هي لعبة اكيد ، في حدا بده يخرب بيناتنا ، صدقني وسيم بحلفلك ما بحب غيرك
وسيم : هصص اخرسيي اللي ببطنك من ميين ااه ؟ انتي كل مرة بتظلمي امي ، لك كل يوم بشوفك معفنة بالبجامة و اليوم بفستان و عطور ، شكله غالي عليكي ، لك ماا بدك ياني كنتي احكيي ، و الله كنت بحبك …
تعييي لشووف انتي مابلبقلك غير الحبس و بس ، رح تضلي بهالغرفة لتموتي وانسيه ل احمد انسييه

ليلة قاسية بالنسبة الي ياترى مين دبر الي هالمكيدة ؟ ، مين عمل هيك ؟ ..
شو هيصير ما بعرف ، كيف اي شخص بقدر يظلم حد بهالقسوة ..

انا كنت بدوامة كبيرة معقول عايش بكذبة ؟ ، حبي الها كان قادر يكذب الحقيقة ، اما عقلي ما بستوعب غير اللي شافه ..
تحول حبي الها ل انتقام ، فكرت كتير شو اعمل ياترى اذا طلقت ، هتتزوجه و تروح و رح اعمل الي بدها يااه ..
لا مارح طلق ، رح ذلها متل ما عملت هي ..

////

طلع الصبح ماكان حد بينا دايق النوم سمعت صوت الباب هي الي فيقتني من كابوس صعب ..

وسيم : مين
ام احمد : صباح الخير ابني من امبارح ما اخدتو احمد مني ، و نام عندي ، ابني انا تعبت مرتك كل يوم بتبعتلي ياه

سمعت كلماتها اللي كلهم كذب و نفاق ، ما قدرت اسكت بلشت اصرخ لحتى سمع الكل اني مظلومة ..

تاج : مرت عمي انتي عم تكذبي انا مظلومة

ماخرسني غير صرخة وسيم بكلمة ( اخرسي ) ، اول مرة بشوفه بهالقسوة وهالحدية ..

ام احمد : لك ابني شوفي مالها مرتك
وسيم (قرب ع امو و طبع بوسة عجبينها) : سامحيني بترجااكي امي انا تعبااان ، انا اخترت غلط ، تااج خانتني يا امي كسرت ظهري ، ااااخ شو تعبان شو مقهور كل اللي عشته كذبة
ام احمد : مو ابني الي ببكي ع بنت قوم حبيبي انت اقوى من هيك ، طلقها اللي بتخون مرة بتخون الف مرة ، يمكن اللي ببطنها مو منك ، بعدين … بعدين كيف عرفت ؟
وسيم : من فترة عم توصلني مسجات انه لازم طلق تاج ؛ ليعيشوا مع بعض وانه بحبوا بعض ، و امبارح وصلني مسج انه هو بالبيت ، لك كأنو فيلم او كابوس
_______________
___________

قررت ابدأ من نقطة الصفر ، بداية لاخد حقي من الخيانة ، اللي بدون مبرر ..
رح عاملها كانها خادمة مش اكتر ..
لبست تيابي ، و رحت عشغلي متل اي يوم ، بس عملت تعديل بسيط ..
سكرت الباب عليها ، قررت التزم بالصمت بالوقت الحالي ..

كنت بسمع صوت احمد بعيط ، ماعم بقدر اوصله ، و لا اقدر احضنه ..
اعذرني يا امي ، انا وقعت في مؤامرة ، حاكموني بذنب مش ذنبي ..
حسيت اني متل المجنونة ، معقول انا بخونه ؟ ، لا مش معقول ..
طيب مين هاد ؟ ، كيف دخل حياتي؟ ، كيف عرفتوا ؟ ..
لازم اعرف لازم اعرف ..
بعد تفكير طويل ، طلعني منه صوت الباب اللي عم يفتح عليي ..
كان انسان ما بعرفه ، غير وسيم ..
انسان نظرة القرف ممزوجة بانتقام بعيونه ، انسان انا فعلا عم خاف منه ..

تاج : وسيم فينا نحكي ؟
وسيم : اتركي ايدي معلش ؟ ، قومي اعملي اكل وجيبي مي بدي غسل رجليي

عملت متل ما بده ، كان كل القهر بقلبي ..
عم بكتم جواتي حتى ما زعله ، كنت بتمنى كون خاينة ، حتى ما شوفه ندمان ع اللي بعمله ..

بهاللحظة ، و انا عم اغسل برجليه صابني وجع ..
تجاهلته كتير ، لكن الوجع موجود وعم بيزيد ..

تاج : وسيم وسيم تعباانة
وسيم : خير نعم ؟
تاج : وسيم انا عم اولد والله تعبااانة
وسيم : روحي بلا كذب
تاج : وسيم بترجاااك بوس رجلك عم مووت
وسيم : ماعم تمزحي صح ؟ يا الله شو اعمل لحظة رح ابعت احمد ل امي استني ماتتحركي

للحظة كنت حابة يضل هالوجع ، حتى يرجع معي متل قبل ..
وصلنا المشفى ، و كنا عم نستنى بالدكتور الكل طلع ما بقي غيري و غيره ..

انا عم شوف دموعها وصبرها عالوجع ..

وسيم : بتتوجعي؟
تاج : تعباانة
وسيم : كسرتييني ليش عملتي هيك لييش
تاج : ساامحني .. انتبه ع احمد .. انا عم مووت تعباانة
– فيك تطلع هسا رح نفحصها ولما تولد هتفوت

كنت بسمع صوت صرخاتها ، اتمنيت تموت و هي عم تولد لاقدر اسامحها ..
دموعها ، بحة صوتها ، حتى نظراتها ، مو غايبين عن عيوني ، و لا حتى خيانتها ..
سمعت صوت حياة ، هي بنتي اللي اجت تنور حياتي .. بنتي !!
معقول تكون مني ولا هي نتيجة خيانة تاج ؟
دخلت لشوف هالبنت ، و كانت متل القمر ..
اما تاج لمحتها ، حتى ماتحس وكانت كلها تعب ..

وسيم : انا .. انا بدي اعمل فحص الابوة بدي اعرف هي بنتي او لا ؟
تاج : لاا لاا وسيم لا ما عملت هييك انا ، ما رح ساامحك
____________________
______________

ما قدرت الا اعمل هاد الفحص لاقدر عيش بدون شك ، كانت عيونها دمع ، وشعرها مبلل من العرق ، و التعب .. و وجهها شاحب ، حتى صوتها مبحوح ..
ما قدرت شوفها هيك ، حتى بعد الي عملته ، انا بالاخر انسان ما بنكر حبي الها ..
اتداركت نظراتي الها ، و قلت رح اطلع من الغرفة ..
مسكت ب ايدي . .

تاج : وسيم
وسيم : بسمعك
تاج : و حياة الشدة اللي انا فيها ، و حياة حبي الك ما رح سامحك ماا رح سامحك وسييم

طلعت من الغرفة ،ةو صوتها بتردد بذاني ( مارح سامحك مارح سامحك ) ..
لاازم اقوى ، هي الخاينة مو انا ..

جهزت اوراق الخروج ، و صار وقت نوصل بيتنا ..
فتنا البيت ما كان في اي اجواء فرحة ، ولا حتى حب ..
كنت بتمنى اني موت بالولادة ، و لا ارجع على هالجحيم ..
لمين راح اشكي ، و اهلي ممنوع حاكيهم و لا يحاكوني ..

وسيم : روحي افتحي الباب بدل ما انتي قاعدة
تاج : وسيم ارحمني تعبانة مابقدر قوم
وسيم : خلص خلص اسكتي انا بفتحه
ام احمد : مبروك حبيبي تتربى بعزك ، احكيلي اتاكدت انها بنتك؟ مابدنا نربي ولاد غيرنا
تاج : ولك ربنا ينتقم منك ، انا اطهر منكم كلكم هااتي بنتيي ، اتركييني اطلعي من حياتي
وسيم : اخرسييي ، ما بدي اسمع صوتك ، فوتي لجوا ، اعذريني امي اقعدي
ام احمد : لا خليها هون ، لتعرف انو انا رح جوزك بدي افرح فييك
وسيم : ان شاء الله امي ان شاء الله

قضيت وقتي ع التلفزيون ؛ حتى حاول ما احاكيها او اعبرها ..
بطلت اسمع صوت عياطها ، خفت ..
قلبها تعب من اللي صار تاج مع غلطها عم تبكي ..
مشيت ع اطراف اصابعي ، وقفت فوق راسها ..
كانت زي الملاك الصغير ، وجهها صافي ، و فيه مليون قصة ..
قررت احكيلها اللي بقلبي زي ما تعودت ، بس هحكيه و هي نايمة ؛ لانه الحكي ما رح يجيب نتيجة ..
( اشتقتلك تاج ، كان نفسي افرح ببنتي ، بس انتي خنتيني ، لو قلتي و الله لاعطيتك قلبي ، اااخ يا تااج قتلتييني ) ..
حكيت الكلام ، و دموعي ما توقفت ..
طلعت من الغرفه بسرعة ، حتى ما تسمع صوت نفسي المخنوق ..

انتظرته ليطلع ، حتى اقدر كمل بكى ، و اخد نفس ..
اول مرة بشتاق لوسيم هيك ، لطيبته ، و قلبه الحنون ، كله راح ..
صحيت الصبح كان وسيم نايم تحت رجلي ..

تاج : وسيم اتاخرت ع شغلك قوم
وسيم : هه شو مصحيكي هسا ؟ شو بتعملي ، مع مين كنتي تحكي ؟
تاج : انا الحق عليي ليش لاحاكيك اصلاً ؟

وسيم اخد اجازة من شغله ، حتى يراقبني و يقدر يعيش بدون شك ..
العيشة صارت اشبه بالمستحيلة ، لما تروح الثقة بروح كل شي حلو ..

تاج : وسيم انا.. انا بدي اتطلق
وسيم : اووه هههههه قررتي و خلص ، بدك تنفصلي لتتزوجوا لتنبسطي ؟ اسمعي طلاق مارح طلق ، و طلعة من هون مافيه ، فهمتي مابدي اشوفك انقلعي
تاج : بكفي بترجااك ، تعبت منك ،خلص مش قادرة اتحمل او عيييش
وسيم : تاج تااج اصحيي ولك قووومي لك ليييش هيك شو اعمل

حملتها وحطيتها بغرفتنا ، كانت حرارتها مرتفعة و ما في اي كلمة ، غير انا ما عملت شي ..
مروا تلات ساعات ، كانوا اطول تلات ساعات بحياتي ،وانا عند راسها ، و هي مو دريانة بأي شي ..
كانت ايدي ب ايدها ، كان خوفي انها تروح ..
تمنيت لو سمعتها ، و عرفت شو مبررها ..
فجأة حسيت بايدها تشد ع ايدي ، و رجع مشهد خيانتها يتكرر بين عيوني ، بعدت وتلاشت اصابعنا ..

تاج : وين حياة
وسيم : الولاد عند امي هم بامان
تاج : عند امك ما في امان ، في خوف و في انتقام و بس ما رح سامحكم

طلعت من الغرفة حتى ما نشد بالكلام ، و ما ادايقها و هي مريضة ..

كان صمته يقتلني ، صار انسان همه يدخن و يتفرج على التلفزيون ..
__________________
______________

بلشت اتقألم مع حقيقة كاذبة ، حقيقة الخيانة ، اللي فرضوها عليي ..
مرقوا علبي اصعب الايام ، و انا كل يوم بحس بأشياء بتتكسر جواتي اكتر و اكتر ..

تاج : الجرس بيرن ممكن تفتح انا برضع بالبنت

_ الحق امك سيد وسيم امك بتصرخ كل الحارة التمو

وسيم نزل بسرعة البرق ليشوف شو صار ، اما انا كنت بدعي الله لا يصيبها ببأس ، حتى ما اشوف حزن وسيم بعيونه ..
مروا ساعات و ساعات و انا بستنى وسيم لأعرف عن مرت عمي ..
سمعت صوت فتح الباب ، رجعت لبست دور اللامبالاه ..

وسيم : مسا الخير
تاج : …..
وسيم : تاج امي .. امي بتموت ، روحناها البيت مابتحكي ولاشي
تاج : خير مالها مرت عمي ؟
وسيم : اجتها جلطة عالدماغ ، و عملتلها شلل
تاج : ….
وسيم : تاج انتي بتعرفي ما في حد لامي غيري ، لهيك لازم سكنها هون او انا ارحل عندها
تاج : تصبح عخير وسيم

ضليت طول هالليلة بفكر شو اعمل ؟ ، خليه يروح ..
بس هيك رح نتشتت ، ليش ما اجيبها عندي ، و هيك بنرتاح كلنا ..
بس رح ضل اسمع بهادل ، و مسلسل اتهاماتها عن عيلتي ، و خالي ..
كنت ضايعة و حاسة اني بدوامة ، قررت اتصل بقلبي اللي بعيد عن عيني ، عن جنتي اللي تركتها علشان وسيم

تاج : الو
ام عدنان : تاج ! كيفك يا بنتي ، شو اخبارك ؟ ااخ يا تاااج شو اشتقتلك ، حنان بنت جيرانا حكتلي انك جبتي بنت
تاج (ببحة ممزوجة بغصة) : امي انا منيحة ما تخافي اشتقتلك ، بنتي بتسلم عليكي حلوة متلك يا امي
ام عدنان : ليش بتبكي وسيم زعلك … وسيم بحبك انا اعطيته قطعة من قلبي ، صح ممنوع زورك بس انتي بقلبي يا امي ما تبكي يا حبيبتي
تاج : مرت عمي عم تموت ، يا اما وسيم بينزل يقعد عندها او جيبها هون شو اعمل ؟
ام عدنان : اعتبريها انا ، و اعملي باصلك اوعك تقصري معها يا تاج انا ربيتك ع الغالي

////

في صبح يوم جديد ، بلشت فتح عيوني و كانت حياة بحضني ..
اما تاج كانت بتكركب ، و بتشغل البيت ..
رحت لشوف على شو ناوية ..

وسيم : صباح الخير شو بتعملي ؟
تاج : صباح النور جبت تخت احمد لغرفتي ، و رح حط تخت الضيوف ب غرفة احمد لانها أوسع و اهدا ..
و هي جهزت البيت ، خلينا ننزل نجيب مرت عمي
وسيم : تاج شكرا
تاج : ….

جهزنا البيت ، و وصلت امي ..
كان بعيونها خوف من تاج ، اما تاج كانت تأدي واجبها كامل ..
اتطعمي ، و تغير ، و تلبس ..
و ما تحسس امي ابدا انها عالة علينا ، بس برغم كل هاد ، ليش هيك عملت ؟ ..
ما كان اي مبرر لخيانتها ..

ايام بتمر ، وةكانت حياة روتينية ، خالية من الحب ، بس فيها احترام ..
رن جرس البيت ، كانت امي ..
رغم كل اللي صار ، اجت تأدي الواجب ، لتشوف مرت عمي ..

ام عدنان : سلامتك ام احمد كيفك اليوم ؟
ام احمد : …
ام عدنان : بنتي روحي بدي احكي مع مرت عمك كم كلمة….

تركتهم و انا بحيرة من امري ، شو السر اللي بين امي و مرت عمي ، حتى تخفيه عني ..
وقفت اتصنت عليهم ، فضولي ذحبني ، و ما تركني اروح و ابعد ..

ام عدنان : اسمعيني يا ام احمد ، ما حد بعرف ليش خالد قتل احمد غيري ، اخي خالد كان متزوج و بحبها لمرته كتير ، و بيوم روح عالبيت و شاف احمد ابنك بخون خالد مع مرته ، هي هربت و هو قتل حاله وقتل احمد

حبست صدمتي بين ايدي ، و منعت حالي من النفس ..
كانو دموع الندم لمرت عمي ينزلوا ، اما امي كانت بتبكي بحرقة ، وانا بسمع وبشوف الحياة كررت حالها نفس الموقف صار في يا امي ..

//////

وصل وسيم من شغله و متل اي يوم عادي ..

وسيم : اي ام احمد كيفك اليوم ؟
ام احمد (بصوت مش مفهوم ) : بدي تاج
وسيم : تاج يا تاج امي عم تنده
تاج : اامري مرت عمي بدك شي ؟

مسكت بايدها و صارت تبكي ..

ام احمد : بترجاكي ساامحيني ، ك..كانت لعبة مني حتى طفي الحقد اللي بقلبي نار ابني
تاج : شو.. شو يعني مرت عمي ؟
وسيم : احكي امي فهميييني
ام احمد : وسيييم تااج ما خانت ، انا بعتت الرجال لهون حتى اخرب بيتها و شيلها من حياتي ، سااامحيني كنت بجهل ساامحيني

وسيم من الصدمة حط ايديه على راسه ، ماعرف شو راح يحكي ..
شفت نظرة الندم اللي بعيونه ، شفت الحزن والاسف الي بتطلعلي فيهم ..
اما انا سجدت ، و حمدت الله الف مرة اللي بيّن الحقيقة ..

وسيم : اميي ..امييي لااا ياا امي اعطيتيني همك و رحتيي ، ليش يا امييي ..

مروا ايام العزا ، كان مفروض اني سامح مرت عمي لانها بدار الحق ، اما وسيم فما رح سامحه ..
_________________

كنت بضبضب ب اغراضي ، و بجهز حالي ..
رح روح عبيت اهلي ، رح روح بكرامتي بعد ما اخدت حقي منه ..

وسيم : تاج بترجاكي ما تروحي
تاج : بعد عني ، و حياة غلاوتك عندي ما رح سامحك ، راحت الثقة ، ما ضل حب خلي يضل احترام وننفصل بهدوء

كملت كل اغراضها و راحت ، و اخدت روحي معها ..
خلت معي ظلمي الها ، و عقابي اللي كان بدون اي ذنب ..

/////

مرت ايام ، و انا ما بعرف عنه شي ..
كل يوم بدعيله الله يحميه ، ويشيل هالحقد اللي بقلبي ..
نزلت دمعة شوق ، مسحتها ب امل من رب الكريم ..

ام عدنان : شو رايك تقومي نروح ع السوق
تاج : سوق ! شو نعمل لسا من يومين رحتي وجبتي اغراض
ام عدنان : اي شوفيها خلينا نغير جو
تاج : طيب رح جهز الأولاد
ام عدنان : لا لا خليهم عند ميس مرته لعدنان و خلينا نروح

رحنا ع السوق ، كنت متل دايما بكل اناقتي ، حتى ما ابين شو جواتي ..
ما بدي اسمع كلمة يا حرام ، او معلش ..
كنا بنلف وبنفتل بهل سوق بدون اي سبب ..

تاج : امي تعبت خلينا نروح
ام عدنان : اي لاا انا تعبت ، خلينا نقعد ناكل اشي بهالمطعم

وصلنا المطعم بس .. امي ما بتحب اكل برا البيت .. غريبة

تاج : امي وين رايحة .. يا امييي
وسيم : كيفك
تاج : انت هون … انا رح روح
وسيم : لحظه تاج خلينا نحكي ، انا اشتقتلك و بحبك ، انا اسف ، بس ما كان فيي كذب عيوني ، مو بس انتي انظلمتي ، و انا كمان انظلمت معك ، خلينا نرجع سوا نعيش من اول جديد
تاج : كل شي راح
وسيم : ضل حبنا ، ما راح ، و انا رح عوضك عن كل شي صدقيني

وصلت البيت ، فكرت بكلامه منيح ..
كنت بتطلع ب احمد و حياة ، لازم يعيشوا حياة حلوة ، لازم ضحي علشانهم وانا .. انا فعلا بحبه ..
_______________
____________

رجعت عبيتي وبلشت من الصفر ، رجعت حياتي احلا ما فيها اي طعم مر بالحب كل شي بصير ..

مهما تحاول ب ان تكرههني فيك سأبقى بقلبك شبحك الدائم الذي يدور في وحيك وكيف ستنجح في كرهي وانا اسكن فيك ….

 

 ♡♡♡ النهاااية